早前一隻老鼠勇闖深水埗港鐵站，卻被扶手電梯夾親條尾，被困電梯口動彈不得，而落電梯的市民見狀都小心翼翼避過，不過就無人對牠伸出援手。
FB影片截圖
米奇誤闖地鐵站扶手電梯尾慘被夾
有網友以「隻米奇好似夾住咗喺扶手電梯」為題，在Facebook群組上轉載相關影片，只見一隻老鼠慘被扶手電梯夾親條尾以致動彈不得，雖然牠屢次嘗試爭脫，但都不成功。片中聽到有人說「夾住條尾走唔甩」、「哈，點會走咗嚟呢度嘅？」。而此時使用扶手電梯市民眾多，個個見到都快步避開，但反應還算冷靜，不過其中一位市民似是不慎踢到老鼠。
FB影片截圖
網民同情怒批拍攝者「見鼠不救」
片段激起了不少網民的同情心，他們紛紛指老鼠被夾好可憐，「陰功。夾住條尾，要搵職員幫手囉」，老鼠「一定好痛」、「雖然老鼠好乞人憎，但都係生命」、「老鼠係唔應該救，但唔係畀佢死得咁辛苦囉」、「雖然我唔鍾意佢，但見到佢咁好不安」等。更有網民批評「見鼠不救」，怒問「影相嘅人點解唔救佢，停電梯，在那個站？」、「等人講：拍攝者不救」、「點解咁樣影都唔找職員暫停個扶手電梯呢？」。
FB影片截圖
停電梯反而易出意外網民不建議
不過有網民就回應有關提議指「停電梯會令人仆倒」、「其實未必係人哋唔想救，而係有咁多人好難立即停電梯，因為如果有人冇捉扶手跌倒，甚至跌落去會更麻煩，所以需要先封閉入口，等上咗電梯嘅人走完，先有辦法停電梯，唔係到時又係畀人話……」。
FB影片截圖
網民擔心電梯夾到異物容易炒
網民都以安全角度提醒「夾到異物，電梯會壞，人命尤關」、「 唔係講笑，一直攝住會有機會撞爛梯級」、「好容易炒電梯，應該停咗佢安全啲」。有網民就建議如再發生同樣情況時，「如唔緊急嘅，跑返落去攔人，清晒人再按掣煞停，再叫職員處理，或直接叫職員處理；緊急嘅，向下大叫要煞停扶手梯叫人捉實扶手再拍掣」。
FB影片截圖
