鄭則士與冼靖峰合作《神耆小子》,Kent哥相隔三年再次回歸TVB拍劇,他大讚拍檔冼靖峰是很用心的演員,二人戲裏合作得非常開心,戲外依然好老友。
鄭則士(Kent哥)與冼靖峰在TVB重頭劇之一《神耆小子》中有很多對手戲,冼靖峰指Kent哥教了他很多,「唔係淨係係套劇入面有用,係真係畢生受用,係一啲心態上、做人上,真係教識咗我好多。」Kent哥則表示多謝公司給予他機會吸引「新鮮空氣」,「將我啲舊嘅嘢換返出嚟,換啲新嘅入去。新血好緊要㗎嘛,新血活力㗎嘛。多謝你,靖峰!」
問到有什麼吸引Kent哥回歸TVB拍劇,他表示:「唔使吸引嘅,演員成日都希望有機會演出㗎啦,TVB係我嚟講都係一個母校,母校叫我返嚟玩一堂,唔係玩一堂,係搏命一堂制唔制?我梗係制啦,返到嚟之後真係原來有好多好嘅對手。」Kent哥更大讚冼靖峰是很用心的演員,願意聽他們的意見,又主動打破他們之間的代溝,而且學習能力快,將來必定前途無量,更笑言愛上了他。而冼靖峰亦表示第一部正劇就遇到Kent,雖然一開始因為經驗不足而有些害怕,但一步一步學,加上Kent哥的教導,是非常榮幸的事。
至於問到Kent哥是否知道冼靖峰參加選透節目?Kent哥表示當然知道,還經常問候冼靖峰參賽的情況。冼靖峰笑言:「我真係好開心就係,因為其實嗰個溝通唔係淨係係套劇入面,完咗套劇,拍完啦,我去比賽,係上海比賽嘅時候一路,每一個禮拜甚至每隔三、四日,Kent哥就一個message嚟:『點啊?點啊?』好關心我!真係好關心我!」