旺角街頭有兩男爆發衝突,其中一人的女友不單以人肉護航,更不斷揞住男友把口,阻止衝突升級,獲網民讚「娶得過」。
兩男於旺角起爭執 女子人肉擋男友
有網民於Facebook群組「大埔TAI PO」上載一段影片,事發地點為旺角弼街,影片顯示一對情侶疑不小心撞到身穿白色背心的男子與其女伴。背心男情緒激動聲稱「你條女摸我」,並不斷爆粗指罵男子,男子亦不甘示弱反擊,其戴帽的女朋友見狀,立刻站出來,用肉身擋住男友,不讓他與背心男發生肢體衝突,並向對方道歉,希望能平息事件。
女子揞住男友把口「BB冷靜啲!」
不過,背心男得勢不饒人繼續挑釁,要求翻查附近的CCTV,並堅持要報警處理,稱要「玩大佢」。背心男的女伴則在旁打電話報警。而男子亦變得更激動,其女友於是用手捂住男友的嘴,不讓他還口,並不斷勸男友冷靜「BB冷靜啲!」,試圖避免衝突升級。當時亦有不少途人圍觀。
網民大讚「娶得過」
影片引熱議,不少網民讚賞女子挺身而出、阻止衝突的行為「呢啲女真係娶得過」、「條女真心為條仔好」、「有個咁嘅女朋友要珍惜佢...」、「識到呢條女,條仔真係執到啦」、「比個讚個女仔」、「條女好嘢,respect」,也有人表示「分手啦。你值得搵個更好,條仔又衝動又失理智又扮勁」。
也有網民嫌女子「阻住晒」、「男人打交女人唔好理」
不過,亦有網民認男人打交時女人最好不要插手「我幾驚條仔會兜巴星條女,吵緊交,頂!你掩乜x,係咪要企定定比人指住個頭黎鬧先得!」、「如果對面出手果陣條女會累到條仔還唔到拖」、「呢啲咁嘅情況真係好x憎個女友或者老婆係側邊拉住」、「條女扯走個男朋友就算啦!做埋啲多餘嘢,咁樣個男人會更加㷫」、「條女真係阻x住曬」
女伴報警將「弼街」講成「粥街」引熱議
有人更是突破盲腸「我有冇聽錯,廢佬條女報警,同差佬講,佢起 『粥街』 ,差佬永遠都嚟唔到,因為呢條街係叫 『弼街』」、「頂,係香港出世到而家,我都唔知有條街叫粥街」、「『粥街』搵唔到架喎」。
帖文來源:Facebook群組「大埔TAI PO」