《香港婚後事》由陳自瑤(Yoyo)、賴慰玲(Winki)、黎諾懿及羅天宇擔任主持,今晚(5月17日)播出的第8集嘉賓龔慈恩(龔姐),而今集探討的主題是「離婚」。
![今集嘉賓係龔慈恩(下排中)。](https://image.bastillepost.com/800x/wp-content/uploads/hongkong/2024/05/20240517_EN_KungTseYan01_source-licensed_.jpg.webp)
今集嘉賓係龔慈恩(下排中)。
龔姐分享對夫婦離異的見解:「冰封三呎,非一日之寒,比較傳統啲嘅女性,仔女係佔咗佢(生活)一大部分,佢可能喺某一段時間係完全忽略咗自己,將啲時間、精神、責任擺晒喺仔女身上,到某一日突然間醒咗,佢會意識要有自己人生,咁會令到有番咁上下年紀嘅人有離婚嘅意識。」Yoyo則認為:「一段關係係雙方(付出),可能你好想為小朋友保持一個美滿家庭,但可能對方唔想,可能佢個心已經走咗,你格硬死𢱑都冇辦法,有啲嘢唔係一個人可以做到,呢啲情況就冇得選擇。」
![龔姐話唔抗拒再婚,仲話現階段需要個伴多啲。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan02_source-licensed_.jpg.webp)
龔姐話唔抗拒再婚,仲話現階段需要個伴多啲。
![龔姐話唔抗拒再婚,仲話現階段需要個伴多啲。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan03_source-licensed_.jpg.webp)
龔姐話唔抗拒再婚,仲話現階段需要個伴多啲。
![龔姐話唔抗拒再婚,仲話現階段需要個伴多啲。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan04_source-licensed_.jpg.webp)
龔姐話唔抗拒再婚,仲話現階段需要個伴多啲。
![Yoyo分享對離婚嘅睇法。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan06_source-licensed_.jpg.webp)
Yoyo分享對離婚嘅睇法。
諾懿又分享指香港每年約有過萬宗離婚個案,而離婚手續亦日漸簡化,對此Winki認為「離婚」變得流行:「大家覺得(離婚)冇咁大件事,即係兩個人婚姻(如果)出現咗問題,然後就(咪)離婚囉,唔去解決。」Winki續指近來香港出現移民潮,不少夫婦亦因移民衍生的問題而鬧離婚。至於問到龔姐找到適合的人會否考慮再婚?龔姐坦言:「會嘅,我覺得現階段係需要伴多啲,再唔再婚係另一個問題,但我唔抗拒。」
![黎諾懿](https://image.bastillepost.com/1200x/wp-content/uploads/hongkong/2024/05/20240517_EN_KungTseYan14_source-licensed_.jpg.webp)
黎諾懿
單親家庭長大的天宇坦言仍然相信愛情,希望將來可以給小朋友一個完整家庭。天宇有一位同母異父的弟弟胡㻗,兩兄弟感情要好,天宇笑言自己就像「白老鼠」:「我媽覺得呢個方式教仔唔係好掂,下個就會試用另一個方式,調整吓再做個好啲嘅出嚟。」天宇透露年輕時就像受保護動物,媽媽對他管教非常嚴格,就連放學後都不准出街打籃球,他笑言:「我好嬲呢樣嘢,我同細佬係唔同爸爸,我爸爸高過細佬爸爸,但我細佬高過我半個頭,點解釋吖?真係好嬲呀!龔姐個仔咁高,都係因為打籃球,我細佬去到中學時期,我媽叫佢打多啲籃球,唔好似阿哥,細佬係成功嘅實驗品。」
![天宇話自己細個似白老鼠。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan07_source-licensed_.jpg.webp)
天宇話自己細個似白老鼠。
![天宇嬲爆自己矮過細佬胡㻗。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan08_source-licensed_.jpg.webp)
天宇嬲爆自己矮過細佬胡㻗。
![天宇嬲爆自己矮過細佬胡㻗。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan09_source-licensed_.jpg.webp)
天宇嬲爆自己矮過細佬胡㻗。
諾懿今集化身「教煮」指導天宇煎牛扒,只需利用一樣神秘醬料,便能將幾十元的牛扒煎成貴價口感,Winki試吃完後果真傻傻分不清哪一塊才是貴價牛排,諾懿說:「只要搽一搽(該醬料)啫,再拎去煎,就做到一塊去扒房先食到嘅香濃牛味道!」究竟神秘醬料是甚麼?節目自有分曉。
![諾懿做「教煮」,只需要一個神秘醬料,就可以將幾十蚊嘅牛扒煎成幾百蚊嘅味道,究竟係咩?](https://image.bastillepost.com/1200x/wp-content/uploads/hongkong/2024/05/20240517_EN_KungTseYan11_source-licensed_.jpg.webp)
諾懿做「教煮」,只需要一個神秘醬料,就可以將幾十蚊嘅牛扒煎成幾百蚊嘅味道,究竟係咩?
![諾懿做「教煮」,只需要一個神秘醬料,就可以將幾十蚊嘅牛扒煎成幾百蚊嘅味道,究竟係咩?](https://image.bastillepost.com/1200x/wp-content/uploads/hongkong/2024/05/20240517_EN_KungTseYan12_source-licensed_.jpg.webp)
諾懿做「教煮」,只需要一個神秘醬料,就可以將幾十蚊嘅牛扒煎成幾百蚊嘅味道,究竟係咩?
![Winki都分唔到邊塊先係高級牛扒!](https://image.bastillepost.com/1200x/wp-content/uploads/hongkong/2024/05/20240517_EN_KungTseYan13_source-licensed_.jpg.webp)
Winki都分唔到邊塊先係高級牛扒!
此外,Winki還分享了在職媽媽的辛酸,更講到眼濕濕,她大爆兩次在啟德郵輪碼頭拍劇時,仔仔皆因故入醫院,不禁令她對啟德郵輪碼頭有陰影!今集繼續有「殘酷2選1」,諾懿負責接受挑戰,面對「想做5億駙馬定天王巨星」這個殘酷話題,他又會如何抉擇?
![Winki講起在職媽媽嘅辛酸時不禁眼濕濕。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan15_source-licensed_.jpg.webp)
Winki講起在職媽媽嘅辛酸時不禁眼濕濕。
![Winki講起在職媽媽嘅辛酸時不禁眼濕濕。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan16_source-licensed_.jpg.webp)
Winki講起在職媽媽嘅辛酸時不禁眼濕濕。
![Winki講起在職媽媽嘅辛酸時不禁眼濕濕。](https://image.bastillepost.com/1200x/wp-content/uploads/hongkong/2024/05/20240517_EN_KungTseYan17_source-licensed_.jpg.webp)
Winki講起在職媽媽嘅辛酸時不禁眼濕濕。