沙田新城市廣場驚現「屎路一條」，一名店門外出現了一條長達3至4米、疑似大便的物體，有人嘩然，有人籲體諒。
FB圖片
沙田新城市廣場驚現「屎路一條」
有網民於Facebook群組「大埔 TAI PO」上傳多張照片，表示「尋失主？猜猜佢是誰？」顯示沙田新城市廣場一間時裝名店門外的地上，離奇出現了一條疑似大便的深啡色物體，該「糞路」更長達3至4米，非常嘔心。當時一名戴口罩的清潔工人準備了毛巾、地拖正在清理，表情相當無奈。
FB圖片
網民大罵「離譜！」
帖文引熱議，不少網民譴責隨處大便的行為「你XX!一睇到個post即刻連續打咗兩次乞嗤⋯好x臭呀！」、「痴x線！點解可以屙到咁？！」、「轉角咪有廁所囉！！！」、「清潔人員好慘呀⋯」、「只有動物先至會有嘅行為」、「係咁大間店前留金，貪有cctv影住？」、「好想知點樣做得出？香港好多人都唔睇路」、「喺人哋店門口屙屎，真缺德！」
FB圖片
網民盼體諒「年紀大可能真係控制唔到」
有人則籲多體諒「我曾經係大埔超市都見過，是一個老人家失禁，係好臭，但大家都好體量（諒）⋯年紀大可能真係控制唔到」、「咁既色，個胃有事呀」、「有頭髮邊個想做癩痢啊，可能真係忍唔到呢」。
FB圖片
帖文來源：Facebook群組「大埔 TAI PO」
有港女搭的士全程與司機談笑風生，由上車傾偈傾到落車，更透露自己月入4萬，但最後竟出大招走數。網民笑：「中美人計！」
港女搭的士 與司機「上車傾到落車」
有網民於Facebook群組「車cam L（香港群組）」上載一段影片，影片顯示，一名長髮港女坐在的士後座，她將身體傾前，雙手攬住副駕駛座的椅背，不斷地撩司機傾偈，非常健談。言談間，她透露自己家中排行第三，有兩個哥哥。又稱抽中長沙灣麗翠苑300多萬元居屋單位給父母住，雖然從事美容行業，月入有四萬元，但每月要付二萬元供樓及一萬元家用，每月所淨無幾。
FB影片截圖
港女稱「跌咗張100蚊」借故「走數」
過程中，司機亦不斷回應港女，讚她孝順又安慰指她好幸福，二人言談甚歡。到達目的地後，車資顯示為30.8元，港女遞上8元後表示「跌咗張100蚊」，需要去附近的櫃員機㩒錢找數。司機疑惑地問：「唔係啊嘛，我點信妳啊？」港女隨即打開車門，要求司機在原地等她，並強調前面有櫃員機。不過，港女下車後便失去蹤影，最終並未回來支付車資，司機無奈地爆粗發泄，影片就此結束。
FB影片截圖
網民嘲：中美人計！
影片引熱議，不少網民嘲諷司機中美人計「司機仲以為自己好靚仔有女撩，點知誤中美人計」、「有女傾計，失哂魂，抵死」、「只要有gap，就肯放人去㩒錢，如果係男，肯肯定lock門發爛喳報警」、「同你傾2句就鬆毛鬆翼，抵x死」、「條女同你傾咗咁耐，抵啦」、「我對口水多過浪花嘅女人係好有戒心」。
FB影片截圖
有人亦鬧爆港女「慣犯女老千！」、「走數咁厚面皮」、「咁鬼cheap，廿幾蚊都呃？！」、「供樓喎，供到冇哂錢搭車 ，行路啦乞衣！」、「好心無錢就吾好搭的士啦，攪到比人放上網，醜死鬼囉」、「走數果個就真係狗喇⋯開口埋口講廢話」。
FB影片截圖
帖文來源：Facebook群組「車cam L（香港群組）」
