A Cappella版《Jay Fung儀態訓練學院》已上架！
Jay Fung馮允謙早前推出新歌《Jay Fung儀態訓練學院》，身為歌曲的填詞人Wyman黃偉文，坦言在譜寫歌詞時，腦內想到有兩個不同演繹方法，一，歇斯底里式怒火大爆炸，二，camp精式姣屍燉篤版，最終，Jay Fung選擇了前者，最近還發掘出第三個版本，就是A Cappella version，更邀請了合共有十位成員的The Kickvoxers一起參與。
點擊看圖輯
Jay與A Cappella組合The Kickvoxers合作《Jay Fung儀態訓練學院》。
Jay透露The Kickvoxers中一位成員Guddy是他的唱歌老師。
Jay指今次合作是一個好大的突破。
《Jay Fung儀態訓練學院》的A Cappella version在尖沙咀1881取境。
場景與MV非常類近，有一種互相呼應的感覺，但在歌曲的演繹方法上卻大有不同。
Jay想試beatbox。
並希望與識beatbox的釗峰合作。
Jay與A Cappella組合The Kickvoxers合作《Jay Fung儀態訓練學院》。
觀看相關影片按連結：https://youtu.be/B96KEyaOLqM
Jay表示：「今次好幸運，就係同一隊A Cappella group合作，組合名字叫做The Kickvoxers，佢哋其中一位成員Guddy，佢係我唱歌老師，佢幫咗我好多，由我兩年前第一次喺九展開演唱會，到舊年去紅館開show，我好需要vocal stamina（聲韻耐力），去令自己把聲更強，佢真係幫咗我好多。」
Jay透露The Kickvoxers中一位成員Guddy是他的唱歌老師。
至於為何會有這個版本的構思，Jay解釋：「其實諗咗好耐，想做一個新版本，但又諗唔到點去玩，最終我同我A&R同事Viki Chan一傾嘅時候就諗到不如試吓A Cappella，因為我比較少接觸呢個範疇，所以今次係一個好大嘅突破。」
Jay指今次合作是一個好大的突破。
當日拍攝《Jay Fung儀態訓練學院》的A Cappella version，在尖沙咀1881取境，現場的陳設走歐陸懷舊風，牆上掛滿多幅油畫，場景與《Jay Fung儀態訓練學院》MV非常類近，有一種互相呼應的感覺，但Jay說，在歌曲的演繹方法上，卻大有不同，「其實兩個版本我嘅唱法係有分別，唔知大家有冇留意，原裝版會比較憤怒、激情，但今次A Cappella version，因為要配合大家把聲，所以呢個版本會收埋啲，會cool少少，所以頭先拍MV嘅時候都比較cool。但最搞笑係，我記得我喺錄音室錄呢隻歌嘅時候，有一個習慣，我對手會不期然有好多好誇張嘅手部動作，但原來喺鏡頭面前做呢啲動作，會好奇怪，所以剛才唱嘅時候，雙手好想郁，但又要壓制住自己，最終拍咗四、五個take，自己都好滿意，希望大家都鍾意呢個版本。」
《Jay Fung儀態訓練學院》的A Cappella version在尖沙咀1881取境。
場景與MV非常類近，有一種互相呼應的感覺，但在歌曲的演繹方法上卻大有不同。
問到Jay有沒有考慮試玩A Cappella，打算跟誰合作？他想了一想說：「我都想嘗試玩吓A Cappella，其實上年十二月，我同另一隊A Cappella group有合作過，當然我嘅負擔冇咁重，因為都係專注我主音嘅部份，和音嘅工作交番俾佢哋，所以我都想嘗試，唔知有冇機會，試吓唔唱主音，做吓啲beatbox，雖然我完全唔識，但我聽講釗峰識beatbox，可以搵佢一齊合作吓！」
Jay想試beatbox。
並希望與識beatbox的釗峰合作。
