蘇麗珊（Cecilia）於電視劇《無間道》在羅嘉良面前跳艷舞，又與男主角王陽激咀，坦言拍這幾場戲勁緊張，導演見她騰晒雞，下令清場拍攝。
蘇麗珊於電視劇《無間道》有跳艷舞場面。
Cecilia第一次拍電視劇便要跳艷舞，他同場其他女演員跳得太出色，笑言擔心跳到似機械人，擔心被比下去而勁緊張：「第一次係鏡頭前跳舞，條裙又短又低胸，仲要喺嘉良哥面前跳，心情非常緊張，但都要硬着頭皮跳。因為我本身唔識跳舞，隔離嘅女孩子又扭得好厲害，所以拍攝前要特訓， 勁練咗幾十次先至夠膽喺鏡頭前跳。好多謝Toby（梁靖琪）花咗一日嚟教我跳舞，收咗工都專登留低陪我壯膽，俾咗好多信心和支持我。」
蘇麗珊笑言擔心跳艷舞跳到似機械人。
她又直言打戲和跳舞戲難度一樣高，但兩種感覺不同：「可能因為我細粒，又唔夠力量，所以覺得好難制服到賊人，效果搞笑。不過打戲動作快，加上後期剪接後見得下人。但跳舞就好驚觀眾睇咗會覺得好流，仲要喺咁多前輩面前跳舞好尷尬，更加緊張。」她謂大家見她驚到都不敢笑，仲要清場拍添，結果出來的效果都好滿意。
蘇麗珊滿意出來的效果。
此外，劇情講述王陽到夜總會搶羅嘉良販毒生意，期間遇上蘇麗珊飾演陳永仁女兒陳玥琪，情急下強吻蘇麗珊，成功避過追捕卻硬食她一大巴掌。雖然不是營幕初吻，但Cecilia拍吻戲前仍難掩忐忑心情，原來真正問題不只是害羞：「拍強吻戲要做掙札反應，有幾次因為撞咀要NG，再加上緊接我摑王陽一巴，反應唔連接又要NG，又要再錫和再打。王陽好好，佢叫我唔好就住打，要狠狠真打，真係打到佢面腫㗎，非常唔好意思！」
王陽情急下強吻蘇麗珊。
到底蘇麗珊和羅雪妍能否行運行到尾成為「最強家事達人」？密切留意最後一集《HOME即是識》。
由森美、馮盈盈、陳若思及倪嘉雯主持的問答遊戲節目《HOME即是識》，今晚（3月13日）播出最後一集，經過前兩晚的激戰，一味靠運的蘇麗珊＋羅雪妍以5,000分遙遙領先，Cathy+柏遨以3,400分緊隨其後，黃生+黃C拉3,100分咬實唔放，Carol+Ming、Pen+Kazaf同樣獲得2,800分，艾妮+許靖韻以2,400分排包尾！
羅雪妍（左）同蘇麗珊到底可唔可以靠運氣贏到最後？
第三回合搶答題將決定出最終2個出線名額，手握5,000分的蘇麗珊＋羅雪妍「坐定粒六」殺入最終回，原本排包尾的艾妮+許靖韻頻頻發功答中問題，鬥到最後一條問題時，獲得3,900分的艾妮+許靖韻僅落後黃生+黃C拉200分，可惜最終一條問題由鐵定無緣最終回的Carol+Ming搶答成功，令到黃生+黃C拉坐享其成殺入最終回。
鬥到最後先分出勝負！
艾妮（左）同許靖韻臨尾發力都係無力回天。
蘇麗珊同羅雪妍以5,000分殺入最終回。
黃生同黃C拉實力不容忽視。
終極Battle環節非常緊張刺激，最高分的兩隊將以1 on 1形式爭奪終極獎金。終極Battle採用五盤三勝制，賽前兩隊各自挑選心儀的5個寶箱，各個寶箱內收藏了不同金額的現金，合計共4萬港元。終極Battle以一問一答形式進行，頭三個回合各以一個寶箱作「賭注」，第四回合以兩個寶箱作「賭注」，第五回合需以三個寶箱作「賭注」，換言之隨時一 鋪清袋！
最終回合係獎金爭奪戰。
合計共有40,000蚊港元現金獎。
合計共有40,000蚊港元現金獎。
比賽由較高分的一組蘇麗珊＋羅雪妍先攻，第一條問題是「以下邊種食物不應給一歲以下幼兒食用」，答案分別是A木瓜、B蜜糖、C羊肉和D 西蘭花，蘇麗珊＋羅雪妍以排除法確定是A，可惜最終答錯痛失1萬元的寶箱！之後兩隊有來有往各不相讓，靠運殺入決賽的蘇麗珊＋羅雪妍最終「重拾初心」，決定繼續靠撞彩答問題，更高呼：「相信自己嘅運氣！」到底她們能否行運行到尾成為「最強家事達人」？密切留意今晚播出的《HOME即是識》。
蘇麗珊同羅雪妍第一條就滑鐵盧。
蘇麗珊同羅雪妍第一條就滑鐵盧。
黃生同黃C拉咬晒耳仔咁。
蘇麗珊、羅雪妍高呼：「相信自己嘅運氣！」佢哋又能否笑到最後？
