芷珊約您丨楊千嬅罕有談及網絡風暴 擔心出街會「有事」拒見人：每日好驚好慌

楊千嬅霸氣反駁「一世好運」：「如果真係可以，你哋眼見我嘅劫難都可以避過啦！」

由黎芷珊主持的《澳娛綜合呈獻：芷珊約您》，逢星期日晚上9點半翡翠台播映。明晚（2日）播出第七集的嘉賓是楊千嬅，芷珊飛到上海直擊其巡迴演唱會，並與她進行深度專訪。期間，千嬅感觸至數度落淚，與她相識多年的芷珊也不禁眼泛淚光。

今集嘉賓係楊千嬅，節目直擊佢嘅上海站巡迴演唱會！

芷珊同千嬅私下係認識多年嘅老友，訪談內容真摰又感人。

當年憑著「心口掛個『勇』字」的千嬅，因熱愛唱歌放棄護士一職，勇闖樂壇做歌手，靠著努力一步一步登上樂壇天后、影后寶座；在28年演藝生涯，歷盡高低起跌，2019年因網絡風暴陷入人生低潮，加上疫情打擊，令千嬅事業和人生均面對巨大轉變。

千嬅數度感觸落淚。

千嬅好感謝前輩葉蒨文同李玟同佢分享人生經驗，令佢有好多得著。

千嬅好感謝前輩葉蒨文同李玟同佢分享人生經驗，令佢有好多得著。

努力練聲治癒內心缺乏的自信
節目中，千嬅罕有重提網絡風暴事件，她自認本是EQ高、很懂處理這類事的人，惟當時正進行世界巡唱，千嬅形容當刻感覺如天上跌下來：「嗰時反差太大，我消化唔到，每日好驚好慌，嗰種慌係嚟自突然人生感到迷失。」她坦言擔心出街會「有事」，亦怕跟朋友見面，一度收埋自己。向來個性硬朗、報喜不報憂的千嬅，在丈夫及兒子面前也裝著一副「我沒事」的樣子，直至看到歌迷砸碎其CD，才感到很生氣，千嬅說：「你可以否定我，但唔應該否定我嘅作品，唔係淨係我一個人嘅嘢嚟。」

《少女的祈禱》

千嬅初出道拍過好多節目同劇集。

芷珊喺公演前已經「踩場」！

仲親身體驗千嬅出場時嘅空中吊台，有成三層樓咁高！

綵排片段

Show time!

其後千嬅與丈夫丁子高及兒子暫居上海，並努力重建自信，包括努力練聲及接演歌唱節目《聲生不息》挑戰自我。千嬅又感恩前輩葉蒨文和李玟與她分享人生經驗，給了她很多啟發：「聽前輩一席話，勝過讀萬年書。」對於被外界認為「一世好運」，千嬅笑言：「如果真係可以靠呢啲，你哋眼見我嘅劫難，我都可以避過埋啦！」千嬅續指無論遇到願意教育她的前輩、製作人、作曲與填詞人，成為護士亦是她覺得幸運的事，到底為甚麼？密切留意節目。

千嬅呢個出場夠晒霸氣，果然係烈女！

啲衫好靚！

「我好proud of自己係廣東歌歌手」
是次巡唱，千嬅幾乎全廣東歌演出，眼見內地多個非粵語城市的全體觀眾依然雀躍地跟著大合唱，坦言感動不已，千嬅說：「我好proud of自己係廣東歌歌手，好想趁仲有體力，將廣東歌唱到去唔同城市。」2000年千嬅憑《少女的祈禱》紅遍華語樂壇，千嬅直認不同年齡唱同一首歌會有不同感覺，而且隨著人生經驗增長，會更易明白箇中意思，說到此處千嬅感觸落淚：「我好憎以前唱到咁衰，但依家唱番，先發現原來嗰把聲係最快樂。」

自認唱歌一般的千嬅，形容自己初入行時只是塘邊鶴：「有時真係有少少亂嚟，從來冇上過正規training，係塘邊鶴，嗰時第一件事係去學唱歌，但學兩堂唔會即刻突飛猛進，變咗要努力，因為唔努力唔會有新歌。」為了歌手夢，千嬅當年硬著頭皮做過不少音樂節目、甚至拍劇，她邊憶述邊閉著眼睛感嘆：「一定要乜都做，唔好怕蝕底，有曝光率人哋先可以見到你。」她更以碎片形容昔日的經歷：「點都要儲啲碎片，有一日會嵌到楊千嬅個樣出嚟。」

歌迷著晒千嬅最愛嘅紫色服裝入場。

最後一集特別為觀眾送上連串彩蛋，將精彩的漏網鏡頭一次過送上。

由黎芷珊主持的《澳娛綜合呈獻：芷珊約您》，9日9點半翡翠台播映最後一集。芷珊跟隨溫拿、張敬軒（軒仔）、王嘉爾（Jackson）、許志安（安仔）、陳慧琳（Kelly）、楊千嬅、草蜢去到世界各地，一邊開騷一邊暢談人生，最後一集特別為觀眾送上連串彩蛋，將精彩的漏網鏡頭一次過送上。

黎芷珊主持的全新節目《澳娛綜合呈獻：芷珊約您》將於4月21日推出

在美國開巡唱的軒仔原來還有「尋人記」番外篇，軒仔在當地重遇了多年沒見的「恩人」，他憶述「事發經過」：「嗰晚係好奇怪嘅一晚，以往開騷啲Fans都係嚟自五湖四海，突然聽到把好熟悉嘅聲音，我再望吓佢個樣，佢亦都有望住我。因為（當時）好多粉絲，我一路簽住名但我個身係一路滾（意指因激動而體溫上升），因為佢係我中學同學，我哋畢業之後再冇見過。」他直言這位中同是他的天使：「佢係我恩人嚟，呢個女孩子好似天使咁存在，冇脾氣啦，又成日幫我補習，如果我冇佢係唔會畢到業。到我簽完晒名，我知道同佢（相認）嗰吓係歷史性Moment，我當時係徹底崩潰，當住現場咁多位粉絲面前喪喊。」

軒仔美國開騷上演「尋人記」，重遇中同恩人！

軒仔美國開騷上演「尋人記」，重遇中同恩人！

軒仔話當刻係崩潰爆喊。

蔡一傑＠草蜢的感情世界最惹人關心，當芷珊指他多年來像獨行俠一樣，傑仔即反擊：「你都係呀！」引得全場大笑。傑仔之後大方分享做獨行俠的好處：「我可以唔使同人交代，想去旅行咪去旅行囉，有人（伴侶）嗰時當然都有Sweet Sweet嘅時候，你拍拖頭3個月梗係Sweet㗎，第4個月梗係嘈交㗎啦，有邊對情侶唔係咁吖？」傑仔認為上天已經對他不薄，並大拋感性Bite：「個天已經畀咗好多天賦我，十隻手指有長短，佢有一樣嘢唔畀你，有咩所謂啫，以前都會覺得搞錯呀，人人都有得我冇，但問吓自己，其實已經擁有咗好多嘢。」傑仔笑言欣然接受愛情來臨：「我度門一直都打開，係冇人入嚟之嘛！」傑仔分享完畢後即將矛頭直指芷珊：「咁你呢？」芷珊即時怕醜妹上身：「完喇呢個訪問！」

傑仔大談感情世界，仲反擊問番芷珊感情事。

傑仔話自己度門一直都打開，只不過係冇人入嚟。

草蜢

任賢齊神秘現身送驚喜求合唱《花好月圓》

芷珊又帶大家直擊千嬅上海站演唱會後台重地，千嬅還分享了後台極速換衫的趣事，原來演唱會戰衣最難穿的不是華麗Bling Bling晚裝裙，而是一條望落普通的貼身褲，千嬅笑言：「呢條褲着咗成一分鐘，因為我成身都係汗，啜住晒拉唔到上嚟，每次都要用半支爽身粉吸乾啲水份先，估唔到哩？」千嬅在上海站演唱會唱完最後一首歌後，便急急落台拖着芷珊離開，千嬅解釋：「其實係為咗安全問題，因為場館好大、好多觀眾要離開，要確保藝人離開咗場館先，等啲粉絲唔好有期待而唔走住，以防秩序上出現問題。」回到酒店後，好友任賢齊神秘現身為千嬅送驚喜，千嬅見到小齊後嚇到尖叫，回過神後即與對方抱抱，小齊說：「好想有一日可以做你嘉賓，同你合唱《花好月圓》。」千嬅即時爽快答應：「好呀，呢個萬眾期待。」

直擊千嬅演唱會後台重地。

千嬅話畀呢條緊身褲考起。

小齊神秘現身為千嬅送驚喜。

小齊神秘現身為千嬅送驚喜。

溫拿五子則笑談昔日造型，校長譚詠麟笑言：「以前啲衫都係自己拎，當時冇人跟住我哋，所有嘢都係自己拎自己帶。」彭建新更爆料指鍾鎮濤「冇口齒」：「阿B（鍾鎮濤）嗰件珠片係我啲妹釘，話釘完請食牛扒，講到今時今日都仲未請，一九七幾年喎！」講到經典羽毛造型，阿B笑言：「唔記得邊度搵啲孔雀毛黐到通身都係，我為咗補償呢個過失，我就好專心研究時裝，真係睇咗好多雜誌。」校長續指溫拿亦曾是潮流指標：「我哋創造咗獅子頭、喇叭褲 、鬆糕鞋，全部都係我哋創造出嚟！」

溫拿笑談昔日經典造型。

校長話以前啲造型都係自己一手包辦。

彭建新話啲衫嘅珠片都係自己人手釘。

呢個羽毛Look好正。

B哥哥笑言曾惡補時裝知識。c

溫拿以前係潮流指標。