有港人日前在藍田商場一間傳統餅店購買2磅曲奇，回家後發現竟被「呃秤」，於是回餅店理論並要求補回差額，事後他將不快經歷與社交平台網民分享，惹來熱議！
FB圖片
兩袋曲奇加埋唔夠2磅 仲差131克
樓主表示日前在藍田啟田商場某家餅店買了2磅曲奇，店員告之50塊曲奇等於2 磅，而2磅曲奇的售價是$180。當時店員並沒有秤一秤曲奇的重量，就直接將50塊曲奇分別放進兩個袋中。其後，樓主回到家中，發現一袋重404克，另一袋則重371克，即是共重775克，與2磅重約906克，相差了131克！
FB圖片
店家仍堅稱「50塊係兩磅。」
樓主感到被「呃秤」，心心不忿，於是返回餅店與店員理，剛開始店員仍堅持稱「50塊係兩磅。」，經過一輪爭論後，店家最終補回16塊曲奇給樓主。
FB圖片
網民：唔老實，冇下次
樓主的不快經歷，引來網民議論紛紛，不少人批評餅店不老實「呃秤喎，佢唔用重量咪冇事，講明$180得50塊」、「兩磅應該是908g，唔老實，冇下次」、有人講笑「會唔會係計未焗嗰陣既重量？」「好離譜」、「差咁多」，更有人話要報海關等。
示意圖。《愛回家》劇照
網民提議應該咁寫就不會有爭執
但亦有網民覺得情況好普遍「去各大餅店買蛋糕再返嚟磅一磅（看看）！」、「個情況好似以前買方包咁，8塊就叫做『1磅』。亦有人建議其實應該「改個標籤，唔可以叫一磅，改用50件/包。」咁就可以避免再發生不快的事件！
