韓國天王Rain出席澳門活動獻唱 周曉涵開心見到偶像：從小就有聽他的歌

當Rain表演時現場叫聲不斷！

高端時尚運動品牌K-Swiss為慶祝澳門威尼斯人旗艦店隆重開幕，於昨日（3月8日）邀請韓國歌手Rain（鄭智薰）、周曉涵出席開幕儀式，粉絲提早到場霸位，當Rain出現時更尖叫聲不斷，當Rain表演時，叫聲不斷。謝霆鋒、關智斌（Kenny）、Gin Lee（李幸倪）則到場睇騷。

韓星Rain（鄭智薰）與周曉涵到澳門出席運動品牌K-Swiss旗艦店開幕活動。

當Rain出現時更尖叫聲不斷！

來自台灣的周曉涵用廣東話介紹自己，她說很久以前曾去香港宣傳電影，那時候練習過自我介紹。對於今次到澳門出席活動，笑稱自己是Rain粉絲，近距離接觸令她非常興奮，更把握機會合照：「我是他粉絲，從小就有聽他的歌，念高中大學的時候就很喜歡他，他跳舞真的很厲害! 」

台灣女星周曉涵亦有出席。

周曉涵視Rain為偶像。

周曉涵大讚Rain跳舞很厲害！

為了跟偶像見面，周曉涵更練了幾句韓文。至於謝霆鋒同樣是她的偶像：「他是我少女時代的夢中情人，酷酷帥帥的。」其實周曉涵最近在台灣正忙電影宣傳，就因為今次有Rain及謝霆鋒同場便立即答應到澳門出席活動。

Rain在活動上又唱又跳。

現場叫聲不斷！

講到運動，周曉涵表示很愛玩瑜伽，加上現時很流行運動，平常穿運動服也很好看，所以即使不運動的時候都會穿運動衫，感覺很有活力。所以今日在店內逛逛，見很多運動服也很美，亦會趁機會買多幾對運動鞋。

Rain表演勁有魅力。

連謝霆鋒、開智斌和Gin Lee睇得投入好開心！

拍YouTube 都有唔少得著呀。

日前，關智斌（Kenny）、衛詩雅（Michelle）及冤枉娛樂主理人「枉阿姐」受邀，為「Rhythm & Brews by YouTube」期間限定展，並進行以「內容策略如何協助藝人建立形象」為主題的Fireside Chat互動訪談。

六年前，Michelle開始成立自己的YouTube Channel，當中的「衛食攻略」愈拍愈受歡迎，不過原來開始的時候她十分抗拒，「我係嗰啲想好專心做一樣嘢嘅人，我淨係覺得我淨係拍戲！拍戲以外嘅任何嘢我都唔想做！以前嘅我係連訪問都唔鍾意做，我淨係想做關於電影嘅嘢。」不過由於開戲的不穩定性，枉阿姐便建議她投入「YouTuber」行列，「我話唔好啦，枉阿姐就話：『你試吓啦。』冇辦法啦，冇戲拍。『衛食攻略』都係佢哋幫我諗，因為覺得我個人貼地，就話不如拍一個咁樣嘅Channel。」

六年前，Michelle開始成立自己的YouTube Channel

至於Kenny，他坦言由始至終都沒想過自己會做一個YouTuber，疫情期間是一個轉捩點，「平時嘅工作好多都停頓咗，講得白啲即係冇嘢撈，哈哈。嗰段時間我睇多咗好多YouTube，開始覺得我唔使每次有演唱會或者出碟先至見人，其實我可以喺呢啲片入面，同到好多人接觸。拍Youtube唔係淨係拍一、兩條片，係要keep住長期拍挧，你要好有passion先得，人哋可以了解到你最真實嘅一面。」

Kenn沒想過自己會做一個YouTuber

「枉阿姐」絕對是二人的幕後推手，她憶述最初加入公司時，拍了大量不同類型的搞笑短片，但沒有適合平台播放，於是膽粗粗向CEO建議，「『可唔可以開一個Channel喺俾我擺一啲我哋拍嘅片、自家嘅content上去？』佢話：『好吖！你開啦。叫咩名好呀？』我話要玩嘢少少，不如叫『冤枉』啦，即係英皇嘅諧音，開頭諗住講吓嘅啫，點知老闆OK喎，原來佢比我想像中玩得，佢行得好前。我仲記得第一個project係許靖韻嘅『小背心』。」

「枉阿姐」絕對是二人的幕後推手

問到拍片的最大挑戰，Kenny直言在Youtube世界中，藝人不會有特別優勢，因為網民只會對着重短片內容，跟藝人身份毫無關係。但他坦言因為拍攝「斌菲特」系列而增長不少知識，「因為呢個Channel真係要講一啲投資、資訊性嘅嘢，每集嘉賓都係喺自己範疇入面係一個好勁嘅人，我真係唔可以完全乜都唔知就去做呢個訪問，因為咁亦都係好唔respect呢個嘉賓，喺呢一段時間我真係增長咗好多嘅知識。」Michelle則大爆拍攝時撞破偷情男女，「我哋拍『衛食攻略』，經常要去啲小店拍攝，小店多數都比較細間，我哋要避開啲人群嚟拍攝。有一次拍拍下突然間有個男人衝埋嚟，揞住個鏡頭叫我哋唔好怕，原來佢喺度同另外一個女仔偷情。條片係有出嘅，不過其實都影唔到佢哋，哈哈。」

Kenny坦言因為拍攝「斌菲特」系列而增長不少知識

Michelle則大爆拍攝時撞破偷情男女