《不正常愛情研究所》黃紫恩自爆近月分手 心理測驗洩情還在

黃紫恩透露分手原因係雙方唔愛對方。

J2（82台）12月8日晚11點播出《不正常愛情研究所》，由J2ers黃紫恩（Jojo）、吳兆麟（Alan）、胡敏芝（Karen）連同兩位客席嘉賓麥惠琪（Susuca）、文頌男（Koba）主持。今集研究題目係「失戀大過天」。

Susuca話假如失戀會捉埋Jojo一齊去蒲。

Alan對付失戀方法是睇書及做運動。

Susuca說了句很感性的話，令Jojo同Karen嚇一跳。

12月8日晚一集的《不正常愛情研究所》主題是失戀，首先發言的是身為烈女的Susuca，她居然話︰「我會覺得每一段感情，經歷過大家最好嘅就夠……」，未講完其他主持已經忍不住「嘩」了一聲，Karen更話︰「咁玄嘅。」之後各主持做了一個心理測驗，做分析時大家都不約而同話非常準確。更揭露出Karen好易墮入情網，分手又會好決斷，只要大喊一場，3日後就會忘記舊愛。她笑言︰「假如失戀會搵返朋友……」Susuca難得有反擊機會，即時話︰「好壞呀你，即係拍拖時候冇朋友啦。」搞到Karen猛講「sorry」，兩姊妹一唱一和，場面非常搞笑。

Jojo講了一個大學時期失戀但勵志的故事。

幾位主持都話今晚的心理測驗分析超準。

Karen被洩露容易墮入愛河。

Susuca踢爆好姊妹Karen有異性沒人性。

Karen不停道歉，非常搞笑。

當分析到Jojo時，只見她一臉嚴肅，更講了一句「「Oh！my God！」原來完全講中心事，到底心理測驗點樣分析Jojo呢？記住12月8日晚睇《不正常愛情研究所》。接住她講到大學時期試過失戀發奮讀書︰「嗰時係咁讀書博高分，最後考試爆晒「4」（A grade），係有少少報復心理，想佢追返我，最後都有喺返埋一齊。」她接受訪問時講到失過兩次戀，對上一次是近幾個月的事︰「其實都拖咗成年，拖到最近幾個月互相提出分手。原因係大家唔愛對方，而家做返好朋友。」Jojo笑言擇偶條件好簡單，自己喜歡就可以。

Jojo認為心理分析超準，表情非常嚴肅。

Jojo近月跟男朋友分手。

另外，該集「有故事的人」是來自LGBTQ界的Jean，她曾擔任過DJ，是Susuca兒時偶像。Jean表示跟前度女友，是一段港台異地戀，兩人由2009年拍拖，到2015年分手。失戀後Jean對這段拍拖日子似乎毫無記憶，到2022年才尋回當日記憶爆喊。到底過程如何及跟前度的重遇又會係點？12月8日晚會有交代。

今集「有故事的人」Jean，因為失戀導致失憶。

Jean的前度是台灣人，每月只可見一、兩次。

Alan同Susuca認為不應騷擾前度或者自殘，去宣洩不快。

語出驚人！

黃婧靈（波波）、黃紫恩（JoJo）、《通靈之王2》冠軍楓燧道長以及導演劉翁日前被拍到出席道教晚宴活動。波波及JoJo更為活動擔任主持。JoJo呢日一改性感形像，成熟OL造型現身。佢就自爆自己係道教嘅一份子方擔任活動主持，更笑言怕講錯嘢搞到成晚失眠：「呢日有好多官員名人出席，怕講錯人名同職銜，更加要字正腔圓用普通話翻譯，真係好大壓力。其實外遊都試過靈異事件，不過依家都唔驚喇，因為怕窮多過怕鬼，『窮鬼』先得人驚！」

黃婧靈（波波）、黃紫恩（JoJo）為道教晚宴活動擔任主持。

波波獲JoJo「包養」。

而黃婧靈(波波)就話自己細膽：「因為依家有古靈精怪事，我都會搵我師傅幫手，何況依家信咗道教好正氣，自己就係最大嘅辟邪法器，咩古怪嘢都埋唔到我身，JoJo頭先話會包養我，外遊一定帶埋我去辟邪。」

易烊楓燧道長與劉翁

同場嘅易烊楓燧道長就話最多圈中人求財，佢笑言叫對方「瞓低賺錢」最容易：「唔好心邪。因為財係冇得求嘅，只要運到就瞓低都搵到錢。其實除咗求財運之外，最多圈中人都話撞鬼求助，不過百份之九十都係誤會居多。」

而劉翁就笑說天生勞碌命，好多廣告拍攝進行中，無機會「瞓低賺錢」：「好多師傅話怕老婆先會發達！ 我試驗咗呢個方法係成功嘅。今晚都係老婆(柳瑩）叫我出席道教活動，第一次參與，好有氣氛。」

劉翁話老婆先會發達！