港媽斥屯門食肆收兩歲B 8蚊茶錢 有人鬧「劏客」有人話「一向計人頭」

港媽炮轟屯門某食肆，收取兩歲的小孩$8茶錢，更揚言「以後都不會再幫襯！」有網民斥餐廳「劏客」，亦有指一向「計人頭」。

(Getty圖片）

港媽不滿食肆收兩歲B茶錢

該港媽於Facebook群組「飲食黑店大全」發文，表示日前一家三口到屯門一家餐廳用膳，他們點了兩份午餐，埋單時發現2歲的小孩亦被當作一位，要收8元茶位費。樓主以為收銀搞錯，於是問清楚「2歲BB都要收茶位？」豈料對方態度強硬回應「係啊！」樓主非常生氣「係香港咁耐真係未聽過2歲BB都需要收茶位」，更揚言「總之以後都不會再幫襯！」

FB圖片

網民批評餐廳做法離譜

帖文引熱議，有人支持樓主，認為餐廳安排確有不妥「BB都唔飲茶嘅，玩嘢咩職員」、「我諗8蚊唔係問題，咁樣屈個8蚊肉x酸先係問題。慣咗做水魚比人湯另計」、「搭車都未使畀錢就要畀茶位費真o晒咀」、「通常係計枱面有冇餐具，如果係一份餐具都唔使嘅，咁就唔應該收」、「收完茶位再收加一，好過去搶」、「正常3歲前，酒樓都唔收茶位」、「以前 BB 唔收茶錢」、「服務態度差，劏客先，一蚊都唔會放過」、「飲奶都收茶錢？」、「遲啲孕婦會唔會收兩位茶錢？」

示意圖

網民認為「計人頭」合理

不過亦網民話樓主「西客」，企圖拒付茶錢，異口同聲指茶錢通常按人頭計「茶位唔代表飲茶，係講緊佔嘅座位，即係茶樓嘅座位」、「咁你個2歲B有冇佔座先？有就咪嘈，雖然係叫茶錢，但你當係座位費咁解」、「2大1小就計3位，香港大部分食肆都係咁計。唔想計茶位，咪去啲冇茶位既舖頭食」、「今日同親戚去飲茶，分別一個2和4歲，都照計架！因為坐咗個位嘛！」、「咁我建議你呢類人唔好出街亦都唔好出國，更加唔好去日本。因為日本酒店兩三歲小童都要收你入住費。出得去咁介意嗰一個幾亳你都係返屋企自己煮」。

示意圖

帖文來源：Facebook群組「飲食黑店大全」

有民眾在北潭涌巴士站目擊一隻大野豬帶著兩隻野豬BB冒險落山覓食，大野豬不停翻垃圾桶尋找食物，網民心噏表示：好可憐肯定好肚餓！

大野豬帶兩野豬BB摷垃圾桶覓食

該網民於Facebook群組「車camL（香港群組）」上載影片，表示「一拖二⋯近距離的接觸」，事發地點為北潭涌巴士總站，影片顯示一隻體形巨大的野豬走向巴士站，並將一雙前腿放在旁邊的大垃圾桶上，再用鼻子大力推開桶蓋後查看，似正在尋找食物。

一家三口覓食失敗

隨後，兩隻較小的野豬也加入了翻找行動，其中一隻亦嘗試爬上垃圾桶查看。之後，大野豬移動到另一個巴士站的垃圾桶，兩隻小野豬緊隨其後。牠們試圖推倒垃圾桶，又用鼻子推開桶蓋，希望打開蓋子，但由於垃圾桶被膠帶綑住，苦苦掙扎後，最終亦未能成功。在旁有不少途人駐足觀看，亦有人舉起手機拍照

FB影片截圖

網民心酸表示好可憐

不少網民看到影片後，心痛表示「好可憐肯定好肚餓」、「豬媽都瘦晒」、「無嘢食好惨，被捉到就會死」、「香港做動物都無運行，浪費幾多能量都開唔到垃圾桶，心痛」、「係人類打擾咗d動物，然後反而話佢地威脅到人類，希望佢哋平安」。

FB影片截圖

亦有網民籲「非誠勿擾」

有人亦勸樓主不要打擾他們「山上冇嘢食先落山搵食，唔好出post俾條生路佢哋行啦」、「唔好影佢啦，佢已經夠可憐架啦，佢都喺山上面冇嘢食，落嚟搵嘢食嗻，你post出來，漁農處一定趕盡殺絕」、「為自己積下陰德，樓主你post出嚟，幫唔到佢哋，反而引起殺生，何必呢」。

FB影片截圖

FB影片截圖

帖文來源：Facebook群組「車camL（香港群組）」