直播靈接觸丨香港電視史上第一次！鄧兆尊紅顏知己Nana示範請狐仙上身

娛圈事

直播靈接觸丨香港電視史上第一次！鄧兆尊紅顏知己Nana示範請狐仙上身

2024年06月25日 13:30 最後更新：13:57

由梁思浩、黃紫恩（Jojo）及黃耀英主持的靈異直播一小時節目《直播靈接觸》昨晚（6月24日）播出第18集的主題是「薩滿」，請來鄧兆尊紅顏知己陳妙慧（Nana）和六壬師傅陳法齊擔任嘉賓。

陳師傅解釋甚麼是「薩滿」:「係一個傳統文化，古代好多凶險事，譬如出去打獵都有凶險，又多自然災害，古代人對天地有敬畏嘅心，見到天又拜地又拜，所以出現咗呢個文化。」Nana自言16歲開始便見到靈體，她說：「我以前住嗰間屋，有個女仔上吊死，當時我唔知㗎，我聽到拖鞋聲，佢過嚟拍我膊頭話:『你瞓覺啦，我唔會傷害你。』佢咁樣一講，我自己都好驚！」

點擊看圖輯

陳法齊（左起）、Nana、梁思浩

大合照

陳法齊師傳

Nana示範請仙上身，係香港電視史上第一次！

被仙家上身嘅Nana講中咗善信未曾提供嘅家庭訊息。

Nana同陳師傅徒弟齊齊被狐仙上身，兩人瘋狂鬥嘴！

英國嘅F先生網購毛公仔出事，打電話嚟求助！

昨節目中還播出Nana示範請仙上身的兩條影片，更是香港電視史上第一次！第一段影片，陳師傅先上香稟神，Nana之後飲下符水，伴隨着薩滿鼓奏響，Nana並慢慢進入狀態，陳師傅問到：「邊位仙家到咗？」Nana以普通話並夾雜「仙話」說：「地府的、天道的、地下，全都在。」陳師傅請求黃家（即黃鼠狼仙家）出來，惟Nana說：「不能亂說話，不能洩露太多天機，造因果，背因果，不能說。」有位善信請求被仙家上身的Nana解答疑難，雖然黃家沒有上到Nana身，但另一路仙家「鬼仙」卻上了Nana身，並講出該善信未曾透露過的家事！

之後另一條片段，Nana和陳師傅的男徒弟齊齊請來狐仙上身，怎料被狐仙上身的兩人瘋狂鬥嘴，陳師傅事後解釋：「今次仙家已經叫畀面，平時會同我啲徒弟郁手郁腳，打交都有，動物仙同請師公唔同，動物仙可能因為要爭地盤，所以比較真性情。」思浩笑問和兆尊有爭拗時會否請仙家上身？Nana坦言：「我唔會同佢嘈，以前冇仙家可能會同佢嘈，自從有咗仙家之後，佢發脾氣我嘴巴就會封住。」

節目尾聲，來自英國的F先生Phone In求助，F先生和老公2年前網上買了一隻發聲毛公仔，後來發現毛公仔疑被「附體」不停發生怪事，F先生發覺唔對路便打電話來求助，思浩聽完F先生的描述後即時皺晒眉，擔心出現「奪舍」情況會影響F先生和其另一半的健康，Nana看到F先生提供的毛公仔照片後說：「陰氣好大。」陳師傅則問到：「你哋係咪特別容易攰，冇乜精神？」豈料F先生竟然說：「係，我先生今日先入咗醫院。」思浩即着F先生盡快處理毛公仔，Nana說：「呢個係惡靈，要先超渡吓。」由於直播長度受限，Nana和陳師傅只好在節目後遙距為該毛公仔超渡，幫助F先生化解危機！

此外，今晚一集視后江美儀和「裸泳」羅泳嫻將擔任嘉賓，原來美儀姐屬於靈異體質，不時有「朋友仔」請她求助，今晚一集她將分享親自靈異經歷！

Tags:

江美儀

往下看更多文章

直播靈接觸｜黃耀英袋鼠蛋蛋當護身符台灣KOL小A辣一屋陰神求名利

2024年10月30日 17:30 最後更新：17:40

黃耀英︰「當地人相信呢樣嘢會帶嚟好運。」

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，事隔不到半年第二季即載譽歸來，將逢周一晚9點半及周二晚9點35分播映，每集會有各門各派玄學大師坐陣，跟觀眾互動解答靈異疑難，更會邀請有份量藝人亮相，分享他們的靈異經歷。

昨晚（29日）《直播靈接觸》請來嘉賓呂法傳師傅教你出「符拂」，分享護身符禁忌及配戴。節目一開始Darren用隨身「護身符」請教師傅，原來是一款來自澳洲；用袋鼠蛋蛋整成的皮革品，他說︰「當地人相信呢樣嘢會帶嚟好運，師傅，呢個算唔算護身符？」呂師傅表示只可以當作吉祥物並無法力，呂師傅補充說︰「喺師傅立場吉祥物同護身符係有分別。由師傅開咗光或者加持過嘅物件，先會叫做護身符。至於限期好多（護身符）超過100年、幾百年都仲存在，其實唔一定有限期。」接住思浩補充護身符不可以隨便丟棄，只能夠「請走」。而Chat Room觀眾對這題目反應熱烈，吸引大批網民發問，問題包括「拜山要帶什麼護身符，避免惹到污糟嘢」、「日本寺廟買到的符是否有用及還神」等。

Jojo早前到台灣訪問KOL小A辣（黃唯恩），她以跨性別人士身份在網上吸引逾50萬followers。小A辣家居可謂滿天神佛，求財、求智慧、擋小人應有盡有。正神外還有三位陰神︰頭骨大靈、帕嬰、派燙。據她所講每座陰神像，都附有不同靈體。她表示09年因為諸事不順加上情感受挫，偏激到供奉了60多座神佛陰靈，令身邊朋友避之則吉︰「真有點走火入魔情緒不隱定，然後有時候（網民）說一些難聽的話，心情就更差。」2019年小A辣自覺去到人生低潮，被合作夥伴陷害、造謠，卒之她到神像前告狀咀咒對方，最終該人騎電單車斷腳，是否跟神佛有關，則信不信由你。