「結婚」係開心事,但要辦一場婚禮卻往往令一對新人忙到頭暈,單是搜羅大大小小婚禮用品已十分「頭痛」。小編年尾好事近,發現有個地方可一次過解決婚禮用品煩惱之餘,荷包仲慳好多,當然要同大家分享吓結婚物資血拼攻略啦!
![](https://image.bastillepost.com/704x/wp-content/uploads/hongkong/2016/08/20160826_LI_buy.jpg.webp)
![](https://image.bastillepost.com/704x/wp-content/uploads/hongkong/2016/08/20160826_LI_buy_2.jpg.webp)
近近哋,由皇崗口岸15分鐘車程就到嘅深圳筍崗工藝城,旁邊有幢筍崗文具玩具禮品批發市場,這裡可謂結婚物資天堂!批發市場內很多商舖主打婚禮用品,利是封、新房裝飾品、燈籠、新娘鞋、禮盒、喜糖、花球、花車公仔、敬茶用品、各式囍字等樣樣齊,而且款式超多,不用周圍撲就可以價格、一次過買盡心頭好。
![大量囍字裝飾品](https://image.bastillepost.com/704x/wp-content/uploads/hongkong/2016/08/20160826_LI_buy_3.jpg.webp)
大量囍字裝飾品
![細利是封 RMB 4 /包, 40個大利是封 RMB 6 / 包, 40個](https://image.bastillepost.com/704x/wp-content/uploads/hongkong/2016/08/20160826_LI_buy_4.jpg.webp)
細利是封 RMB 4 /包, 40個大利是封 RMB 6 / 包, 40個
![茶具RMB 65一套](https://image.bastillepost.com/704x/wp-content/uploads/hongkong/2016/08/20160826_LI_buy_5.jpg.webp)
茶具RMB 65一套
![大量花球裝飾](https://image.bastillepost.com/704x/wp-content/uploads/hongkong/2016/08/20160826_LI_buy_6.jpg.webp)
大量花球裝飾
![拖鞋RMB 10一對](https://image.bastillepost.com/704x/wp-content/uploads/hongkong/2016/08/20160826_LI_buy_7.jpg.webp)
拖鞋RMB 10一對
其中最多港人幫襯係「立興」同「飛翔」,在筍崗購買較香港商舖便宜約一半,小編總共用左$1200就買齊。慳慳埋埋嘅錢,日後去渡蜜月就可以使豪啲啦!提提各位,最好拖個行李喼先好去掃貨,回港時就不用大袋細袋勁狼狽。
![](https://image.bastillepost.com/670x/wp-content/uploads/hongkong/2016/08/20160826_LI_buy_9.jpg.webp)
解決咗婚禮用品煩惱,當然要利用美好假期好好放鬆一吓。提供一站式國際化購物和娛樂,當中 MH MALL 更有大量時裝店可以盡情血拼, casual wear、斯文返工衫、韓國潮衫都有得買,有平有貴,現時還有不少商戶正推出夏季減價,部分割價三折出售,都幾抵買。
![](https://image.bastillepost.com/704x/wp-content/uploads/hongkong/2016/08/20160826_LI_buy_10.jpg.webp)
![](https://image.bastillepost.com/704x/wp-content/uploads/hongkong/2016/08/20160826_LI_buy_11.jpg.webp)
另外,MH MALL 設有深圳最大的IMAX影廳,戲迷必不能錯過這巨型銀幕視聽享受;而保齡球館和溜冰場亦可讓你和另一伴大顯身手,舒展一吓筋骨,無論你好動定好靜都滿足到。美好假期不能缺少美食,醫肚最重要!MH MALL內有各國風味餐廳,小編和未來老婆仔點了一份海鹽香草燒雞及意粉、蜂蜜薯條,以及芝味芝心熱狗,用料新鮮,而且味道一流,只是115人民幣,勁抵食!
![](https://image.bastillepost.com/704x/wp-content/uploads/hongkong/2016/08/20160826_LI_buy_12.jpg.webp)
行完一日攰攰哋,到鄰近 MH MALL 的Spring Hill 會所水療中心做返個 spa 先至夠嘆。他們擁有完備水療設施,揉合傳統東方及西方古代的理療技術,可以揀按摩、facial、全身磨砂及排毒等,讓你身心得以加倍放鬆。
![](https://image.bastillepost.com/704x/wp-content/uploads/hongkong/2016/08/20160826_LI_buy_14.jpg.webp)