醉娃西環7-11未付款食杯麵遭阻發爛「搞到一地垃圾」 店員無奈報警

西環一間7-11有醉娃鬧事，該女子未完成付款卻於店內進食兩個杯麵，店員阻止遭其辱罵，目擊者稱「無錢畀仲搞到一地垃圾」。

FB圖片

7-11醉娃未付款食杯麵

該目擊者於Facebook群組「西環變幻時」發文兼上載照片，表示日前深夜時分到西環山道的一間7-11便利店買東西，期間一名疑似醉酒的女子選購了兩個杯麵並以手機付款，女子誤以為已經付款，便拿著兩個杯麵到一旁加熱水開始進食。及後，店員發現未收到款項，於是上前要求女子需再次到櫃台付款，女子再次嘗試以手機支付，但依然未能成功。

目擊者表示「佢銀包無錢，用手機Alipay比錢，但又Load唔到，佢以為比咗錢，食緊麵呀姐同佢講比唔到，佢就再去用Alipay比，但都係Load唔到。」

FB圖片

醉娃鬧事搗亂 店員報警處理

從相片可見，該名女子長髮、身穿黑色迷你裙，沒有穿鞋，赤腳靠在雪糕雪櫃旁，手中拿著高踭鞋及手機，眼神迷濛。一旁供食客使用的餐桌上放著一個已開封的杯麵，杯麵的包裝及湯汁散落在地上，一片狼藉。

由於女子沒有現金，又未能成功以手機付款，店員於是阻止她繼續進食，豈料她即向店員出言侮辱。目擊者形容她「惱羞成怒發爛渣⋯ 無錢比仲搞到一地垃圾」。店員亦被焫著「當時呀姐興到想殺人」，於是報警處理「最後店員致電999，要警察來調解才了事」。

FB圖片

網民表示便利店常發生類似事件

帖文引熱議，有網民表示「啲便利店係好多呢啲事發生。不過就唔明點解飲醉酒唔係返屋企係去七仔，最得意係點解飲醉都係唔俾錢」、「癲雞一隻。同埋我而家d人只要得唔到佢既主觀願望就發爛渣」、「7–11地板好乾淨有鞋都唔着」、「成日有d麻煩野，分分7仔唔開通宵」、「講句唔好意思，call朋友嚟畀錢咪得，咁仲樣衰，7出國際」。

涉事女子或犯「不付款而離去」罪

根據第210章《盜竊罪條例》 第18C條 ，不付款而離去是刑事罪行。任何人明知須為任何已供應的貨品或已提供的服務即場付款，或明知被預期須為該等貨品或服務即場付款，而不誠實地離去，並無如所須般或被預期般付款，意圖逃避支付應付的款項，即屬犯罪，循公訴程序定罪後，可處監禁3年。

示意圖片。非涉事便利店

港女搭港鐵驚見「血座」，疑有人月經側漏所致，一名熱心婦人見狀即拿出紙巾將座位抹乾淨，示意她放心就座，令她感動到「幾乎喊出嚟」。

FB圖片

港鐵驚見「血座」 婦人自發清理

該港女於社交平台發文，表示日前乘搭港鐵時驚見「有人流左嘢」，疑有人月經側漏，不慎弄污座位後離去。當時無人敢坐下，而旁邊一名婦人看到後，立即拿出紙巾，抹乾淨座位，並示意樓主可以放心就座。樓主雖然最後沒有坐下，但向婦人舉起大拇指讚揚。

FB圖片

婦人以膠袋妥善處理 港女感動到「幾乎喊出嚟」

最令樓主敬佩的是，該婦人更將清理後的紙巾放入一個透明小膠袋內，準備下車時丟棄至垃圾桶。樓主表示被這位婦人的無私感動得「真係幾乎喊出嚟」。

FB圖片

網民大讚「無私有愛！」

不少網民亦大讚婦人熱心之舉「抹人哋嘅M血⋯阿姐真心無私！」、「嘩～真係好感動，條仔都唔會抹叫我坐啦」、「呀姐真係好好人」、「人間有愛」、「大愛呀」、「姐姐簡直神」。

有網民表示「生理期我唔會坐，就係驚有咁既情況」、「嚟M我好少坐」；有人則指身體不適有時無可避免「好多人話嚟M唔會坐，但係M痛個陣真係唔會理，因為真係好很痛。但漏M就，自己清理返啦」。

(示意圖）

帖文來源：Threads