輪椅人士無力獨停深水埗路中 好心司機即落車幫手推 網民激讚惟憂一事

深水埗有行動不便人士坐著輪椅過馬路，疑因中途無力，竟停在馬路中心，有司機見狀即跳車幫手推，獲網民激讚。

有司機見行動不便人士不便，無力推輪椅過馬路，立刻跳車幫忙，獲網民激讚。（FB影片截圖）

該好心司機於facebook群組「車cam L（香港群組）」上載一段車cam片段，事發地點為深水埗大南街，影片顯示當時交通燈號為紅燈，樓主的車於行人過路處前停下，一名行動不便人士坐著輪椅正在獨自過馬路，他以雙手推動著輪椅前進，疑因中途無力所致，即使當時交通燈號已轉為綠燈，但對方依然在馬路中心。

（FB影片截圖）

（FB影片截圖）

其他車輛在輪椅旁不斷駛過，樓主見狀立即跳車幫忙，他跑到輪椅後面幫手推，在行人過路處的紅燈出現之前，成功將該名行動不便人士推回行人路上。樓主事後表示「盡點綿力啦！希望社會多點正能量」。

影片曝光後，不少網民激讚樓主善心之舉「最正能量、最佳車cam片！」、「香港多呢d司機，就會更加美好」、「呢啲嘢冇得扮！一定要發自內心」、「暖心司機抵讚」、「好多人，心諗住去幫，但一路諗一路走，欣賞你踏出既第一步，只要多行一步，已經幫到唔少人」、「香港應該多啲大愛先會更美好」。

（FB影片截圖）

（FB影片截圖）

不過亦有人擔心樓主表示「邊有人敢做好事！1）未熄匙離開車輛；2）違例停車；3）閃動綠公仔時横過馬路」、「我上次又係咁，跟住等過馬路返去車嘅時候，食咗張牛肉乾」、「你有無鎖車？小心俾人偷嘢」、「呢位師兄係好心，但舊區其實真係好多老童，佢哋好識利用同情心，又攞錢又攞煙仔，我喺深水埗做嘢咁多年真係見唔少」、「好心係好！不過推呢啲道友真係小心啲囉！萬一佢有嘢係身，警察又埋去踢！就算點樣解釋都係煩到自己！」

（FB影片截圖）

帖文來源：facebook群組「車cam L（香港群組）」

街坊目睹啟德連鎖快餐店內，疑有人開班教畫畫，8人佔了3張枱，堆滿畫具畫紙。一原因令網民意見兩極。

(FB圖片）

連鎖快餐店內疑有人開班教畫畫

該街坊於Facebook群組「啟德居民自由講」發文，表示日前到區內某連鎖快餐店吃早餐，竟看見有一群年輕人正在開班畫畫「一早嚟食早餐，開足幾枱畫班，好心要教去會所教丫」。從樓主上截的照片可見，當時有一行8人佔據了3張枱，其中兩張枱上放滿了畫具及餐點，他們一邊吃東西一邊畫畫。

圖片來源：大快活官網

年青人點餐消費，用餐後繼畫畫

樓主不滿他們在繁忙時段佔枱畫畫，令有需要用餐的人無法找到位置「已經沒曬位，仲要開曬架攞正牌咁，霸曬啲位畫畫」，不過由於他們有消費，所以沒有要求店員趕走他們。樓主又指責他們吃完餐點後並未立即離開，而是繼續佔位畫畫「佢邊食邊畫食完就閃，我覺得係可以，但食飽左繼續坐定定畫畫就有點over」。

示意圖。設計圖片

網民批評無公德心

帖文引熱議，不少網民認為在快餐店開班畫畫太離譜「好無公德心」、「可以咁樣畫畫架咩，大開眼界」、「大把人一家大細喺度等位，佢地真係好意思」、「無公德心，仲有資格教小朋友」、「賣保險同補習都算，開畫班真係誇左啲」、「顏料有機會整污糟d枱櫈，真係唔係幾好」、「有人落兩被逼入室內畫，點解要餐廳同其他等位嘅人埋單？」、「温書還可接受，開壇畫畫會唔會離譜啲呀」。

（FB截圖）

網民估計另有原因

亦有人認為並無不妥「人哋有消費，點解唔得？」、「個個都係咁架啦，只係有人玩電話，有人睇報紙，咁畫畫又有咩問題」；有網民則估計，他們參加了原本在啟德車站廣場附近舉行的畫畫活動，後來因惡劣天氣才會移到室內「本來是在公園，應該是後來落雨，應該不是居民，因為好大班人，有D去左airside d食肆」、「刪咗佢喇，因落雨先咁樣，你影到日日咁樣先出嚟講」、「今朝橫風橫雨！咁多小朋友入嚟餐廳避雨，繼續上堂，有買餐飲，啲comments 做乜咁小氣？」

帖文來源：Facebook群組「啟德居民自由講」