首個巡迴演唱會圓滿結束 關智斌逢開show都暴雨：我認命啦

關智斌最難忘廣州站開show當天大暴雨加龍捲風。

關智斌（Kenny）早前舉行他首個巡迴演唱會《關智斌時光機巡迴音樂會》，日前於北京舉行最後一站。由於是最後一站，Kenny決定為歌迷送上驚喜，以「限定金毛look」現身，除此之外，歌單更是精心挑選，由跳唱的《LALA世界》、《一起喝采》到抒情的《眼紅館》、《日月》等，為觀眾帶來一場極具視聽的音樂盛宴。

Kenny在最後一場《關智斌時光機巡迴音樂會》以「限定金毛look」現身。

近半年都在進行巡迴show的Kenny在完成中山、佛山、上海、廣州及上海的演出後，日前最後一站的北京亦圓滿結束。Kenny表示完成這六站的巡演，對他是一個很大的學習過程，他坦言自己甚少製作演唱會經驗，因此在這次籌備的過程中遇上不少挑戰，如如何編排歌曲、音樂製作、找適合的樂隊等，「因為成個演唱會唔係淨係唱幾隻歌，成個演唱會要好流暢，要有起承轉合、要有主題、中間點樣同觀眾互動等等，呢啲反而係我喺《披荊斬棘的哥哥》呢個節目入面學到返嚟，學到點樣帶動觀眾嘅情緒，完全沉醉喺個氛圍入面。我目標好明確，我淨係想我每一首歌都帶到一個意思，可以令到佢哋離開嘅時候都會回味。」

Kenny近半年都在進行巡迴show。

他坦言自己甚少製作演唱會經驗，因此在這次籌備的過程中遇上不少挑戰。

至於難忘事，Kenny坦言每一場都難忘，如上海一站，期間Kenny因工作關係需要飛到瑞士出席活動，活動完後便要即時飛回上海，「jetlag都未完全回復過嚟嘅時候，就已經要去表演，都擔心自己嘅精神狀態唔好。」

Kenny指每一場演出都很難忘。

其中上海站前，Kenny因工作關係需要飛到瑞士出席活動，jetlag未完全回復就要演出。

不過，最大挑戰則是「天氣不似預期」，就連Kenny也表示要認命，「我每一次開show嗰個地方都會落雨，我未去之前嗰個地方係陽光普照天氣好好，但到我一開show就會傾盆大雨，第二日又好天返啦喎，所以呢一樣嘢我係幾深刻，深刻嘅係因為我都好擔心令到粉絲好辛苦好奔波好粗魯。」特別是廣州一站，開show那天大暴雨加上龍捲風，fans在場外準備的種種應援物都要收起，「有好多人因為要趕車、趕飛機，好多延誤，令到佢哋失咗好多預算，甚至乎有陣時淋雨淋到成身濕晒，呢個我係幾心痛，因為我知道佢哋好多都係女仔，嚟到都唔容易，希望我下次去開show嘅場館，出面會有多啲嘅地方可以俾觀眾避雨啦。」

而最大挑戰則是「天氣不似預期」。

廣州站就遇上大暴雨加龍捲風。

關智斌（Kenny）日前為「香港結婚節暨夏日婚紗、美容化妝及秀身展2024」擔任表演嘉賓，並唱出《總有一站愛上你》及《勇氣情歌》兩首歌，過百名粉絲到場支持。

Kenny日前為「香港結婚節暨夏日婚紗、美容化妝及秀身展2024」擔任表演嘉賓。

過百名粉絲到場支持Kenny。

剛於內地完成六站巡迴演唱會《關智斌時光機巡迴音樂會》的Kenny表示，很久未有在香港演出，這次看到這麼多粉絲來支持，他說幸好fans沒有忘記他，「同埋見到好多fans 佢哋抱住自己個女、或者自己個仔過嚟，即係覺得有啲時間飛逝嘅感覺。」

Kenny感情粉絲到場支持。

未知是否太興奮，Kenny唱《勇氣情歌》時突然忘記歌詞，台下粉絲立即「補位」大聲叫唱，但 Kenny也立即叫停，決定重唱，十分專業，「其實首歌喺巡演時每一場都有唱，突然間back out咗，為咗回饋現場fans嘅支持，一定要重新好好地唱一次俾大家聽。」

Kenny唱《勇氣情歌》時突然忘記歌詞，雖然台下粉絲立即「補位」大聲叫唱，但 Kenny也決定重唱。

除此之外，粉絲們又悉心準備很多應援物，令Kenny十分窩心，「因為以前好少見到，譬如有時返屋企睇到佢哋俾我嘅禮物，全部係好有心機，譬如畫一啲畫，又整咗好多精品公仔同我差唔多樣，我真心覺得係好犀利！我嗰個年代冇乜好多呢啲嘢㗎嘛，同埋我巡演嘅時候，佢哋會安排好多嘢食，又有餐車，感受到而家原來啲偶像派歌手嘅待遇，多謝佢哋令我感受到我仲未有同呢個時代脫節。」

Kenny感謝粉絲們悉心準備很多應援物。