Jer為了呈現光怪陸離的畫面,透露兩個造型及化妝令觀眾更容易代入角色。
柳應廷(Jer)新歌《約齊靈魂在墳墓開生日派對》,從歌名到歌詞內容到編曲都怪誕到底,予人離奇怪異的感覺,而歌曲MV同樣貫徹這種感覺,Jer在MV中更化身惡夢中的怪人,在夢中控制眾人的一舉一動。
點擊看圖輯
Jer在MV中重生,慶祝自己再次誕生於這個世界上。
Jer透露MV於專賣帛事花圈的花店拍攝,配上這個怪異造型,現場瀰漫著陣陣陰森恐怖感。
Jer新歌《約齊靈魂在墳墓開生日派對》MV公開。
VIDEO
觀看相關影片按連結:https://youtu.be/LwEACnpKIp8
《約齊靈魂在墳墓開生日派對》的MV是《筆觸男孩憂鬱之死》MV的延續,在經歷死亡之後,Jer今次在MV中重生,慶祝自己再次誕生於這個世界上,但卻化身在惡夢中大家會夢見的怪人。Jer特別介紹MV概念,「我同導演想喺MV建構一個奇怪氛圍,因為發夢通常都會發啲奇怪內容,所以今次MV裡面就有婆婆從口中拎出蛋糕,冇靈魂學生喺夢中被指揮跳舞,仲有扭曲肢體嘅舞者,同埋互相掌摑嘅新婚夫婦,所有人嘅行徑都荒誕至極。」不過更荒誕的是,Jer是在背後控制眾人舉動的怪人!
Jer在MV中重生,慶祝自己再次誕生於這個世界上。
並化身在惡夢中大家會夢見的怪人。
為了呈現光怪陸離的畫面,Jer的角色更在MV中出現了兩個造型,透過化妝令觀眾更容易代入角色。Jer介紹:「其中一個係畫咗紅色牛角喺臉上面,因為Drum Solo一Part好襯著日式服裝,然後我突然諗起一個喺網上見過嘅造型,係好似牛魔王;以前好似冇乜人試過扮牛魔王,咁我就用咗呢個造型,放喺比較Powerful嘅呢一Part,啲衫係比較似打日式太鼓戰衣嘅感覺。」
Jer在MV中出現了兩個造型。
其中一個是畫了紅色牛角喺臉上面。
至於另一個造型,去得更盡,Jer表示:「呢個角色係今次呢個MV嘅主線,亦即惡夢嘅本身,所以另一個造型係著住藍色西裝褸,褸上面印有骷髏骨,胸口扣咗一個有血有肉嘅心臟小裝飾,頸上面仲有一隻好得意嘅銀色道具手掛喺度,表達喺惡夢入面好似被人捏住條頸唞唔到氣嘅感覺。雙眼噴黑,雙手亦噴上銀色,指甲亦十分長,仲戴咗全白色嘅隱形眼鏡。兩個造型都唔係一個好樸素嘅Jer,而係以特技化妝示人,想俾大家可以代入到呢首歌嘅故事。」拍攝當日,Jer更要於專賣帛事花圈的花店拍攝,配上這個怪異造型,現場也瀰漫著陣陣陰森恐怖感。
另一個藍色西裝褸造型是MV的主線,即惡夢的本身。
Jer透露MV於專賣帛事花圈的花店拍攝,配上這個怪異造型,現場瀰漫著陣陣陰森恐怖感。
為了兩個造型,Jer與團隊花上很多時間化妝,再加上今次是以倒拍形式,令眾人的肢體動作都變得奇奇怪怪,脫離現實,而Jer更要倒轉背誦歌詞,所以拍攝過程變得十分漫長,Jer更經歷了24小時的拍攝。除此之外,造型也為Jer帶來不便,他解釋道:「長指甲好唔方便,又唔可以食嘢,又唔可以去廁所,但出嚟效果幾得意。」
Jer直指造型的長指甲為他帶來不便。
今次《約齊靈魂在墳墓開生日派對》延續了《筆觸男孩憂鬱之死》的MV故事概念,Jer透露,之後再推出的第三首歌,同樣怪異!Jer說:「加埋之後第三首歌,就變成一個奇幻系列,整個系列係比較超現實,想像空間亦多啲,等大家可以睇到一個Jer腦海裡面嘅世界。」
Jer透露之後再推出的第三首歌同樣怪異!
柳應廷Jer的《一首歌的時間》Project邀請來《約齊靈魂在墳墓開生日派對》的作曲人馮允謙Jay。
繼岑寧兒後,另一位在柳應廷Jer《一首歌的時間》Project登場的歌手,是其新歌《約齊靈魂在墳墓開生日派對》的作曲人馮允謙Jay,他除了今次與Jer一同演繹這首新歌外,他自己亦帶來新歌《在愛面前投降》,歌曲同樣難唱,結果二人在錄音室拍攝一Take過版本時,彷如上演一場高音比試挑戰。
馮允謙在Jer《一首歌的時間》Project登場。
Jay這次現身,親自解說了為Jer譜寫《約齊靈魂在墳墓開生日派對》鮮為人知的事情,Jay道:「3年前已經好想寫隻歌俾Jer,一直等,而家終於有機會。Jer一做起Send首歌俾我,我就有啲羨慕,有Carl叔叔編曲,將一啲唔同元素放咗落去,例如The Beatles,感覺好實驗性,再加上你嘅Vocal,令到隻歌真係Belong to you。」Jer聽到Jay所說的笑言:「但隻歌都係belong to you,因為係你作。其實一直好想搵Jay,因為佢嘅作品係超級出色,佢係一位好有實力男歌手,所以腦海本身設定Jay作俾我嘅歌一定係好難唱,結果我都用咗好大段時間去揣摩,加埋歌詞落去先至可以唱到個感覺。」
Jay直言3年前已經好想寫隻歌給Jer。
Jay又續道:「我公司聽完首歌問我,點解呢隻歌你自己唔Keep?就連花姐都問我點解唔Keep返俾自己,咁樣好易俾人呃,不過寫歌係一樣好Personal嘅嘢,同埋真係要聽到artist把聲喺我個腦裡面,呢首歌一諗就諗到你。」Jer回應表示:「我好用心去唱,因為聽旋律就知道真係會好好聽,所以真係要俾心機,唔可以得失你呢首歌。」
在演繹過《約齊靈魂在墳墓開生日派對》一Take過的版本後,Jay坦言:「真係好難唱,成日都問自己點解要寫啲咁難唱嘅歌,可能自己都要係旋律好聽,然後夾硬就俾Jer,因為都覺得其實佢都唱得到,俾佢唱啦!幾難都難唔到你啦!」Jer則分析道:「因為Jay Fung本身唱歌嘅Range都好闊,用自己把聲嘅Standard就會寫出嚟都係咁闊,所以同本身作曲人嘅Range有關,證明Jay都係一個好犀利嘅唱作歌手。」
二人合唱《約齊靈魂在墳墓開生日派對》。
除了《約齊靈魂在墳墓開生日派對》,今次Jay亦帶來自己的新歌《在愛面對投降》,原來同樣是高難度作品,Jay表示:「唔知點解我寫啲歌都係要咁高音咁難,我自己錄歌時喺錄音室唱過好多次,所以好知道有啲位我應該要點唱,例如邊度要用假音,邊度要抖氣,For Jer知道唔係好夠時間練,但都唱得好好。」Jer都分享了自己如何準備,「我用咗一個禮拜時間操熟首歌係咁聽,因為Jay啲歌喺Playlist都會聽到好熟,但呢首因為未出街,Prepare嘅時間唔係好多,但係好好聽,係一首好入心嘅旋律。」
Jay亦帶來自己的新歌《在愛面對投降》。
如果心水清,就發現Jer與Jay對上一次合作已經是3年前的網上音樂會,今次在Studio合作,Jay看得出Jer的轉變:「多咗好多信心,因為3年前第一次合作嘅時候,Feel到你有啲緊張,但而家絕對係Relax。」Jer聽到則偷偷表示:「而家係識得喺緊張嘅時候扮唔緊張,其實內心都好緊張。」對於Jay,Jer也看得出轉變,「Jay係再超級穩定,佢寫嘅曲風愈嚟愈有層次同埋味道,特別係佢幫我寫嘅新歌,係好好!」Jay聽到隨即𢱑撈,說道:「你都唱得好好,搵我多啲寫歌可以嗎?」Jer聽到,即爽快道:「冇問題,爭首R&B。」Jay指他也常常聽到樂迷代Jer邀歌,希望日後有機會成真。
Jay讚現在的Jer比起三年前更有信心。
繼上次網上音樂會,到今次到Studio拍攝,Jay與Jer的攜手演出,總欠缺了現場觀眾,二人坦言,都期待將來有機會來一場有觀眾的演出,Jer表示:「Live嘅感染力再強啲,For我哋兩個都係咁鍾意唱歌嘅人嚟講,一定會唱到現場觀眾好入心,好被Touching感覺。」Jay亦道:「我都想同台演出,因為唔知點解我哋由3年前到而家,一直合作都係網上,可唔可以下次做真嘅Show?!」Jer聽到Jay的訴求,也搞笑地作出呼籲:「聽到呢段說話嘅,記得搵我哋!」
VIDEO
觀看相關影片按連結:https://youtu.be/hPg0gyLgFo0