姜麗文忍淚錄新歌《要說快樂太虛偽》 自爆唔開心時創作靈感特別多

姜麗文接受黎莉《勁爆樂勢力》節目訪問，宣傳全新作品《要說快樂太虛偽》

唱作女歌手姜麗文（Lesley）接受新城黎莉主持的《勁爆樂勢力》節目訪問，宣傳全新作品《要說快樂太虛偽》，Lesley透露只花了20分鐘便完成新歌的英文歌詞，然後交由填詞人Oscar翻譯為中文詞，她表示：「我寫嗰時好唔開心，一邊寫一邊喊，但點解喊就唔講喇！」

Lesley透露只花了20分鐘便完成新歌的英文歌詞

接受新城黎莉主持的《勁爆樂勢力》節目訪問

16歲開始寫歌的Lesley，創作了不少出色作品，包括《I AM WOMAN》和《爸爸放心我出嫁》，而新歌《要說快樂太虛偽》雖然只用了鋼琴伴奏，配以Lesley悅耳的歌聲及扣人心弦的歌詞，就連她自己亦被觸動到，Lesley說：「歌詞想帶出唔使強迫自己快樂，唔使迫自己成日咁有活力，有時做人，就算全世界同你講move on，做唔到就係做唔到，要接受自己。大家知我曾經患上抑鬱症，呢個係我經歷，希望呢首咁慘的歌可以治療到大家。」

16歲開始寫歌的Lesley，創作了不少出色作品

Lesley在最失落的時候，就靠寫歌抒發情緒，有時更要強忍眼淚，Lesley表示：「我錄《要說快樂太虛偽》時就要忍眼淚，一喊就錄唔到，但一完咗我就好似好放鬆咁。」Lesley又透露不開心的時候會寫日記和寫詩，很多時都會將這些文字變成歌詞，而開心時則會繪畫，她稱：「例如今日同老公去約會，我會畫兩個人同心心，但唔會畫得太仔細，寫詞就會寫得長啲，因為唔開心時靈感就會多啲。」

Lesley在最失落的時候，就靠寫歌抒發情緒，有時更要強忍眼淚

安俊豪帶病都堅持唔甩底！

新城廣播《新城體育會》上周六（6月22日）再次出動，今次由新城廣播節目主持黎莉充任隊長帶領歌手安俊豪、龔柯允及鄺星宇，代表《新城體育會》出席在荃灣某商場舉行的「飛越啟德100KM跑步機慈善挑戰賽2024」，參與「傳媒及名人組」10公里賽事，而新城廣播總經理（項目及商業事務）朱靜宜和項目總監葉碧梅特別到場為他們打氣。

安俊豪嘔吐不適堅持到場。

龔柯允落力跑。

鄺星宇

隊長黎莉最後衝線！

這次全港最大型的室內跑步機超馬接力賽，除了吸引超過600名跑手及運動員參加外，還有多個企業、機構和名人等組隊參與，齊齊身體力行共襄善舉，用行動和汗水，支持「啟德體育園」社區體育發展，同時為有需要的人士帶來幫助。比賽期間，黎莉、安俊豪、龔柯允及鄺星宇輪流接力跑，雖然安俊豪早上嘔吐不適，但他都堅持到場，並且跑到大汗淋漓，最後由黎莉衝線，4人合力在1小時37秒順利跑完10公里賽事。

黎莉、安俊豪、龔柯允及鄺星宇輪流接力跑。

安俊豪表示最初還未熟習跑步機性能，要運用一點技巧，他稱：「特別之處控制唔到跑步機的快慢，一開始諗住用番自己平均速度，點知佢愈嚟愈快，慢啲又太慢，所以都用咗段時間去熟習個速度，本身今日有少少唔舒服，但嚟到呢到都好開心，係一個新體驗，同三位一齊跑好正，好有團隊精神。」身形嬌小的龔柯允亦落力跑，她笑言：「跑完勁開心，成個人健康咗。」鄺星宇則表示已盡自己能力愈跑愈快，還搞笑謂：「好彩唔係跑包尾。」而隊長黎莉最後衝線，跑得滿身大汗，老公及囝囝在場外不斷為她打氣，她笑言：「好彩順利完成，不過好開心，多謝3位歌手一齊支持，尤其安俊豪帶病都堅持唔甩底。」

新城廣播總經理（項目及商業事務）朱靜宜和項目總監葉碧梅特別到場為他們打氣。