芷珊約您｜11歲兒子Torres勇敢捍衛媽媽 楊千嬅感觸落淚：人生最低落最困難係個仔救醒我！

楊千嬅經歷風浪後的千嬅領悟箇中真諦，「以前嘅唔快樂，係要令自己更快樂。」

由黎芷珊主持的《芷珊約您》昨晚（6月2日）播出第七集的嘉賓是楊千嬅，芷珊除了飛到上海直擊其巡迴演唱會，還與她進行深度專訪。期間，千嬅感觸至數度落淚，與她相識多年的好友芷珊被感動得眼泛淚光。

芷珊、千嬅

千嬅講起仔仔特別感觸。

千嬅講起仔仔特別感觸。

公演當日，向來患懼高症的千嬅乘搭三層樓高的空中吊台出場，芷珊早於綵排時已率先體驗這個霸氣式出場，不禁高呼「天后唔易做」！千嬅能夠克服懼高，原來全靠陪兒子Torres滑雪、坐吊車，並笑稱自從兒子出世後，再沒有用「楊千嬅個腦諗嘢」，只用丁太和Torres媽咪身份：「呢個世界冇天后，只有母后。」巡唱圓滿結束後，芷珊與千嬅到手工藝工作坊邊做手作，邊進行超deep內心對話。

巡迴演唱會精選圖片

巡迴演唱會精選圖片

千嬅話自從結婚同仔仔出世之後，已經冇用「楊千嬅個腦諗嘢」。

千嬅話自從結婚同仔仔出世之後，已經冇用「楊千嬅個腦諗嘢」。

巡唱圓滿結束後，（右）芷珊與千嬅（左）到了手工藝工作坊玩陶瓷。

千嬅數年前因疫情及網絡風暴其陷入人生低谷，「烈女」性格令她不願向丈夫和兒子訴說內心世界，她以為下廚有效治療自己，卻被老公丁子高驚覺越來越不尋常：「丁生發現我做咗五日意粉，咕嚕肉都炸咗四次，覺得我唔對路，我話冇嘢呀，成日扮冇事，但夜深人靜時自己偶爾都會喊。」直到有一天，Torres發現千嬅流淚並問媽媽為何不開心，千嬅才當頭棒喝：「點解我唔敢同佢承認？我係第一身亦係最close嘅人，我要畀最真實佢知，人係可以唔開心；人係可以失敗；人係可以被人批評。過程先係最寶貴，我仔唔會做乜都啱，我都好想人畀機會我仔，『畀機會』三個字好寶貴。」

老公丁子高同仔仔Torres

千嬅不報憂嘅性格，喺老公同仔仔面前都扮冇嘢，反而自己匿埋喊。

千嬅不報憂嘅性格，喺老公同仔仔面前都扮冇嘢，反而自己匿埋喊。

即使Torres背負輿論壓力，仍會勇敢捍衛媽媽，見到陌生人舉機拍千嬅，他會衝上前阻止對方。千嬅雖然作為媽媽，但反而從兒子身上學會了很多，說到此她不禁感觸落淚：「佢咁細個，係初心，令我觀照自己嘅初心，喺我人生最低落最困難，就係我仔救醒我。」

最後係由仔仔Torres救醒佢，講到呢度，千嬅又忍唔住喊！

最後係由仔仔Torres救醒佢，講到呢度，千嬅又忍唔住喊！

芷珊問到現階段的她是否快樂，經歷風浪後的千嬅領悟箇中真諦，再度拋下金句：「以前嘅唔快樂，係要令自己更快樂。」至於十年後有何鋪排，她直言若從楊千嬅出發，會繼續做live演唱會，指演唱會不僅是音樂，而是分享人生；若從媽媽及太太角度，希望將生活專注放在家人身上：「我想陪伴個仔成長，慢慢老去。」千嬅還向芷珊分享一個小秘密，她透露偷偷背著丁生偷買了數支Torres出世年份的香檳作收藏，由於不能讓丁生知道，她將香檳寄存在朋友家，並再自爆不是第一次：「成日喺出面買完嘢寄居人哋屋企，冇人知！」

芷珊都被千嬅感動到眼濕濕！

芷珊都被千嬅感動到眼濕濕！

節目尾段，芷珊分享與千嬅訪談後的感受，指千嬅在他們朋友圈是個堅強女子，從來沒呻過辛苦或不開心；因此事件發生後，大家認為不打擾是最好的支持，但芷珊聽到千嬅這一句話，令她感到很內疚：「原來有大半年真係一個人都冇搵佢，聽落覺得好內疚，如果早啲畀支持同佢傾吓偈，可能冇咁難過。」

巡唱後結束，芷珊同千嬅四圍逛。

巡唱後結束，芷珊同千嬅四圍逛。

（右）任賢齊同千嬅（左）份屬好友。

走進當今世界戰火最激烈的兩個戰場—烏克蘭以色列/巴勒斯坦聆聽戰爭故事

台慶全新綜藝節目《戰場上》，由曾獲最佳節目主持的黎芷珊擔任主持，一共十集逢周一至五晚上10點半翡翠台播映。今晚（5日）《戰場上》播出第二集，主持黎芷珊去到烏克蘭的博羅江卡、伊爾平及基輔，以第一身視覺探索被戰火摧毁了的建築物現況，並訪問了因戰爭受到嚴重影響的烏克蘭家庭，當中不但有原本充滿希望的年青人，還有天真無邪的小朋友，及被逼「落單」的已婚女性。面對眼前被炸至體無完膚的民居及建築、一個又一個滿地頹垣敗瓦、但同時又充滿生活痕跡的荒廢單位，芷珊按捺不住內心的激動說：「對我嚟講呢個畫面好震撼。」除了眼前瘡痍滿目的景象，歷盡戰火之苦的烏克蘭平民的心聲，亦令芷珊為之動容。

21歲Olena：我冇計劃，因為我唔知道今日我計劃咗，聽日我仲有冇命喺度

現年21歲的Olena，在戰爭爆發前過著自由自在的獨居生活，但一場戰爭不但摧毁了她的家園、還摧毁了她對未來的希望及對生活的熱誠。Olena憶述在戰火爆發一刻，她沒有選擇逃亡、反而是獨留在伊爾平的家，經歷了為期九天被炸彈密集式炮轟的日子。Olena邊向芷珊展示當時實時拍下的大型建築物及民居被炸畫面外，還展示了於2022年3月某天凌晨、記錄的炸彈發射時間，短短一、兩個小時內，有十至二十個轟炸記錄。Olena指出對炸彈聲的熟悉程度，足以令她區分得出「射埋嚟」及「射出去」的分別。經歷了驚心動魄的九天後，Olena感嘆有感人生經已停擺，每天能有命醒來已是最大的感恩：「我冇計劃，因為我唔知道今日我計劃咗，聽日我仲有冇命喺度。你去瞓覺，然後起身擘大眼之後，你會（深呼吸一口氣）：『我仲喺度，好好』。」戰爭亦令Olena覺得身外物不重要：「我唔想再買嘢，因為我唔需要，如果你再去一次布查或伊爾平，你會知道你真正需要嘅係護照同電話。」

炮火中的家 年青的Olena

炮火中的家 年青的Olena

炮火中的家 年青的Olena

曾經歷逃亡的9歲Vova：很高興回到烏克蘭，即使什麼都爆炸，我也要留在家

芷珊另外還訪問了單親媽媽Olexandra及只有9歲的小男孩Vova及其母親。Olexandra的丈夫是軍人，戰爭爆發後，Olexandra與當時只有六歲的女兒長時間躲在地下室，她說：「有我識嘅人炸死咗，真係好得人驚，啲經歷過二次世界大戰嘅老人家，甚至話馬里烏波爾嘅情況更為惡劣，城市四周圍都有人被埋葬。」並謂女兒現在聽到行雷聲會恐懼：「佢仲好驚行雷，以為係轟炸。」苦等2年終等到丈夫回來的Olexandra，想不到丈夫竟以「想生活得更充實，想有更加多女人」為由提出離婚。

現已返回烏克蘭的Vova，六歲時因逃避戰亂與媽咪一起逃亡往愛爾蘭，他憶述難忘出境當日現場媽媽與其他人都在哭，並謂當時離開烏克蘭後，每日都很掛念爸爸和嫲嫲：「每一日我都好掛住佢，我喊咗好多次，我好掛住屋企人，我打好多電話畀嫲嫲，我哋會傾兩個鐘頭電話。」對於相隔兩年多終可與最愛的家人團聚，Vova坦言很開心：「很高興回到烏克蘭，即使什麼都爆炸，我也要留在家。一日有幾多次警報都冇所謂，我都想留喺度，因為我屋企人喺呢度，我啲朋友喺呢度。」Vova更應要求即場示範現在如何每次見到爸爸，都會高興地飛撲往對方身上，畫面溫馨。

*攝製隊在安全的地域進行採訪，目的是實地反映戰爭讓人民帶來的災難，我們期望戰爭終止，實現世界和平。