Nowhere Boys新歌《票房毒藥》的邀請到《毒舌大狀》的男女主角黃子華和楊偲泳擔任男女主角,當中結他手Ken原來與子華還有一段師徒情緣!
寰亞樂隊Nowhere Boys擅長電影式搖滾風格,首次創作情歌《票房毒藥》,由黃偉文(Wyman)填詞。每一份作品命運都不同,有些作品令人被追捧成為神,名流百歲;有些則被稱為票房毒藥,大眾都看不起。是否這樣就能鑒定作品的好與壞?或許,作者根本一點不在乎,只想在世上找到一位知音人,讓自己作品化成靈魂守護着他就已經足夠。今次MV邀請電影《流水落花》導演賈勝楓執導,並由香港電影史上首部破億票房、《毒舌大狀》的男女主角黃子華和楊偲泳(Renci)演出。原來結他手Ken與子華還有一段師徒情緣!
觀看相關影片按連結:https://youtu.be/MrOgioTlUCo?si=m1mUyoRJqZKG-Ggk
MV在紅磡一間舊式戲院取景,由子華和Renci擔任故事主角,Nowhere Boys與fans客串扮演戲院觀眾和路人。子華到場後與Ken敍舊,Ken介紹Nowhere Boys隊友給子華認識。之後子華說:「我依家好鍾意一個狀態叫『冥冥中』,Wallace(郭啟華)搵我,唔知點解聽完好想做喎,所以就水到渠成。」拍攝順利完成後,子華說:「好玩,唔辛苦,又唔熱。真係『冥冥中』,今日嚟到好多驚喜,見到我嘅老師,係佢搞到我隻手痛咗幾個月,原來佢係呢隊band嘅成員,而且我之前睇過佢哋做騷。仲有呢首歌由Wyman填詞,好耐冇見佢真人,好開心遇到佢嘅詞。見到大家拍MV咁投入,好激勵。」
![M由子華和Renci擔任主角。](https://image.bastillepost.com/1200x/wp-content/uploads/hongkong/2023/09/20230911_EN_NowhereBoys07_source-licensed_.jpg.webp)
M由子華和Renci擔任主角。
![Nowhere Boys與fans則客串扮演戲院觀眾和路人](https://image.bastillepost.com/1200x/wp-content/uploads/hongkong/2023/09/20230911_EN_NowhereBoys25_source-licensed_.jpg.webp)
Nowhere Boys與fans則客串扮演戲院觀眾和路人
主音Van說:「無諗過會發生喺我哋身上,今次獲得子華神嘅加持,仲有Renci(楊偲泳),佢哋來自大家都好熟悉嘅電影團隊,真係好勁,多謝佢哋嚟參與演出。」他坦言邀請子華演出原本只是一個天真夢想,即管向公司提出,結果非常驚喜。他說:「我當初想請子華神拍MV ,因為佢曾經有段時間被媒體形容係『票房毒藥』,不過唔緊要,去年佢憑《毒舌大狀》已經成為過億票房嘅電影男主角啦!」
![主音Van感謝子華和Renci參與MV演出。](https://image.bastillepost.com/900x/wp-content/uploads/hongkong/2023/09/20230911_EN_NowhereBoys10_source-licensed_.jpg.webp)
主音Van感謝子華和Renci參與MV演出。
![Van坦言邀請子華演出原本只是一個天真夢想。](https://image.bastillepost.com/900x/wp-content/uploads/hongkong/2023/09/20230911_EN_NowhereBoys12_source-licensed_.jpg.webp)
Van坦言邀請子華演出原本只是一個天真夢想。
Van表示當子華答應演出後,才知道結他手Ken原來跟他有一段緣份。Ken說:「幾年前子華嚟睇我哋做騷,完騷後佢問我可唔可以教佢彈結他,所以我教咗佢一段時間。」至於Renci,Van與她在朋友聚會中認識,笑說:「嗰晚我哋成班朋友一齊食大閘蟹,仲各自帶咗啲食物去,佢對我同太太一齊整嘅香蕉蛋糕好捧場,食咗唔少。」
![原來結他手Ken跟子華有一段緣份。](https://image.bastillepost.com/1200x/wp-content/uploads/hongkong/2023/09/20230911_EN_NowhereBoys16_source-licensed_.jpg.webp)
原來結他手Ken跟子華有一段緣份。
![Van與Renci是在朋友聚會中認識。](https://image.bastillepost.com/900x/wp-content/uploads/hongkong/2023/09/20230911_EN_NowhereBoys20_source-licensed_.jpg.webp)
Van與Renci是在朋友聚會中認識。
Nowhere Boys特別準備了兩份禮物答謝子華和Renci,Van說:「其中一份係暖水壺,上面由我太太Wendy用英文書法寫咗Renci名字,希望佢平時拍戲可以沖多啲暖飲,身體健康。」而另一份是由結他手Ken親手製作的結他Cable(導線),原來他手工出色到連外國專業錄音技師都稱讚靚聲。Nowhere Boys極力推薦樂迷用耳筒欣賞新歌,因為今次歌曲送到哥倫比亞混音,連續幾日通宵製作,而且採用analog(類比),用錄音帶錄製,高質素享受。
![Nowhere Boys特別準備了兩份禮物答謝子華和Renci。](https://image.bastillepost.com/1200x/wp-content/uploads/hongkong/2023/09/20230911_EN_NowhereBoys15_source-licensed_.jpg.webp)
Nowhere Boys特別準備了兩份禮物答謝子華和Renci。
![其中一樣是由結他手Ken親手製作的結他Cable。](https://image.bastillepost.com/800x/wp-content/uploads/hongkong/2023/09/20230911_EN_NowhereBoys03_source-licensed_.jpg.webp)
其中一樣是由結他手Ken親手製作的結他Cable。
Van說:「今次好開心邀請到Wyman填詞,佢問我想寫咩?我話Nowhere Boys出道以嚟未有一首正式情歌,通常都好rock。佢就提議寫一首內心啲,大概意思係唔需要全部人都好愛我,只得一個人欣賞就足夠。其實我哋都係咁諗,從來都唔妄想全世界都鍾意我哋嘅音樂,只要一直支持我哋嘅聽眾繼續支持我哋已足夠。」而Wyman日前亦在IG透靈今次歌詞是他的真實故事。
![Wyman IG圖片](https://image.bastillepost.com/1200x/wp-content/uploads/hongkong/2023/09/20230911_EN_NowhereBoys34_source-licensed_.jpg.webp)
Wyman IG圖片
![黃子華IG圖片](https://image.bastillepost.com/1182x/wp-content/uploads/hongkong/2023/09/20230911_EN_NowhereBoys35_source-licensed_.jpg.webp)
黃子華IG圖片
![賈勝楓IG圖片](https://image.bastillepost.com/1200x/wp-content/uploads/hongkong/2023/09/20230911_EN_NowhereBoys36_source-licensed_.jpg.webp)
賈勝楓IG圖片
拍攝MV當日適逢鼓手Nate生日,參與MV客串的Fans為他送上生日蛋糕,還綜合Nowhere Boys成員的口味特別製作全蛋奶素蛋糕,非常細心,他們大合唱生日歌,Nate非常開心,說:「我嘅生日願望係繼續同呢班兄弟夾Band、多啲演出機會、希望自己有靈感寫多首廣東話Rap。」
![MV拍攝當日適逢鼓手Nate生日。](https://image.bastillepost.com/1200x/wp-content/uploads/hongkong/2023/09/20230911_EN_NowhereBoys01_source-licensed_.jpg.webp)
MV拍攝當日適逢鼓手Nate生日。
![參與MV客串的Fans為Nate送上生日蛋糕。](https://image.bastillepost.com/1200x/wp-content/uploads/hongkong/2023/09/20230911_EN_NowhereBoys02_source-licensed_.jpg.webp)
參與MV客串的Fans為Nate送上生日蛋糕。