「超人外傭」訓練智障囡成功學識行 港媽親佈置婚禮場地報恩

港媽遇上「超人外傭」，對方不僅勤力盡責，更自發訓練嚴重智障的女兒走路。她為表感謝親自為外傭佈置結婚場地。

(FB圖片）

該港媽於Facebook群組「表揚好姐姐開心分享區」發文表揚家中的外傭，將其譽為「萬能全能靚女超人」。外傭不僅英文好、有常識，更是非常勤力「有時我叫佢唔好做，休息下，佢都忍唔住要做」。

(FB圖片）

樓主指外傭多年來一直全心全意照顧家她的嚴重智障且行動不便的女兒。由特殊幼兒中心到小學，外傭陪伴女兒走過了許多艱辛的旅程，從早上跟車送女兒上學，校內訓練、餵食，到放學回家，外傭也無微不至地照顧著女兒的一切需求。甚至女兒需要到醫院複診時，外傭也會陪同出入。更令人感動的是，外傭每週還會自行帶女兒去做物理治療，並在家中自發為她進行訓練。這些努力最終令女兒在5歲時學會了走路，讓樓主深受感動「我係後來先知道原來佢做咗咁多」。

(FB圖片）

樓主表示，沒有這位外傭的幫助和支持，她可能無法重返職場，也無法參與家長義工活動。而且身邊的人無不讚揚外傭的善良和愛心「所有認識我地嘅家長，老師，社工，主任，治療師，朋友，無一不讚姐姐真係超級好，超愛鍚我女，對其他特殊小朋友一樣好有愛」。

近日，外傭終於步入了人生的新階段，在香港舉辦婚禮，並邀請了樓主一家以及樓主的朋友參加。為答謝外傭多年來的付出，樓主及朋友親自為她佈置婚禮場地，並送上祝福「見到姐姐可以settle down，好開心，希望佢老公好好愛鍚佢」。

(FB圖片）

外傭亦找了一位值得信賴的朋友來頂替自己的工作，並表示一定要確保小朋友完全習慣後才會放心離開「佢同老公講左一定要搞掂我女，新姐姐上手佢先會離開」。樓主最後感慨地問道「咁好姐姐去邊度搵呀？」網民紛紛留言表達對這位姐姐的敬佩和祝福，並希望她和港媽一家都能夠幸福美滿。

(FB圖片）

帖文來源：Facebook群組「表揚好姐姐開心分享區」

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」