有網民拍攝到一名男子於荔枝角行人路上向駛經的巴士車底拋膠樽，行徑荒誕遭人鬧爆「害死人」，有網民則猜測可能是智障兒或有精神問題。
男子向巴士車底拋膠樽
該網民於Facebook群組「車cam L（香港群組）」上載一段影片，事發地點為荔枝角長沙灣道，影片顯示一名身穿黑色外套、背著背囊的男子在行人路上彎著腰，瞄準駛過的巴士車底拋膠樽，膠樽被車胎輾過後反彈回到行人路。男子隨即又撿起膠樽，再次扔向另一輛巴士車底，這次膠樽沒有反彈，影片至此結束。
FB影片截圖
影片曝光後，有網民笑言「巴膠試車，你識條鐵咩」、「物理測試，可能系少年湯村教授」、「以前啲阿婆執汽水罐，成日都見」、「壓唔扁架，唔信用個頭試下」。
網民指責「想害死人呀！」
不過，有人亦批評男子的行為嚴重影響道路安全，有可能造成交通意外「想害死人呀！干擾汽車罪！」、「食環首先罰＄3000然後警察告影響安全道路」、「如果佢令到巴士出意外，刑事民事有排受」、「其實呢條細路已經犯咗法拉上法庭監都有得坐冇得守行為，原因巴士行駛途中佢整舊石頭落去如果巴士爆軚就會失控，分分鐘傷亡慘重」、「叫警察，影響道路安全」。
FB影片截圖
也網民認為拍片者應勸阻
有網民認為拍片者應立即制止該男子「點解冇人阻止佢呢？」、「咁都唔上前x佢？」、「拍片者毋須等佢再掟第二次，見此動作應即時勸止佢，因此行為危害乘客和其他道路使用人仕，包括佢自己，制止罪行其實係每個市民都有責任」，亦有網民猜測男子可能是智障兒或有精神問題。
FB影片截圖
FB影片截圖
帖文來源：Facebook群組「車cam L（香港群組）」
有港女搭的士全程與司機談笑風生，由上車傾偈傾到落車，更透露自己月入4萬，但最後竟出大招走數。網民笑：「中美人計！」
港女搭的士 與司機「上車傾到落車」
有網民於Facebook群組「車cam L（香港群組）」上載一段影片，影片顯示，一名長髮港女坐在的士後座，她將身體傾前，雙手攬住副駕駛座的椅背，不斷地撩司機傾偈，非常健談。言談間，她透露自己家中排行第三，有兩個哥哥。又稱抽中長沙灣麗翠苑300多萬元居屋單位給父母住，雖然從事美容行業，月入有四萬元，但每月要付二萬元供樓及一萬元家用，每月所淨無幾。
FB影片截圖
港女稱「跌咗張100蚊」借故「走數」
過程中，司機亦不斷回應港女，讚她孝順又安慰指她好幸福，二人言談甚歡。到達目的地後，車資顯示為30.8元，港女遞上8元後表示「跌咗張100蚊」，需要去附近的櫃員機㩒錢找數。司機疑惑地問：「唔係啊嘛，我點信妳啊？」港女隨即打開車門，要求司機在原地等她，並強調前面有櫃員機。不過，港女下車後便失去蹤影，最終並未回來支付車資，司機無奈地爆粗發泄，影片就此結束。
FB影片截圖
網民嘲：中美人計！
影片引熱議，不少網民嘲諷司機中美人計「司機仲以為自己好靚仔有女撩，點知誤中美人計」、「有女傾計，失哂魂，抵死」、「只要有gap，就肯放人去㩒錢，如果係男，肯肯定lock門發爛喳報警」、「同你傾2句就鬆毛鬆翼，抵x死」、「條女同你傾咗咁耐，抵啦」、「我對口水多過浪花嘅女人係好有戒心」。
FB影片截圖
有人亦鬧爆港女「慣犯女老千！」、「走數咁厚面皮」、「咁鬼cheap，廿幾蚊都呃？！」、「供樓喎，供到冇哂錢搭車 ，行路啦乞衣！」、「好心無錢就吾好搭的士啦，攪到比人放上網，醜死鬼囉」、「走數果個就真係狗喇⋯開口埋口講廢話」。
FB影片截圖
帖文來源：Facebook群組「車cam L（香港群組）」
