呻父母憂垃圾將收費狂掉嘢 港男：仲有用都話照掉！

日前有港男就在討論區發文表示，近日已見家中兩老「密密咁執屋，狂掉垃圾」甚至連有用的都照掉，因不想以後掉垃圾都要給錢！

政府原訂在4月1日推行垃圾徵費計劃，19日宣布延至8月1 日先實行，屆時市民棄置垃圾就必須購買指定垃圾袋及指定標籤，不少港人已開始為日後徵費做好準備，趁計劃未推行前，「拿拿林」丟掉家中囤積物。日前有港男就在討論區發文表示，近日已見家中兩老「密密咁執屋，狂掉垃圾」甚至連有用的都照掉，因不想以後掉垃圾都要給錢！

示意圖。《愛回家》劇照

港男以「屋企人驚之後垃圾徵費搞到狂掉垃圾…」發文與網友分享，指父母因上了年紀，知道垃圾徵費就快實施，即使要支付幾十元都覺得好貴，所以近日已開始收拾屋企，狂掉垃圾，但「愈掉愈多，有D野明明仲有用都話照掉」還叫樓主也要盡快掉走些垃圾。而且父親還解釋「自己做左幾十年人，都未試過掉垃圾要比錢」

雖然樓主有提醒父母，政府已建議在垃圾徵費推行後，長者生活津貼金額會由$4,195(2月1日起)調高至4,205元，當中包括10元的垃圾徵費津貼，但父母依然覺得好貴。他更留意到近日垃圾房多了垃圾，不知是否亦與將推行的垃圾徵費有關。

資料圖片(圖片來源:星島日報)

看了樓主的分享後，除了有網民留言「正常，老人家特別多冇用嘅垃圾放喺屋企」、還得到不少和應「我媽掉完之後覺得又有位可以買嘢返嚟擺」、「幫屋企人執咗五大袋垃圾，老人家咩都唔捨得掉，大部份都係過期嘢」、「港人終於明白『斷捨離』真諦，我屋企去年已執清，保守估計都過百袋」不過亦網民批評垃圾徵費計劃，認為「垃圾徵費」多餘，「我寧願畀一百蚊當係稅收好過麻煩到我哋」，更有網民指日後消費會更審慎，「免得創造太多垃圾，導致自己要額外繳費」。

港媽到大埔茶記買三文治外賣，囝囝「食食下卜一聲」再吐出異物，於是致電投訴，店家竟咁回覆惹公憤，網民揭：呢間一向西。

示意圖。設計圖片

大埔茶記外賣三文治出現異物

該港媽於facebook群組「大埔人大埔谷」分享中伏經歷，表示日前到大埔昌運中心一家茶餐廳購買外賣「芝士火腿三文治」，豈料回家後囝囝「食食下卜一聲」，再吐出一塊「硬膠」。從照片可以，小朋友吐出來的「硬膠」為白色、呈不規則三角形，驟眼看好像一顆掉下來的牙齒。

（FB圖片）

店家態度惡劣「大聲過我，差到無朋友」

樓主見狀即致電店家反映，店方得悉後竟未有即時道歉，還大大聲「我地而家好忙，唔得閒送過比你」，然後更冷冷地問了一句「想點？」樓主氣憤表示「呢個明顯係佢地責任，仲大聲過我，真係差到無朋友」。

（FB圖片）

網民建議報食環

帖文一出，不少網民批評店方不負責任「直接剷落去同佢講啦！你唔好講到想呃多你份三文治咁，小朋友食架，唔小心吞左咁點呀？」、「吞咗後果不堪設想，咁嘅態度，建議報食環」、「報食環可能會令佢有所明白」、「吞落去大鑊，大人細路食倒都唔好啦」、「如果係我就會即時報警，攞埋檔案編號，再報食環」。

（FB圖片）

街坊揭：呢間一向西

有街坊則指該店員工一向態度惡劣「一向西地方，冇吃6年以上」、「個女人不嬲係咁」、「這個店根本不值得去，收銀及服務員態度奇差！」、「不嬲西，仲西足幾廿年」、「入咗黑名單好久了」、「尤其收銀個女人之前都唔係好語氣，最近更加乜都唔滿意」、「呢幾年一次都冇去過，佢忙佢既事，遲早佢哋會好得閒」、「幾個月前去食早餐，聽到個女樓面數D過年冇俾利是既客人」、「態度超西，從此發誓永不幫襯」。

帖文來源：facebook群組「大埔人大埔谷」