近日，一張空姐「踎街相」在社交平台瘋傳，一名身穿紅色制服的空姐，直接蹲在路邊的巴士站等巴士，隨意的姿勢引熱議。
FB圖片
空姐「踎街」等巴士被偷影
有網民於Facebook群組「空姐 Secrets」上載照片，並表示「係邊個？人少少認咗佢」，照片顯示一名身穿紅色制服及黑色高跟鞋的空姐，蹲在路邊巴士站旁邊，疑似正在等候巴士。雖然她的制服略為緊身，但亦無阻她「踎街」的決心。該空姐身旁放著行李及手袋，當時她只顧低頭玩手機，未有察覺已被人偷拍下照片。
FB圖片
網民批評「肉酸」、「無儀態」
照片引熱議，不少網民認為當眾「踎街」影響了空姐應有的專業形象「著裙踎就真係無儀態」、「好肉酸，仲要著住條裙，嚇親人」、「要尊重番件制服，正如學生著住校服一樣」、「從未見過前香港招聘的空姐，有如此令人側目的所謂舒服優雅的姿勢喎」、「假空姐？正常空姐都有上儀態堂㗎喎！」、「我會提醒佢咁唔係幾好睇」、「堂堂空服著住制服周街踎，成何體統？！」、「踎本身都見慣哂，問題係佢著著制服呀大佬，咩專業形象都無哂啦」。
有網民貼出疑似當事人的正面照，不過熟真熟假就無從稽考。FB圖片
網民盼體諒「可能身體不適」
不過，亦有網民猜測可能另有苦衷「人哋可能返工真係太攰」、「如果當時人是月事痛而踎低左，可以諒解」、「返工做到攰哂撑唔住週圍冇地方坐有乜辦法」、「可能人地M痛呢！真係有苦自己知」、「會唔會過去問下係咪有咩唔舒服」、「企得耐，攰，著裙又唔坐得低係地下，分分鐘只係踎左十幾秒又俾人影上網」。
帖文來源：Facebook群組「空姐 Secrets」
