入行5年首度挑戰奸角　羅毓儀終極黑化硬撼鄭則士嗌緊張

入行5年有「御用學生妹」之稱的Yuki演開乖乖女，今次首度挑戰黑化做奸角，演出令人眼前一亮。

由王偉仁監製、林麗媚擔任編審的《神耆小子》，31日九點半翡翠台播映大結局。昨晚（30日）一集峰迴路轉，劇情講到大海（鄭則士Kent哥飾）入院做手術，事前將公司交給孫女多多（羅毓儀Yuki飾）管理。怎料暫代CEO的多多接手錢萬世後動作多多，竟趁着大海做手術期間改掉公司簽名，又強逼老臣子佳叔（陳榮峻飾）放假。做完手術的大海捱過危險期順利出院，回到公司及錢家後卻驚覺大變天！

Yuki新官上任即時清洗太平地，就連老臣子陳榮峻都唔放過！

Yuki新官上任即時清洗太平地，就連老臣子陳榮峻都唔放過！

由純純兔180度變成奸爆Big Boss的多多亦不再隱藏自己，向大海等人終極攤牌明言要搞冧錢萬世：「其實我8歲嗰年就知自己唔係你親生孫女，我一直對你咁乖咁聽話就係等一個機會，放長線釣大海！」大海聽畢大表難以置信：「你呢隻指天椒真係辣。」反骨無極限的多多再向大海說：「點呀？執咗隻唔識報恩嘅流浪貓返嚟，仲要畀佢反咬一啖，痛呀可？不過我都係跟你學嘢㗎咋，喺你心入面親情根本不值一提，我學得似（你）呀可？」句句有骨！

Yuki吞咗錢萬世不特止，仲趕Kent哥出屋企，反骨到爆。

Yuki終極攤牌，句句有骨。

Yuki終極攤牌，句句有骨。

同霸氣Kent哥硬撼，一啲都唔簡單。

Kent哥個心傷透了。

搵屋企人幫手對戲練做奸角

入行5年有「御用學生妹」之稱的Yuki演開乖乖女，今次首度挑戰黑化做奸角，演出令人眼前一亮。Yuki受訪時說：「呢個角色真係超級好玩！我第一次做會黑化嘅角色，都會怕自己拿捏唔到個變化，所以前期都做咗好多功課，會分析角色嘅背景、性格同心理變化，了解多多黑化嘅原因同動機，之後拜托屋企人幫手，特別係阿妹同我對戲。」講到昨晚攤牌戲，Yuki坦言有難度：「Kent哥係大前輩有番咁上下氣場，要同佢對峙氣場一定唔可以低，但我不嬲畀人甜妹感覺，簡單啲講即係唔夠霸氣。我拍呢場戲嘅時候冇壓力就係假嘅，但我都會盡量放鬆同信任對手。」

Yuki入行5年首度演奸角，佢話心情都好緊張。

Kent哥以身犯險救金叵羅

今晚大結局的《神耆小子》睇頭十足，玫瑰（樊亦敏飾）和小鮮肉阿Jack（吳子冲飾）的關係一直是劇集焦點之一，今集將揭曉兩人真正關係！向來專制橫蠻的大海被多多奪權後，終於反省自己一直以來的過錯，決定鼓起勇氣補救與兒子繼來（曹永廉飾）的關係，又會以身犯險救回金叵羅贏回玫瑰芳心。另邊廂，阿勇（蕭正楠飾）和有方（傅嘉莉飾）幾經磨難才重修舊好，阿勇亦買了戒指決定向有方求婚，怎料前往求婚途中發生意外，有方嚇到失聲痛哭，莫非有情人不能終成眷屬？談到終極黑化的多多壞事做盡、「壞過凱婷」，對此Yuki大賣關子說：「多多黑化背後係有一場更大嘅計劃，大家睇埋大結局就會知道。」想知道真正原因是甚麼？密切留意今晚大結局的《神耆小子》。

樊亦敏同埋吳子冲嘅真正關係將會揭曉。

Kent哥勇救金叵羅討回樊亦敏歡心。

Kent哥仲會同曹永廉修補父子關係。

蕭正楠已經買晒求婚戒指準備求婚，點知中途發生意外，傅嘉莉嚇到爆喊。

Yuki預告多多黑化背後其實有重大計劃。

江美儀難忘孖劉穎鏇合作拍《隱形戰隊》。

綜藝節目《森下仁丹 Bifina Si 益生菌呈獻：一個香港．十種玩法 過節篇》，由主持江美儀夥拍不同藝人好友或美食旅遊達人捐窿捐罅，以十種不同玩樂模式，鼓勵香港人在過節期間留港消費。

江美儀及劉穎鏇去旺角歎地道臘味煲仔飯。

江美儀和羅毓儀去油麻地果欄買新鮮生果。

「三母女」麻雀館深度遊。

今晚（13日）播映的第五集，江美儀聯同曾於劇集中飾演母女的劉穎鏇（Tiffany）及羅毓儀，以「貼地．夜遊香港」為主題，重拾香港「消失的」夜生活，包括到旺角茶餐廳歎地道臘味煲仔飯，及油麻地果欄買新鮮生果等。其中意想不到的一站，是三位勇闖麻雀館深度遊、學習麻雀歷史及文化，羅毓儀在了解麻雀館職位時，誤把「戥腳」說錯成「坐枱」；而在外國長大的Tiffany，即使經過速成班訓練仍手忙腳亂：「我唔記得可以點match埋一齊，我只係諗緊點樣砌到愈多愈好」，笑料百出。

仲要有埋證書。

Tiffany貼心佈置送美儀姐驚喜。

江美儀難忘孖劉穎鏇合作。

兩母女盡訴心中情。

夜遊香港最後一站，Tiffany帶了美儀姐前往一間可讓客人自行佈置環境的糖水舖，貼心的Tiffany更將昔日與美儀姐合作拍攝劇集《隱形戰隊》的照片放滿店內，令美儀姐好驚喜。「母女」在店內盡訴心中情，Tiffany坦言難忘美儀姐精湛演技：「記得有一場戲，我要（演）昏迷緊（嘅人），因為我只係聽到聲，又要盡量唔好郁隻眼，跟住佢哋（工作人員）就話『大家唔好出聲，美儀姐入戲喇』，然後我係feel到你嗰啲眼淚滴落我度。」美儀姐則大讚Tiffany聰敏乖巧：「拍之前我唔識呢個女仔，咁我就問（陳）山聰『你同劉穎鏇拍過，你覺得佢點呀？如果我要同佢傾關於劇本嘢，佢會唔會覺得我好多事、好麻煩？』」想知美儀姐和Tiffany更多心底話，記住留意節目播映。

兩母女盡訴心中情。

第二集「一日環遊世界」。

邵初與林俊其模擬去日本、土耳其影婚照。

《一個香港．十種玩法 過節篇》本周節目內容確實精彩，第二集袁文傑和邵初精彩展現本地式「一日環遊世界」，去齊富有中國、英國、土耳其、日本等特色的景點；第三集鄺潔楹、黃美棋及糖妹黃山怡的「HK$100 掃街自助餐食到飽」，教觀眾如何以相宜價錢歎到高cp值美食；而第四集冼靖峰與潘靜文的「遊港廟．嚐美食」更令大家可以深度了解廟宇文化，內容多元。

邵初與林俊其模擬去日本、土耳其影婚照。

第三集「HK$100 掃街自助餐食到飽」。

第四集「遊港廟．嚐美食」。