「香港藝人高爾夫協會」端午節向長者派糭 黎諾懿鄭希怡偕子女行善傳承愛心

一眾藝人的出現，大受一班公公婆婆們的歡迎。

香港藝人高爾夫協會 （AGA）會員日前拉隊到梨木樹邨參與「同心為公益 端午節愛心禮包贈長者」活動，向長者們派發逾700隻糭及福袋，並上門探訪獨居長者送上溫暖。立法會議員陳恒鑌與及荃灣區議員劉松剛協助帶領藝人黎瑞恩、譚玉瑛、區永權、李思雅、關曜儁、黃穎君，而黎諾懿更帶同仔仔小春雞、鄭希怡亦與老公帶同女兒梁浸浸齊行善，將愛心傳承。

香港藝人高爾夫協會 （AGA）會員日前拉隊到梨木樹邨參與「同心為公益 端午節愛心禮包贈長者」活動

一眾藝人的出現，大受一班公公婆婆們的歡迎。藝人們亦十分落力，跟長者們打成一片，其中關耀儁更化身保安隊長，安排公公婆婆們排隊取禮物包，又參扶他們出入。小春雞雖然年紀少，但亦主動跟長者們問好，祝大家端午節快樂。身為廚神的黎諾懿，又親身教小春雞包糭，場面温馨。鄭希怡一家三口平時較少全家亮相，轉眼間已九歲的梁浸浸變得害羞，拍照時以水樽遮面，一副少女心事的樣子。

一眾藝人的出現，大受一班公公婆婆們的歡迎

身為廚神的黎諾懿，又親身教小春雞包糭，場面温馨

鄭希怡一家三口平時較少全家亮相，轉眼間已九歲的梁浸浸變得害羞，拍照時以水樽遮面，一副少女心事的樣子。

鄭希怡一家三口平時較少全家亮相，轉眼間已九歲的梁浸浸變得害羞，拍照時以水樽遮面，一副少女心事的樣子。

眾藝人派糭之餘，當然亦有跟老友記們聊天問好。諾懿大受歡迎，長者們都爭相跟他合照，又叫他做廚神。譚玉瑛亦被長者們大讚靚女，笑逐顏開；當見到區永權時，一班公公婆婆又鬼馬笑言要「報東張」。而小恩子黎瑞恩則充當領隊，安排大家上門到不同單位派糭，十分落力。大家當日共渡了一個開心又有意義的下午。

諾懿大受歡迎，長者們都爭相跟他合照，又叫他做廚神

大家當日共渡了一個開心又有意義的下午。

大家當日共渡了一個開心又有意義的下午。

大家當日共渡了一個開心又有意義的下午。

伊健：「已經唔記得蝕幾多，好彩仲有得做，慢慢填晒啲氹。」

藝人鄭伊健現身新城廣播接受好友譚玉瑛（阿譚）、何基佑及麥皓兒主持的《QK玉瑛室》錄音訪問，伊健和阿譚因合作兒童節目《430穿梭機》而成為好友，兩人久別重逢不但沒有芥蒂，反而互窒兼互相爆料，為直播室帶來不少歡笑聲。

鄭伊健接受好友譚玉瑛（阿譚）主持的《QK玉瑛室》錄音訪問。

伊健近日忙於為電影《久別重逢》宣傳，提到戲中飾演「少年鄭伊健」的陳卓賢（Ian），他笑指Ian極像初出道的他：「答問題都係答一兩句，不過，我依家已經講多咗嘢。」

伊健近年閒時與太太蒙嘉慧（Yoyo）旅居日本，生活優哉游哉。早年伊健打本給Yoyo在日本開設房地產公司，事隔數年，Yoyo近日決定「回流」返港，伊健稱：「嗰邊學習完就算，依家游手好閒。（陪你打機？）睇吓咩機啦，佢有少少沉迷，我係試玩，但佢一定要打爆機，鍾意玩就會係咁玩，直至有一日唔想玩。（你影響太太？）唔關事，佢本身性格好男仔頭。」

鄭伊健與譚玉瑛互窒玩爆料！

何基佑形容伊健有太太陪打機，又可以做自己喜歡的事，絕對是人生勝利組，甚至死而無撼，伊健聞言搞笑謂：「你返屋企會唔會有事？」及後，阿譚對住伊健表示：「你唔好睇小我，我一次機都未打過。」伊健笑指：「但你係飲紅酒師祖級人馬。」隨即表示要爆阿譚料：「佢做緊兒童節目時已經飲紅酒，但嗰時社會好封建，話飲紅酒就唔可以做兒動節目，所以我保守個秘密直至依家先講。」

鄭伊健自爆買樓投資慘變負資產。

阿譚就大爆伊健拍兒童節目時記稿最差，但伊健給他的感覺十分乖巧又正氣，「佢啱啱出嚟做嘢，有日同佢傾計講抱負，佢話第日要買間屋比父母住，我當時都冇諗過，唔通我真係咁不孝？」不過伊健自爆當初聽前輩意見，賺到錢要買樓投資，怎料慘變負資產，「我好聽話真係買咗樓，點知一買樓市就冧，可能買多咗，變咗負資產，已經唔記得蝕幾多，總之我就明白一句說話，就係『無事一身輕』，點會諗到好畀心機工作，但無啦啦多撻瘌，好彩仲有得做，慢慢填晒啲氹。」

伊健和Yoyo結婚超過十年，阿譚問他由兒子變成丈夫的心態有沒有轉變？伊健說：「冇。（你係一家之主？）都係兩個人啫！（喺屋企有話事權？）冇權話事㗎！但我哋兩個想法好接近，夠用就得，已經好開心。」之後阿譚問伊健為何不生育？他指看新聞覺得世界太亂，所以怕了，隨即反問阿譚：「咁你都一樣㗎！」阿譚沒好氣說：「呢條問題由我嚟問真係激氣。」其餘兩位即拍手掌大笑。

左起：何基佑、譚玉瑛、鄭伊健、麥皓兒