王晶監製的無綫劇集《賭城群英會》惹來唔少負評,話似足8、90年代嘅《精裝追女仔》、《賭聖》。其中一集中陳百祥(阿叻)同陳法蓉咀咀,大部份網民都話頂唔順,嗌晒救命。
![呢一幕網民大呻頂唔順呀。](https://image.bastillepost.com/704x/wp-content/uploads/hongkong/2017/06/20170628_EN_陳法蓉.jpg.webp)
呢一幕網民大呻頂唔順呀。
第7集中,「是旦哥」陳百祥(阿叻)一直保護住「 十三妹」陳法蓉,有一幕係陳法蓉返到屋企哮喘病發作,仲暈倒地上,阿叻去到對方屋企,見佢面青青冇乜意識,就幫口做人工呼吸。之後嘅劇情老套,阿叻送陳法蓉去醫院時遇上車禍,撞到阿叻個頭爆缸,最後無事無幹又去到醫院,包晒頭又傷腳嘅阿叻堅持照顧陳法蓉,結果女方深受感動。
![陳法蓉哮喘發作](https://image.bastillepost.com/704x/wp-content/uploads/hongkong/2017/06/20170628_EN_陳法蓉1.jpg.webp)
陳法蓉哮喘發作
![阿叻爆晒缸,依然關心陳法蓉。](https://image.bastillepost.com/704x/wp-content/uploads/hongkong/2017/06/20170628_EN_陳法蓉2.jpg.webp)
阿叻爆晒缸,依然關心陳法蓉。
對於66歲陳百祥同50歲陳法蓉「Kiss Kiss」,大部份網民都話頂唔順:「阿叻唔擅長拍呢啲愛情戲,對話語氣又唔夠深情,帶唔到觀眾投入」、「覺得陳法蓉幾慘,同阿叻kissy kissy」、「阿叻咁老,仲扮後生談情.....」、「救命,一把年紀同陳法蓉談情」。
![陳法蓉。(網上圖片)](https://image.bastillepost.com/528x/wp-content/uploads/hongkong/2017/05/20170529_EN_陳法蓉_09.jpg.webp)
陳法蓉。(網上圖片)