直播靈接觸丨直擊觀眾長洲拍得疑似靈體片段 梁思浩難忘台灣華國戲院親身靈異經歷

「白色」物體在鏡頭前高速走動！

由梁思浩、黃紫恩（Jojo）及黃耀英主持，TVB Plus（82台）開台重頭戲及首個靈異直播一小時節目《直播靈接觸》，逢周一晚9點半及周二晚9點35分播映。每集除有各門各派玄學大師坐陣、跟觀眾互動解答靈異疑難之餘，還會邀請有份量藝人亮相，分享他們的靈異經歷。

左起：林以諾、陳理一、梁思浩

林以諾

陳理一

梁思浩

昨晚（10日）播出的第十五集主題是「驅鬼」，邀來中西驅鬼代表陳理一道長及林以諾牧師分享。 身為基督教牧師的林以諾，認為「鬼」並非由人變成，並謂有方法可分辨真偽天使：「驅鬼前要判斷係鬼定天使，因為係有魔鬼扮嘅天使，靈界都有騙案。」談到驅鬼進程，林牧師坦言要先為「疑似被鬼附身者」進行面試、以便判斷對方是精神問題、生病、藥物影響，還是真的被鬼附身。談到驅魔經驗，林牧師雖一再強調並不Dramatic，但詳情還是相當震撼：「個案係一位大概90零磅嘅女仔，我哋四個男仔（弟兄）撳住佢都畀佢揈甩；佢可以跳到十二、三呎高，然後可以好似動物咁大嗌、又會變聲變樣，同埋會用指甲刮地，又會嘔啲嘢出嚟、係有顏色嘅。」林牧師續指「仇恨」是會吸引魔鬼的：「呢個個案驅咗好耐，佢細個畀人性侵過，性侵佢嗰個係親人嚟，個女仔係充滿恨意嘅，但當一個人充滿恨，就好易畀魔鬼停留喺裏面。當我哋幫呢個女仔驅完鬼，都需要長時間輔導番佢，要佢學習放低個恨，畢竟被性侵過傷害好大。」

中式驅鬼儀式片段

中式驅鬼儀式片段

西式驅鬼儀式片段

西式驅鬼儀式片段

至於Jojo師傅陳道長，則分享了中式驅鬼儀式常用的法器，當中包括用作打鬼的敲鬼棒、保護驅鬼人的火葫蘆，以及傳說中的 桃木劍。陳道長解釋其實他們主要是驅鬼不是殺鬼：「呢把劍唔係用嚟斬鬼，我哋殺一鬼損一德。如果有人鬼上身，我哋先會同隻鬼講數，如果佢唔屈服，我哋最後冇計就會用呢個（桃木劍）喺佢身上寫啲符咒，再斬幾吓隻鬼就會走出嚟，嗰個被鬼上身嘅人就會醒番。」陳道長又謂平時會透過修練、食符及念經等增加正能量磁場、以增強法力。製作組另外還為觀眾及網民搜羅了中西驅鬼儀式的相關片段。

陳理一分享驅鬼法器。

陳理一分享驅鬼法器。

係桃木劍。

陳理一分享驅鬼法器。

林以諾分享驅鬼經歷。

昨晚節目最「驚嚇」的，是有觀眾提供在長洲拍得的靈異片段，片段所見，一團白色類似鬼火的物體，在鏡頭面前不斷東奔西走，經過思浩及嘉賓分析，眾人認為影片拍下了一個半透明的疑似靈體，相關靈體拿著白色紙四處走動、才造成「白色鬼火」的錯覺。林牧師及陳道長均指出假若影片沒有被做過任何手腳，觀眾拍下靈體的可能性相當高。談到疑似拍到靈體，思浩亦有分享一個在台灣拍攝節目時遇到的靈異事件：「有次去台灣桃園嘅華國戲院，我跟個攝影師上樓梯，我突然覺得鏡頭攞走咗，個攝影師就話好似有啲嘢，跟住再拍第二嘢就影到個小朋友企喺我隔籬。」另昨晚還有觀眾Phone In 分享女友疑似鬼上身的靈異經歷，最後靠一塊「佛牌」成功解除危機。

觀眾提供疑似拍得靈體片段。

觀眾提供疑似拍得靈體片段。

至於今晚播出的第十六集絕對不容錯過，製作組邀請了九十年代男神、已超過20年未有現身無綫節目的鄧浩光分享靈異經歷，同場還有以說話精彩、見聞廣博見稱的「泰國通」Roger（胡慧冲）現身分享泰國鬼故，萬勿錯過。

思浩重提當年在台灣拍攝節目的靈異經歷。

思浩重提當年在台灣拍攝節目的靈異經歷。

思浩重提當年在台灣拍攝節目的靈異經歷。

江美儀屬於靈異體質，不時有「朋友仔」會找她幫忙！

由梁思浩、黃紫恩（Jojo）及黃耀英主持，TVB Plus（82台）開台重頭戲及首個靈異直播一小時節目《直播靈接觸》，昨晚（25日）一集邀來視后江美儀和《通靈之王》第一季冠軍「裸泳」羅泳嫻擔任嘉賓。思浩與美儀相識多年，思浩笑言第一次見到美儀時以為她被鬼上身，他說：「以前友台拍劇係喺清水灣製片廠拍攝，化妝間同廁所都好陰森，當時我同陳煒拍緊另外一套劇，夜晚點幾鐘我入到化妝間，喺最尾嗰度見到有個人喊，我話唔係咁猛嘛？我行近啲睇，佢仲喺度抽搐喊緊，之後聽到有呼吸聲，即係係人嚟啦，之後佢擰個頭埋嚟，個妝又白又有啲燈打落去，我即刻嘩咗一聲！我出於關心問吓佢咩事，原來佢嗰時情緒麻麻，自此我哋成為咗朋友。」美儀姐則笑言忘記了這件事。

呢集有江美儀（下排左3）同埋裸泳（下排左2）擔任嘉賓。

裸泳（左起）、江美儀、梁思浩。

江美儀

裸泳

美儀姐屬於靈異體質，不時有「朋友仔」會找她幫忙，她說：「都係報夢多，姑媽喺我幾歲時已經走咗，佢走咗冇幾耐，我發夢見到佢，佢同我講嗰邊生活係點。」美儀姐透露已過世的爺爺和叔叔亦都有報夢找過她。美儀再透露一個靈異經歷，她說：「我以前學畫畫，識咗個朋友C太太，佢因為丈夫過咗身，所以嚟學畫畫，識咗佢之後做咗好好朋友，有次去佢屋企食飯，先知佢先生原來走咗。」直到C太太的細仔結婚，美儀姐竟發夢見到素未謀面的C先生，原來C先生想拜託她做一件事，她說：「佢話有份禮物想送畀個仔，但佢話唔係畀結婚嗰個仔，而係大仔，之後我見到一道牆櫃有好多衫，下低擺咗個矮櫃，入面有一個雞同龍嘅筆，佢話想送畀個仔。」翌日睡醒後，美儀姐即時打電話給C太太告知這件事，C太太真的在床頭櫃找到一個雕有龍和雞的玉牌，之後將玉牌送給大仔，美儀姐說：「之後我買花去拜C先生，同佢講番已經幫咗佢完成心願，夜晚瞓覺又見到C先生，佢同我講唔該晒。」

兩位嘉賓同黑白無常湯之欣、黃瀅仴密密斟。

思浩重演第一次見美儀姐嘅情況，場面搞笑。

思浩重演第一次見美儀姐嘅情況，場面搞笑。

裸泳以自己設計的塔羅牌測出美儀姐的前世今生，裸泳依牌直說：「你前世做過有錢人，做過幫窮人嘅人，亦都做過容易同人爭執嘅人，你對上一世有可能第二次世界大戰過身嘅人。」美儀姐聞言即時點頭，原來有師傅講過同一番說話，美儀姐再露出頸上的胎記，師傅說胎記位置便是美儀姐前世受致命傷的地方！裸泳續說：「你二戰時捱餓都會犧牲自己去幫人，呢樣好加分，所以你今世生得靚同埋名成利就，你今世嘅任務係淡薄名利。因為你任務係淡薄名利，所以（個天）更加畀你，你依家隨住年齡增長，你會愈追求平和嘅感覺，但係工作就咁追住嚟畀你，所以你唔使擔心冇嘢做！」其中一張牌是「歡慶牌」，該牌與修行念經有關，事有湊巧原來美儀姐正在修行地藏經，裸泳說：「你愈修行智慧就愈高，所以好多靈體會搵你幫手，因為佢哋唔知點做，搵你靈體有一種特點，就係比較執着唔識走。」

裸泳測出美儀前世死於二戰，美儀姐晒出胎記話有師傅講過呢個就係前世致命傷嘅位置。

裸泳測出美儀前世死於二戰，美儀姐晒出胎記話有師傅講過呢個就係前世致命傷嘅位置。

節目尾聲，家庭觀眾Sandy Phone In求助，她指亡母頭七期間受靈體騷擾，更差點被該靈體侵犯，裸泳隔空為Sandy抽塔羅牌後說：「有機會係你以前男朋友或者識嘅人過咗身，因為你有白事變得好弱，所以想嚟搞你，係你媽咪幫咗你，但係依家你媽咪都求救，因為佢喺度頂住變得好弱，嗰隻嘢就等緊你媽咪走再返嚟，呢個個案係要處理！」由於直播時長關係，裸泳節目後透過視像為Sandy化解危機，據知期間發生一件靈異事件，下周一集中將會播出！

美儀姐依家修行緊地藏經。

美儀姐依家修行緊地藏經。

家庭觀眾Sandy Phone In求助。