與per se現身平安夜派對獻唱 馮允謙總結2023年登紅館開個唱最感動

Jay Fung馮允謙直言2023年是豐收一年！

集甜美與前衛於一身，散發着濃濃Y2K氛圍的Care Bearsä自從乘坐Care Bearsä Express聖誕列車抵達朗豪坊後，繽紛彩虹力量注滿整個商場，為聖誕佳節添上氣氛。一向擁有陽光開朗形象的人氣唱作歌手Jay Fung馮允謙於平安夜（12月24日），聯同詩式流行音樂組合per se出席《朗豪坊Jingle Bears平安夜派對》，現場與觀眾及粉絲一同慶祝迎接聖誕，以歌聲將現場的歡樂過節氣氛推向最高峰！

Jay Fung馮允謙聯同組合per se出席《朗豪坊Jingle Bears平安夜派對》。

Jay Fung馮允謙聯同組合per se出席《朗豪坊Jingle Bears平安夜派對》。

Jay Fung一到場就被高達5米的聖誕樹以及Care Bears各色主題布置所吸引，一向喜歡聖誕節的他大讚現場拍照效果一流！Jay Fung：「今年嚟到朗豪坊參加平安夜Party，可以同現場咁多fans一齊慶祝，真係好溫暖！」

Jay Fung一到場就被各色主題布置所吸引。

在Care Bears牆前打卡。

今次Jay Fung亦向現場5位遊戲勝出觀眾送出Care Bears聖誕禮物，充當聖誕老人為大家送上節日祝福，亦為現場觀眾獻唱三首歌，其中包括收錄於12月18日最新推出的新碟《IN GOOD TIME》的《入場人士注意》、《給你幸福 所以幸福》及《尋找隱世巨聲》。最後，更因現場觀眾氣氛高漲大叫Encore，送上驚喜清唱聖誕歌《We wish you a Merry Christmas》。

Jay Fung為現場觀眾獻唱三首歌。

Jay Fung表示：「好開心新碟嘅反應好好，好多朋友、粉絲都話好鍾意，我仲當聖誕禮物送咗俾屋企人同朋友！」他又指今年可謂豐收一年：「今年開咗紅館個人演唱會，等咗11年終於做到，我非常滿足同開心。另外《收到收到》成為五台冠軍歌，我都好開心。希望2024年我可以繼續做多啲自己鍾意，大家又鍾意嘅作品，2024年都繼續『IN GOOD TIME』。」

Jay回顧2023年，當中出道11年首登紅館最感動！

派台成績理想，Jay Fung直言對年底多個樂壇頒獎禮有所期待：「期待一定有嘅，始終每首歌都係好多人同我一齊製作嘅心血。但係其實邊個拎獎我都覺得開心，大家都為香港樂壇做好多好歌。每次去頒獎禮我都當去party，let’s have fun！」

Jay派台成績理想，直言對年底多個樂壇頒獎禮都有所期待。

同場組合per se表示：「過往兩、三年，因為疫情，所以無機會外出同咁多人一齊過，今次係疫情後第一年再搞返咁大型嘅慶祝活動，所以嚟到同現場咁多人慶祝平安夜，特別興奮同開心。」另外，per se今年製作的音樂企劃已經推出3首歌，並已計劃明年出大碟專輯，所以寄望2024年為樂迷帶來更多新曲作品。

per se指今次係疫情後第一年再搞返咁大型嘅慶祝活動，所以特別興奮同開心。

per se今年已推出3首歌，寄望2024年為樂迷帶來更多新曲作品。

音樂會吸引Fans和途人逾千人圍觀！

「寰亞音樂」其中兩位唱將，馮允謙（Jay）和陳健安（安仔），一同在12月12日推出個人專輯，日前他們更一同在尖沙咀星光大道梳士巴利花園活動平台舉行「Jay Fung x On Chan MUSIC NIGHT AT THE HARBOUR」音樂會，他們的家人、新碟歌曲班底、音樂人朋友等捧場。在四面台上演出，Fans和途人逾千人圍觀，反應非常熱烈，他們即興encore，全場尖叫歡呼。

Jay和安仔一同舉行「Jay Fung x On Chan MUSIC NIGHT AT THE HARBOUR」音樂會，師妹Me&擔任表演嘉賓。

音樂會由Me&的黃淑蔓（Feanna）和連家穎（Vian）打頭陣，演唱充滿聖誕氣氛的新歌《Me& My Christmas Town》，雖然當日是入冬最寒冷晚上，室外只有13度又大風，但她們穿著短裙大曬長腿跳唱，全場氣溫急升。接著Jay和安仔出場，合唱安仔新碟內作品《我違和但我不糾正》 。

音樂會由Me&打頭陣。

演唱充滿聖誕氣氛的新歌《Me& My Christmas Town》。

Jay和安仔接著出場，並合唱安仔新碟內作品《我違和但我不糾正》 。

之後安仔獨唱《戀愛腦之死》和《我很不愛你》後，安仔分享了兩個故事：「早幾年有一個朋友因病離開咗，佢臨走前一晚，叫晒啲朋友去醫院見佢，佢每一眼都好用力，好好記住每一個人。我亦諗起第二個朋友，早前佢有一位好親、好愛嘅人離世，佢覺得生無可戀，甚至乎諗過自己都離開呢個世界。我呢首歌係想送畀我現世嘅朋友，希望當你有啲諗唔開嘅時候，好似歌詞所講，每個人心入面都有美好嘅嘢，值得我哋留喺現世，就好似『象牙白』呢隻顏色，就算褪色仍然優雅。」然後他唱出新歌《心裡尚有象牙白》和《當我們返回現世》。

安仔之後獨唱《戀愛腦之死》和《我很不愛你》。

又分享了兩個故事。

接著Jay出場，一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲，台下Fans熱情揮動燈牌和歡呼。安仔再度上台，Jay表示當年參加歌唱比賽時，安仔以C AllStar身份擔任表演嘉賓，他記憶猶新。原定二人合唱《遠在眼前》後完騷，但Fans反應太熱烈，狂嗌encore，Jay和安仔即興拉埋捧場睇騷的音樂人，分別唱出《在最好的時間做最好的你》和《在錯誤的宇宙尋找愛》，音樂會圓滿結束。

接著Jay出場。

並一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲。

音樂會後，Jay和安仔都表示非常喜歡戶外表演，安仔說：「見到好多人圍觀好熱鬧，唱歌嘅時候仲見到有船駛過，感覺好特別。」Jay透露唱歌時吸了一口冷風後咳嗽，狂飲水舒緩。Jay帶著新碟《EMO》，安仔亦帶著新碟《PROJECT REJECT》，互相向對方介紹自己新碟的特別包裝設計。Jay說：「你可以轉動旁邊呢個位置，咁封面嘅顏色就會變，代表唔同嘅情緒！」百厭的安仔立即來回狂轉動，笑言：「嘩，情緒波動呀！」而安仔就向Jay講解要撕爛其包裝才可取出唱片，寓意打破既有思想。Jay一邊撕開一邊笑說：「搣爛晒，我好心痛呀！」

安仔、Jay

而表演嘉賓Me&的Vian說：「我第一次喺耳機聽到Jay和安仔唱歌，感覺好神奇，好好聽。」Feanna說：「我覺得最神奇係聽到你唱歌，進步咗好多。其實每次上台表演前我都特別緊張，但你好淡定，幫咗我好多。」她們表示相隔一年，Me&再有新歌表演非常開心，希望有更多表演機會。Vian自爆出場前一邊耳機臨時故障，被Feanna取笑是「機器之鬼」。

全場大合照。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。