港爸查電話驚揭老婆出軌男同事慘戴綠帽 奸夫仲咁回應

港爸查老婆手機，驚揭老婆出軌男同事，怒而致電「奸夫」質問，對方竟這樣回覆。事主為了小朋友糾結應否離婚。

TVB《婚後事》劇照

該港爸投稿Facebook專頁「開掛之達人」以「今晚發現老婆出軌」為題發文，表示與老婆結婚15年並育有一名6歲小孩。他早在一兩個月前已發現老婆行為古怪，不單止「晚晚傾電話到1-2點，問佢同邊個傾又話同事」，更以「想睇落精神啲」為由開始化妝打扮返工。最近，老婆更手機不離手「family day出街都不停send WhatsApp ，仲有意擰歪部手機唔比我睇度」。

近日，事主夜晚1點多回到家時，發現老婆已經入睡。他忍不住打開她的手機，發現部分的對話及照片已被刪除。他十分懷疑於是打開「已刪除的照片」一看，竟發現老婆與奸夫的合照，以及大量內衣自拍照「我當時成身震晒完全接受唔到」。

TVB《婚後事》劇照

事主立即質問老婆「點解要send呢啲相比人？係咪要離婚？有無發生關係？」老婆起初否認出軌，但後來承認與男同事之間存在好感，並表示對方能夠給予她安全感。事主聽後極度憤怒，立即以老婆的電話打給奸夫，狂罵對方「依家我地要離婚啦 ！你點呀？要唔要照顧佢同我個小朋友呀？你搞散你上司頭家，唔洗負責任？」奸夫沉默一輪後表示「聽日返工就辭職，以後都唔會再出現」。

事主繼續罵「點呀？拍拍囉柚就走咗去呀？你唔係好中意佢咩 ？大家成年人，你地要一齊咪講囉！我一定會離婚，成全你地！只係你搞到個小朋友無左個爸爸或者媽媽！」豈料對方沉默一輪後竟回應「如果你地離婚，都唔會無左個爸爸，你可以繼續照顧小朋友。」

TVB《婚後事》劇照

事主聽後更怒火中燒「佢可以覺得搞到咁嘅地步，仲可以當無事發生，會對個小朋友一啲影響都無！」老婆則表示「唔想離婚，但我要離的話佢都控制唔到。」他非常無奈，但又不想影響小孩，於是發文向網民訴苦。

帖文引熱議，不少網民對事主的遭遇感到同情和擔憂「冷靜啲，明白你而家好難受，最緊要唔好衝動做傻事」，並勸告他果斷離婚，不要容忍妻子和奸夫的出軌行為「綠帽唔怕戴，最緊要除得快」。很多人則認為，面對這樣的背叛，離婚是保護自己和孩子的最佳選擇「離啦，唔健康的婚姻對小朋友都唔好」。

TVB《婚後事》劇照

帖文來源：Facebook專頁「開掛之達人」

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」