Edan呂爵安新歌變身惡魔 唱出以偏概全的社會病態

Edan化身惡魔企枱喪跳！

向來愛在MV中帥氣登場的呂爵安（Edan），於昨日（6月20日）推出新歌《月光奏明曲Moonlight Sonata in “E” minor》，打破常規以極度邪惡造型拍攝MV，而歌曲亦一改以往作風，唱出以偏概全的社會病態，惹人反思。

MIRROR成員呂爵安（Edan）新歌《月光奏明曲Moonlight Sonata in “E” minor》MV。

一看歌名，大家必定會想起貝多芬《月光奏鳴曲》，但為何歌名會略有不同呢？Edan道出歌曲創作靈感道：「呢首歌已經做咗成年，當時係想做一首Classical加跳唱嘅作品，跟住就揀咗貝多芬《月光奏鳴曲》，然後我哋再諗用月亮去延伸，諗下講咩好：月亮本身唔識發光，只係因為太陽嘅照射，人類喺地球上望上去，先見到月圓月彎唔同形狀，但佢本身係暗黑球體。我哋跟住諗到，想藉此比喻喺資訊咁發達、速食嘅社會，我哋睇每一件事就好似太陽照落去，佢係咩形狀就係咩形狀，唔會細心用時間去研究。」而經過填詞人T-Rexx的巧思，歌名中的「鳴」變了「明」，有道出真相的含意，而英文名亦將歌曲原本C Sharp minor的調子，變成了E minor，Edan續道：「E就代表Edan，而Major、Minor平時喺音樂上有大調、小調意思外，其實亦有主流、非主流嘅意思，而今次歌曲係屬於Edan一啲Minor嘅想法，所以就用上E minor。」

Edan變身惡魔！

唱出社會病態問題。

由於與貝多芬《月光奏鳴曲》有著密切的關係，《月光奏明曲Moonlight Sonata in “E” minor》中亦用上大家耳熟能詳的熟悉旋律，Edan表示：「今次喺Intro同Ending都係用咗貝多芬〈月光奏鳴曲〉，以前學琴都有彈過，而且咁啱都係同一個Key，練起上嚟都好快，冇話好難，但中間嘅鋼琴Solo的確有啲考起我，因為太密太快，但都幾得意同具挑戰性，希望有一日可以喺舞台上可以表演到呢一Part俾大家睇啦！」

企枱喪跳！

為了突出歌曲的主題，《月光奏明曲Moonlight Sonata in “E” minor》MV上的造型亦很特別，Edan除了會帥氣彈著鋼琴現身外，他亦化身成惡魔！Edan親自介紹道：「造型上好特別，係以惡魔形態出現，而且係唔同階段嘅進化，化妝同造型都好大突破，係以往冇試過。其實最初一聽到呢首歌就已經好想有呢個模式、變身嘅狀態——上咗月亮，落返嚟就變咗另一個形態，呢個concept喺好耐之前已經喺我腦海裡面有畫面，所以好多謝導演可以幫我實行到呢樣嘢。」而這個十分突破的造型，亦令Edan回想起過去參加《全民造星2》時的Joker造型，Edan道：「呢個造型令我諗返起《造星2》玩Joker嘅一啲瘋癲同黑暗形態，又或者係哈利波特嘅表演，但Solo作品一直未有呢個機會，今次係幾好嘅Timing去嘗試。」

MV中當然不乏跳唱畫面。

以惡魔形態出現。

惡魔的造型以漸進式呈現，有少少煙燻眼狀、塗黑手指甲再配以道具指甲，到臉上的紋愈來愈多，雙手以彩繪形式塗至漆黑，再配以黑色翅膀，是Edan前所未有的邪惡！Edan感激地表示：「以前都未試過呢啲造型，製作過程需時都比較長，真係辛苦化妝師幫我搞，唔簡單！出嚟效果好滿意。」Edan更謂，他飾演的惡魔，其實揭露了世界人類的醜惡。

帥氣彈著鋼琴。

講明這次是跳唱作品，MV中當然不乏跳唱畫面，Edan對此都感到很難忘，他說：「裡面好多長鏡頭跳舞場口，好似喺枱上面，或者喺皇座上面，都係一Shot落跳舞，另外有對翼喺好混亂嘅狀態等等，以往都係比較少嘗試，所以今次體驗真係好在喺呢幾年對表演同跳舞，都有少少嘅進步，今次先Handle到呢啲嘢，如果唔係以前嘅自己應該做唔到而家MV想表達嘅嘢，當然可以做得好好多，但呢個Timing都係幾有趣，希望大家都鍾意。」

A主動出擊邀請馮允謙共同作曲。

舉行首個個唱在即的江𤒹生AK，在正式閉關籌備演唱會前，昨日（6月24日）推出最新單曲《偽映畫預告》，同日下午在海運戲院舉辦MV首播會，與300生粉先睹為快。新歌《偽映畫預告》由徐浩監製、AK首次與Jay Fung（馮允謙）合作寫曲、好友Oscar填詞及負責操刀MV，透過八大經典電影場景串連，比喻一段關係開始前，就好像電影預告一樣精彩、吸引，但當你真正去欣賞電影時，會發現電影與預告原來是存有落差！

AK推出最新單曲《偽映畫預告》。

這次推出《偽映畫預告》找來Jay Fung首次合作，原來這是AK已久的心願，透露早在多年前活動上，AK已主動邀請JayFung期望合作寫曲，但直至兩年前一次靈感湧現，AK突然那來的勇氣才真正聯絡Jay Fung合作，AK開心道：「好記得一次表演後返到屋企，個腦突然間有啲melody，即刻攞部電話錄起咗，又好膽粗粗send畀Jay Fung，真係一個好rough口哼幾句嘅melody，佢竟然一口就應承咗我！」而兩年後，眼見歌曲成功面世，AK大呼感動外也感謝Jay Fung一路的幫助。

MV玩轉經典電影場景。

《La La Land》場口最深刻！

歌詞部分上，AK說Oscar以電影預告形容一段感情寫照，因為好多關係未正式開始，會像電影預告精彩美好，但事實卻未必是和預期一樣，說：「每段關係開始前，大家都會諗得好美好，好似電影trailer，最精華最好擺晒裡面，但件事最終發生成點，一日唔開呢套戲一日都唔知道。一段戀情一樣，開始咗至知同另一半唔啱、係需要磨合，或者未必最適合你，同你睇嘅trailer（預期）原來唔一樣。」被問到AK的愛情觀，AK覺得與《偽映畫預告》中的男主角相近亦有相似經歷，開始時可能對愛情抱有幻想，但開始後很多事亦不是自己想像中美好、相處是想像中的舒服，關係沒帶想像中的好。

新歌與馮允謙合作。

有走入電影世界的感覺。

配合新歌內容，今次《偽映畫預告》MV穿插八部經典電影場景，AK表示這是填詞兼MV導演Oscar想法，當中場景包括：《教父》、《花樣年華》、《無痛失戀》、《少年Pi的奇幻漂流》、《鋼琴戰曲》、《La La Land》、《布達佩斯大酒店》及《真人show》，當中也穿插了其他電影如《鐵達尼號》、《這個殺手不太冷》、《春光乍洩》、《搏擊會》、《潛行空間》等等的劇情及服飾細節。AK說：「嚟到現場真係有走入電影世界嘅感覺，加埋燈光好靚，自己都不停打卡，好鍾意《布達佩斯大酒店》及《教父》兩個場景，而第一下入到嚟見到《La La Land》，自己好大感覺，因為我好鍾意L.A呢個地方，人生第一次到L.A仲係dancer嘅時候，有特登上天文台山睇呢個夜景，到今次望到呢個假夜景，上年又拍完《Blue Monkey》返嚟，有啲掛住係L.A生活、朋友，同嗰邊拍嘢嘅回憶，即刻問大家幾時再有機會去拍過。」

《教父》場景。

電影預告比喻愛情，想像與真實存有落差。