愈嚟愈有星味！
MIRROR之中最唱得的柳應廷（Jer），近日接二連三傳來好消息，除了憑《阿媽有咗第二個》角逐香港電影金像獎「最佳新演員」，另一方面又再做老闆，開樹木主題cafe。
點擊看圖輯
喜歡看卡通片的Jer，以前的英文名叫Peter，而岩岩巉巉的髮型，則出自柳媽媽之手。
BB時期的他握緊拳頭飲奶，當時樣子未生定，長大後就愈來愈似柳媽媽。
他見到胞姊坐三輪車，自己無份玩，即一臉慘情，似向大人求救。
坐學行車的他，口擘擘，雙腿肥美，人見人愛，相信任何姨姨都想抱抱。
大約十年前，Jer（右二）面尖尖又青靚白淨，名副其實是小鮮肉一名。
參加《全民造星》時，他梳了中間分界襯粗框眼鏡，肉緊唱歌，唱到額頭上的火車軌都現形。
日前他染金髮出席MIRROR活動，將一邊頭髮翹耳仔，令臉形顯得更加圓碌碌。
喜歡看卡通片的Jer，以前的英文名叫Peter，而岩岩巉巉的髮型，則出自柳媽媽之手。
BB時期的他握緊拳頭飲奶，當時樣子未生定，長大後就愈來愈似柳媽媽。
他見到胞姊坐三輪車，自己無份玩，即一臉慘情，似向大人求救。
坐學行車的他，口擘擘，雙腿肥美，人見人愛，相信任何姨姨都想抱抱。
三十歲的Jer，入行前都經歷過事業低谷。他初期在街頭busking收入有限，其後轉做記者，直至一八年，他決定盡地一煲裸辭，參加《全民造星》追夢。好彩他最終獲睇中加入MIRROR，即使單飛出歌，一樣可掃走新人獎。
大約十年前，Jer（右二）面尖尖又青靚白淨，名副其實是小鮮肉一名。
參加《全民造星》時，他梳了中間分界襯粗框眼鏡，肉緊唱歌，唱到額頭上的火車軌都現形。
日前他染金髮出席MIRROR活動，將一邊頭髮翹耳仔，令臉形顯得更加圓碌碌。
柳應廷
Jer為了呈現光怪陸離的畫面，透露兩個造型及化妝令觀眾更容易代入角色。
柳應廷（Jer）新歌《約齊靈魂在墳墓開生日派對》，從歌名到歌詞內容到編曲都怪誕到底，予人離奇怪異的感覺，而歌曲MV同樣貫徹這種感覺，Jer在MV中更化身惡夢中的怪人，在夢中控制眾人的一舉一動。
Jer新歌《約齊靈魂在墳墓開生日派對》MV公開。
觀看相關影片按連結：https://youtu.be/LwEACnpKIp8
《約齊靈魂在墳墓開生日派對》的MV是《筆觸男孩憂鬱之死》MV的延續，在經歷死亡之後，Jer今次在MV中重生，慶祝自己再次誕生於這個世界上，但卻化身在惡夢中大家會夢見的怪人。Jer特別介紹MV概念，「我同導演想喺MV建構一個奇怪氛圍，因為發夢通常都會發啲奇怪內容，所以今次MV裡面就有婆婆從口中拎出蛋糕，冇靈魂學生喺夢中被指揮跳舞，仲有扭曲肢體嘅舞者，同埋互相掌摑嘅新婚夫婦，所有人嘅行徑都荒誕至極。」不過更荒誕的是，Jer是在背後控制眾人舉動的怪人！
Jer在MV中重生，慶祝自己再次誕生於這個世界上。
並化身在惡夢中大家會夢見的怪人。
為了呈現光怪陸離的畫面，Jer的角色更在MV中出現了兩個造型，透過化妝令觀眾更容易代入角色。Jer介紹：「其中一個係畫咗紅色牛角喺臉上面，因為Drum Solo一Part好襯著日式服裝，然後我突然諗起一個喺網上見過嘅造型，係好似牛魔王；以前好似冇乜人試過扮牛魔王，咁我就用咗呢個造型，放喺比較Powerful嘅呢一Part，啲衫係比較似打日式太鼓戰衣嘅感覺。」
Jer在MV中出現了兩個造型。
其中一個是畫了紅色牛角喺臉上面。
至於另一個造型，去得更盡，Jer表示：「呢個角色係今次呢個MV嘅主線，亦即惡夢嘅本身，所以另一個造型係著住藍色西裝褸，褸上面印有骷髏骨，胸口扣咗一個有血有肉嘅心臟小裝飾，頸上面仲有一隻好得意嘅銀色道具手掛喺度，表達喺惡夢入面好似被人捏住條頸唞唔到氣嘅感覺。雙眼噴黑，雙手亦噴上銀色，指甲亦十分長，仲戴咗全白色嘅隱形眼鏡。兩個造型都唔係一個好樸素嘅Jer，而係以特技化妝示人，想俾大家可以代入到呢首歌嘅故事。」拍攝當日，Jer更要於專賣帛事花圈的花店拍攝，配上這個怪異造型，現場也瀰漫著陣陣陰森恐怖感。
另一個藍色西裝褸造型是MV的主線，即惡夢的本身。
Jer透露MV於專賣帛事花圈的花店拍攝，配上這個怪異造型，現場瀰漫著陣陣陰森恐怖感。
為了兩個造型，Jer與團隊花上很多時間化妝，再加上今次是以倒拍形式，令眾人的肢體動作都變得奇奇怪怪，脫離現實，而Jer更要倒轉背誦歌詞，所以拍攝過程變得十分漫長，Jer更經歷了24小時的拍攝。除此之外，造型也為Jer帶來不便，他解釋道：「長指甲好唔方便，又唔可以食嘢，又唔可以去廁所，但出嚟效果幾得意。」
Jer直指造型的長指甲為他帶來不便。
今次《約齊靈魂在墳墓開生日派對》延續了《筆觸男孩憂鬱之死》的MV故事概念，Jer透露，之後再推出的第三首歌，同樣怪異！Jer說：「加埋之後第三首歌，就變成一個奇幻系列，整個系列係比較超現實，想像空間亦多啲，等大家可以睇到一個Jer腦海裡面嘅世界。」
Jer透露之後再推出的第三首歌同樣怪異！
