港男收$2200清潔曱甴屋 廿年經驗都嚇到縮沙：有啲錢我冇本事賺

港男收$2200負責清潔一單位，豈料驚見是非常污糟的曱甴屋，令有廿年經驗的他也縮沙「冇本事賺呢啲錢」。

清潔前(FB圖片）

該港男於連登討論區以「做咗廿年清潔，今次終於遇上曱甴屋」為題發文，表示自己從事清潔行業已有二十年，早前他受托清理一個曾租給獨居長者的單位「前公務員精神有問題」，收費為$2,200元。事前雖已看過單位內的照片「當時以為只係比較污糟同比較多曱甴」，但一入屋卻驚覺單位衛生情況比想像中嚴重得多「到我進入到單位聞一聞陣味⋯係一種好x霉嗡嘅曱甴味，我心諗今次x街了」。

清潔前(FB圖片）

樓主雖然很想轉身離開「但自己又應承咗人做，唯有焗住頭皮頂硬上」。他形容該單位猶如一間曱甴屋，非常嚇人「有幾次比曱甴爬上身，抹櫃桶時見到啲曱甴卵堆積如山，所有牆身都有曱甴屎，成個環境都發出臭味」。完成第一天工作後，樓主隻腳被蝨咬到出現密密麻麻的紅點，回家後他要立刻冲涼，並用熱水洗衫消毒。

示意圖。設計圖片

由於前一天噴曬了滅蟲藥，樓主以為第二天的情況應該會較好，豈料當他再回到單位時，他震驚地發現曱甴的數量比前一天更多，甚至每一步都踩到曱甴「數量仲多過我平日碗飯嘅米量」。由於情況實在太惡劣，樓主清潔了房屋的部分空間後，最後還是打退堂鼓，致電業主表示要放棄任務「有啲錢我冇本事賺」、「佢（業主）都好明白最後錢都無收佢，我就走咗了」。

清潔後(FB圖片）

帖文引熱議，網民留言表示「呢D屋要拆晒所有入牆櫃，係木都要拆，變清水樓先至有機會清到曱甴」、「有好多鬼祟位可以收埋好多卵，唔好彩買咗呢D單位真係永無寧日」、「應該搵滅蟲公司殺曬，先搵清潔公司清走」、「隔離屋真係多得你唔少」、「嘩好恐怖，但係你都清潔咗7、8成，業主咁都唔俾返少少水腳你？」

清潔後(FB圖片）

帖文來源：連登討論區

有港女於沙田兩餸飯店以$54買淨餸「西蘭花蝦仁」，打開見「蝦仁得一千零一粒」，投訴後獲店家咁補償。

沙田石門兩餸飯店外賣「西蘭花蝦仁」只有一隻蝦仁

該港女於Facebook群組「香港兩餸飯關注組」發文，表示日前光顧沙田石門一間兩餸飯食店買外賣，點了兩份淨餸菜式及一份糖水，當她回家打開外賣盒時，驚訝地發現「西蘭花蝦仁」中只有一隻蝦仁。她感到非常不滿「西蘭花蝦仁得一千零一粒」，於是發文提醒其他網民要「避雷」，不要到該店光顧同樣菜式。

港女於沙田兩餸飯店以$54買淨餸「西蘭花蝦仁」，打開後驚見「蝦仁得一千零一粒」。（FB圖片）

從上載的照片可見，樓主的外賣是送到府上的，外賣盒內西蘭花的份量很足，但卻只有一隻小小的蝦仁，而帳單顯淨餸單拼「西蘭花蝦仁」價值$54。樓主當天亦點了淨餸單拼「蘿蔔牛腩」及糖水，合共消費$107。

網民認為$54得一隻蝦仁不合理

帖文曝光後，不少網民批評食店離譜「54蚊得1粒蝦仔就真係好唔合理喎」、「咪鬼幫襯，下次咁情況，唔比錢直接走」、「員工有心倒米，無可能得一粒蝦仁仔」、「之前係土瓜灣叫西蘭花蝦仁，都係得2、3粒蝦，但你呢個過份咗」、「$54 單餸都算幾貴，仲要得一粒蝦」、「好誇張下啫，1粒蝦真係幾伏」。

有網民留言「咁又誇咗啲，你個靜餸少蝦過我兩餸飯」。（FB圖片）

網民爆笑留言指萬綠中一點紅

有人則笑言「萬綠叢中一點紅」、「係咪聽錯左走蝦，聽日又要改名『西蘭花單吊蝦仁』」、「果粒肯定係東海龍王隻蝦兵」、「都係為你健康著想吃多啲菜」、「絕對無犯商品說明條例，起碼有一粒呀」、「下次買半打蛋撻去請呀姐食，包你一盒都系蝦，得一粒西蘭花」。

有網民留言「我喺XX買淨餸都有四隻蝦$45，樓主嗰盒又真係過份咗啲」。（FB圖片）

店家同意退款稱：個別事件

其後，樓主更新了帖文，表示已與店家聯絡，對方解釋稱這只是個別事件，並同意退款。樓主則指「味道係好味嘅，希望改善下」。

有網民留言「可能啲蝦派晒啦…我有4隻」。（FB圖片)

帖文來源：Facebook群組「香港兩餸飯關注組」