大角咀街坊搭九巴時,遇到一名阿伯在車廂內淋潑奶茶,多名乘客慘被殃及,她即向車長投訴,豈料對方的回應令她更嬲。
![FB圖片](https://image.bastillepost.com/525x/wp-content/uploads/hongkong/2024/06/20240618_CR_source-web_milktea.jpeg.webp)
FB圖片
阿伯搭九巴向乘客淋奶茶
該街坊於facebook群組「我長於大角咀重生版」發文,表示日前到醫院覆診後,乘坐九巴2E路線回家,因為腳部受傷,她只能選擇坐在車廂下層。當巴士行駛一會兒後,她感到「被一些液體從後方潑到」,全車嘩然有人淋潑奶茶之際,她目睹「一個阿伯同一個師奶拉拉扯扯,然後個師奶急衝落車,原來阿伯就係潑液體的人!」
![FB圖片](https://image.bastillepost.com/525x/wp-content/uploads/hongkong/2024/06/20240618_CR_source-web_milktea2.jpeg.webp)
FB圖片
多名乘客遭殃 阿伯「仲鬧返乘客轉頭」
除了樓主外,有多名乘客都被奶茶潑到,有人甚至被潑到成身濕透「巴士亦都潑到周圍都係」。乘客們紛紛鬧爆阿伯「有人開始鬧阿伯點解要潑奶茶」,但他卻毫無悔意「仲鬧返乘客轉頭,仲好串咁!」
![FB圖片](https://image.bastillepost.com/525x/wp-content/uploads/hongkong/2024/06/20240618_CR_source-web_milktea3.jpeg.webp)
FB圖片
乘客投訴 車長話「乜都見唔到」
由於車廂一遍混亂,乘客怨聲載道,樓主於是上前向車長反映事件,豈料對方竟回應「我乜都見唔到」。樓主非常不滿,開始拿出手機影相,拍下車廂情況及車長資料,對方見狀即指責樓主侵犯其私隱權,要求她刪相,樓主怒斥「點解司機淨係識欺負女人,但對住阿伯就話乜都睇唔到?」
樓主亦有嘗試打電話報警,但「警方話全車的人都唔可以離開」,為免耽誤其他乘客,她無奈收線,放棄報警,改由在社交平台公審。
![FB圖片](https://image.bastillepost.com/525x/wp-content/uploads/hongkong/2024/06/20240618_CR_source-web_milktea4.jpeg.webp)
FB圖片
網民促向九巴投訴
帖文一出,不少網民提議樓主向九巴投訴「香港冇肖像權,去九巴投訴司機,有冇影低車牌司機資料?」、「睇唔到唔係理由,佢揸緊車睇到反而出奇,乘客需要協助司機責無旁貸,反正受傷應該返唔到工住,一於投訴佢,最憎呢啲欺善怕惡嘅人」、「可以打返九巴客戶服務熱線投訴,車廂內有CCTV, 九巴會睇返當時情況」。
![FB圖片](https://image.bastillepost.com/525x/wp-content/uploads/hongkong/2024/06/20240618_CR_source-web_milktea5.jpeg.webp)
FB圖片
後續:九巴回覆致歉
樓主表示有影低車長資料,於是透過電郵向九巴公司投訴。事後,她收到九巴回覆表示已提醒車長要在突發事故中,應作出適當應變及安排,亦會留意車長的服務表現。並就事件帶來的不便,向樓主致歉。
![FB圖片](https://image.bastillepost.com/933x/wp-content/uploads/hongkong/2024/06/20240618_CR_source-web_milktea6.jpeg.webp)
FB圖片
帖文來源:facebook群組「我長於大角咀重生版」