小市民今年可能較易置業;本港金融市場下半年較有上升趨勢,但就要多加注意疫症及火災!
2019年香港歷盡風霜,一場反修例風波,由6月持續至今仍未平息;上月中粉嶺公路更發生嚴重交通意外,導致傷亡慘重;社會上可謂一片愁雲慘霧,相信不少市民都很關心2020年的香港運程?來到鼠年,著名堪輿學家李丞責博士則向港人大派定心丸,叫大家毋須太緊張,「過去較多議論性,但鼠年四綠坐落西南,代表開明,即係好多宗教、教育、探討方法較可安定人心,同埋令人舒緩啲;鼠年亦係細心、細微,或者喺民心上尋找一個出路,立春八字上大致都平均。」
![著名堪輿學家李丞責博士認為2020年的香港運程尚算平穩,叫大家毋須太緊張。](https://image.bastillepost.com/704x/wp-content/uploads/hongkong/2020/01/20200103-EN-李丞責1.jpg.webp)
著名堪輿學家李丞責博士認為2020年的香港運程尚算平穩,叫大家毋須太緊張。
![去年五黃坐落西南,五黃大運即戰亂之時,香港亦因反修例掀起連串衝突,致過去一年的整體財運較差。](https://image.bastillepost.com/704x/wp-content/uploads/hongkong/2020/01/20200103-EN-李丞責7.jpg.webp)
去年五黃坐落西南,五黃大運即戰亂之時,香港亦因反修例掀起連串衝突,致過去一年的整體財運較差。
2020年的五行算是平均,依照流年飛星分析,四綠代表文昌星,即是文件、合約合同,甚至法例上的改變,因今年四綠到了西南位,西南與東北都關乎地產、教育、醫療及宗教,故對於土地方面,可能會有新法例、新規矩或新議案,譬如將一些棕地、荒廢的土地立案重建,也是一件造成基本向好方向,李博士說:「喺安頓嘅地方出現四綠星,就代表有啲新規矩、條款,較易申請一啲住屋嘅解決方案,所以想計劃置業上車嘅人士,今年應該係較易嘅一年,當然長線嚟講唔係代表冇波動啦!」
![李博士近日推出全新鼠年運程書《蝠星高照二O二O》,由下周五(10日)起,他更會一連12日於《頭條PopNews》向各位讀者預測2020鼠年的12生肖運程。](https://image.bastillepost.com/704x/wp-content/uploads/hongkong/2020/01/20200103-EN-李丞責2.jpg.webp)
李博士近日推出全新鼠年運程書《蝠星高照二O二O》,由下周五(10日)起,他更會一連12日於《頭條PopNews》向各位讀者預測2020鼠年的12生肖運程。
同時,一白代表未來財富,坐落東北位,即有貸款放寬或加按樓宇的跡象,(亦代表先使未來錢)為想置業人士帶來及時雨,整體上都會比過去穩定,「喺呢個位似乎對豪宅冇好大影響,考慮買豪宅要三思嘅係今年唔係一個突出嘅年份,亦都唔似一個衰敗嘅年份。」
![房屋問題困擾港人多年,今年一白坐落東北位,可能會有新法例、新規矩或新議案,令市民更易置業。](https://image.bastillepost.com/704x/wp-content/uploads/hongkong/2020/01/20200103-EN-李丞責3.jpg.webp)
房屋問題困擾港人多年,今年一白坐落東北位,可能會有新法例、新規矩或新議案,令市民更易置業。
另一個港人最關心的金融、經濟問題,因西和西北位分別發現九紫、八白星,兩者均是當旺及喜慶星,即金融市道或金價尚算平穩及有上升趨勢,但李博士提醒大家要注意建築方面,「因為震位代表高嘅建築物、樹木、橋樑,而五黃星喺東位,好易有建築物倒陷,或有大樹倒下、堵路,要提防東邊嘅地方,無論中國定亞洲嘅東邊都容易出現大地震,有關地震帶嘅投資就要小心,呢個突如其來嘅影響都幾大。」
![上月粉嶺公路發生嚴重交通事故,今年三碧坐落北位,交通上也會成為一個強烈爭拗。](https://image.bastillepost.com/704x/wp-content/uploads/hongkong/2020/01/20200103-EN-李丞責6.jpg.webp)
上月粉嶺公路發生嚴重交通事故,今年三碧坐落北位,交通上也會成為一個強烈爭拗。
![上月5日長洲發生地震,事後李博士親臨長洲北帝廟求籤問卜。](https://image.bastillepost.com/704x/wp-content/uploads/hongkong/2020/01/20200103-EN-李丞責5.jpg.webp)
上月5日長洲發生地震,事後李博士親臨長洲北帝廟求籤問卜。
提到上月長洲發生地震,他預測6月中、下旬爆發瘟疫,「日環蝕喺6月21日出現,亞洲係完全可以睇到,每次日環蝕都會出現一啲較傳染性或廣泛性嘅疾病,所以投資、民生方面都要留意個大疾病有冇機會擴散,甚至影響埋個市場。去到12月15日之間會出現日全蝕,而日全蝕大多數影響金融、天災,但因為呢個亞洲地區見唔到咁多,可能個問題來自於歐美地方,會令金融市道有震憾同向下趨勢,所以呢兩個月份前後都要提防吓。」
![李博士預測明年會爆發大規模疾病,如鼠疫、禽流感,而下半年經濟或會轉好。](https://image.bastillepost.com/468x/wp-content/uploads/hongkong/2020/01/20200103-EN-李丞責8.jpg.webp)
李博士預測明年會爆發大規模疾病,如鼠疫、禽流感,而下半年經濟或會轉好。
至於交通方面,三碧是非星到了北位,李博士指:「無論投資交通、航空、物流業,都可能會有人事變動或爭拗,甚至有官非、爭訟導致股份等問題存在,太歲遇三碧,從事交通業或駕駛人士都要平心靜氣啲嘞。」
![本港今年的金融市道或金價均平穩,甚至有上升趨勢,但要注意有關地震帶的投資,以及下半年歐美的金融市道。](https://image.bastillepost.com/704x/wp-content/uploads/hongkong/2020/01/20200103-EN-李丞責4.jpg.webp)
本港今年的金融市道或金價均平穩,甚至有上升趨勢,但要注意有關地震帶的投資,以及下半年歐美的金融市道。
另南位有二黑,即易有疾病及大型火災,大家要小心電腦網絡,以及火災、爆炸品、燃燒物;或電訊,網絡黑客搗亂,大型電腦系統引發問題,「可能係一個社會議論,亦都有機會係大型中央電腦或數據站出現一啲複雜問題,小心黑客入侵,呢個可能都間接影響到金融情況,或一啲人嘅起居問題!」
不過,李博士表示2020年是結婚、生育的好年份,從事相關行業的人士都不俗;而今年亦有不少人考慮海外留學或移民,相信移民業界都頗繁忙!