「二樓後座」受重建計劃影響面臨清拆，主音Van透露在清拆前，Nowhere Boys都會在這裏錄製歌曲，希望能用音樂記錄這珍貴的地方。
寰亞樂隊Nowhere Boys（NWB）成軍9年，終於推出第一首情歌《兩秒》。新歌講述一見鍾情，僅僅兩秒便愛上對方的故事，MV於台灣街頭取景，以「一鏡到底」的方式拍攝，畫面唯美且暗藏大量彩蛋。另一彩蛋就是歌曲是於殿堂級樂隊Beyond的專屬Band房「二樓後座」錄製，得知錄音室受重建計劃影響面臨清拆，主音Van透露在「二樓後座」清拆前，Nowhere Boys都會在這裏錄製歌曲，希望能用音樂記錄這珍貴的地方。
點擊看圖輯
Nowhere Boys推出第一首情歌《兩秒》。
於殿堂級樂隊Beyond的專屬Band房「二樓後座」錄製。
玻璃櫃擺滿Beyond的唱片。
還有Beyond曾經用過的音樂器材。
Nowhere Boys三子興奮得立即拿出手機拍下這裏珍貴的一切。
Van
Ken
Van錄和音期間一度被超高音歌詞考起，幸得監製Adrian耐心指導。
《兩秒》的MV在台灣街頭拍攝。
講述男女主角過馬路時的一個對望，僅僅兩秒便愛上對方的故事。
《亂世超人》
《天外飛仙》
《旅途中的我》
《無處遊人》
《移動城堡》
《地球侯機室》
《夕陽武士》
Nowhere Boys推出第一首情歌《兩秒》。
觀看相關影片按連結：https://youtu.be/tTwDXlL7hOs?si=eMaFf-ee8uvfB69Z
首次到訪「二樓後座」的Van、鼓手Nate以及結他手Ken表現得相當雀躍，看到玻璃櫃擺滿Beyond的唱片和他們曾經用過的音樂器材時，三子興奮得立即拿出手機拍下這裏珍貴的一切。Ken說：「呢度係Beyond嘅發源地，佢哋一開始喺度Jam歌、排練，後來有足夠嘅金錢就喺呢度做歌。」Van說：「我見到有啲用到好殘嘅Pedal，Ken同我解釋係日本製好勁嘅Pedal，係家駒用過嘅，我見到直頭唔敢掂。」Ken認同續說：「如果錄歌，我可能真係會用返嗰啲Pedal。（Ken：其實可唔可以？）輝哥喺度應該得。」他們口中的「輝哥」便是90年代樂隊Zen吉他手鄧明輝，他亦是今次新歌的錄音師，Ken感激對方的幫忙，大讚說：「頭先錄緊嘅時候，佢幫我哋不斷咁Tune，好好聲。」
於殿堂級樂隊Beyond的專屬Band房「二樓後座」錄製。
玻璃櫃擺滿Beyond的唱片。
還有Beyond曾經用過的音樂器材。
Nowhere Boys三子興奮得立即拿出手機拍下這裏珍貴的一切。
得知「二樓後座」面臨清拆，Nowhere Boys大感可惜，Van透露：「喺呢度錄音感覺非常好，可能有Beyond或者家駒嘅加持。希望喺呢條街清拆之前，可以喺度錄多幾首歌，決定咗嚟緊每首歌都會Book呢度錄，直到佢唔再喺度為止。希望可以用我哋嘅音樂、聲音去記錄低呢個地方。」Ken認同說：「係一件好可惜嘅事，我哋唯有用聲音去保留。」
Van
Ken
Van錄和音期間一度被超高音歌詞考起，幸得監製Adrian耐心指導，還準備了麵包給Van補充能量，非常貼心。Van說：「唱Adrian啲和音係最爽，因為難囉！每次錄音好似考試咁，亦都係對把聲好好嘅訓練。首先要求好高，Adrain係一個好好嘅老師同埋監製，尤其是佢編嘅和音係特別難唱。有時好難捉，有時音域好闊，好低去到好低，好高真係去到好高，所以我而家講嘢把聲都高音咗。」
Van錄和音期間一度被超高音歌詞考起，幸得監製Adrian耐心指導。
《兩秒》MV在台灣街頭拍攝，講述男女主角過馬路時的一個對望，僅僅兩秒便愛上對方的故事。Van說：「首歌好唯美，如果我哋出現喺MV就會喜感咗，出現都只會客串一、兩秒，想搵靚仔靚女去拍呢個MV。」MV除暗藏6首Nowhere Boys的歌曲，包括《天外飛仙》、《亂世超人》、《夕陽武士》、《移動城堡》、《旅途中的我》以及《無處遊人》，原來是琴鍵及小提琴手兼作詞人漁佬的主意。此外，細心留意更會發現街上掛有印着歌名《地球侯機室》的橫額。MV尾聲，Van更以「夕陽武士」造型驚喜現身，認真有心思。
《兩秒》的MV在台灣街頭拍攝。
講述男女主角過馬路時的一個對望，僅僅兩秒便愛上對方的故事。
《亂世超人》
《天外飛仙》
《旅途中的我》
《無處遊人》
《移動城堡》
《地球侯機室》
《夕陽武士》
