54歲郭少芸分享探店嚐農家菜 保養得宜仍似妙齡少女

近日郭少芸分享自己吃農家菜的影片，被網民大讚凍齡。

54歲女星郭少芸參選1992年的港姐競選出道，外貌明艷大方，亦參演過唔少經典影視作品。雖然生得美麗，但情路坎坷，她曾經歷過兩段感情，但都無疾而終。至今仍是單身的她就密密搵錢，於2020年開始在杭州定居，專心發展自己直播帶貨的事業，近日，她分享一段探店的影片，可見她外貌Keep得好好，完全睇唔出已經係五十幾歲人。

片中，郭少芸妝容精緻，臉上不見一絲皺紋，保養得宜，再搭配一頭淺啡色曲髮，以及身上的白色小背心外搭藍色條紋恤衫，完全睇唔出年紀，仍然充滿少女味！網民都忍唔住留言大讚：「姐太好看了」、「姐姐，原來這麼小女孩，真可愛啊」、「為什麼54歲的臉還這麼好看」、「你的狀態好好，年輕漂亮」、「保養得很好啊。」

郭媽媽腦筋靈活。

現年55歲的郭少芸近年北上定居搵銀，最近趁機回港探親，即帶埋92歲媽媽到茶餐廳歎冰，仲分享與精靈母親的有趣對話。

郭少芸與母親感情非常好

近年經常中港兩邊走

郭少芸貼上與母親手持紅豆冰的合照，並寫上一段有趣對話，網民大讚九旬母親好醒目。事緣郭媽媽曾提過想返鄉下，因此郭少芸問媽咪想返鄉下，還是去澳門玩。郭媽媽則表示：「返鄉下啦，幾十年未去過。」而郭少芸質疑媽媽幾十年沒回鄉，未必認得路，郭媽媽即神回：「我唔認得，你認得咪得囉。」郭少芸亦不禁示弱，反駁謂：「媽咪，細個我同你返鄉下嗰陣，我得幾歲咋喎，梗係唔認得啦。」郭媽媽再神回：「咁你唔認得，家姐認得咪得囉。」郭媽媽果然腦筋好清晰。

與媽媽去食紅豆冰，仲分享了有趣對話

除此之外，郭媽媽仲話要由朝早5點玩到夜晚即日回程，當連郭少芸都覺得攰時，貪玩我郭媽媽即說﹕「又唔係日日咁玩，攰咩啫」果然好好精力。最後，郭媽媽一句﹕「其實我哋係咪可以回程嗰陣經澳門㗎？」可見郭媽媽非常醒目！

郭母心境年輕，轉數分分鐘快過後生仔女