網上瘋傳一段影片，當中顯示有亞視一姐之稱的前落選亞姐薛影儀（阿儀）疑因無戴口罩，被元朗朗屏邨一名街坊拍片窮追超過3分鐘，阿儀衝入升降機逃走，但被拍片者阻擋𨋢門，遂出手兼「起飛腳」，擾攘一輪才正確戴回口罩，片末可見有警員到場。據報引述消息指，事發於去年9月。
影片截圖
有關片段約3分16秒，一開始聽見拍片女街坊大叫「亞視一姐呀嘛！薛影儀！唔戴口罩呀嘛！我話過撞到妳實影妳㗎！」當時阿儀身處一大廈大堂，未有戴口罩，僅用手按著口罩及嘴部，被追擊下即拍打鏡頭，並急步離開大廈往邨內其他地方。女街坊一路窮追，沿途不斷高呼「朗屏邨薛影儀唔戴口罩呀！」、「大X晒呀？」、「使乜咁驚呀？」
影片截圖
薛影儀被窮追猛打下，由急步變為狂奔，最終她逃進另一幢大廈的升降機內，惟女街坊緊隨其後及擋住𨋢門。阿儀走投無路，一度出手推撞拍片女街坊，又最少3次「起飛腳」，並向大廈保安員稱：「佢阻住我唔畀我走呀！」事件驚動多名街坊圍觀，有人亦着她戴回口罩。其後阿儀走入另一部剛巧有一名女住客乘搭的升降機，對方見狀立即嚇得走出升降機外，最後阿儀在升降機內戴上口罩。及至片末，可見有軍裝警員到場了解。
影片截圖
據報指，事件發生於去年9月，故片中阿儀仍身穿中袖衫及短褲。片段引起網民熱議，有人認為女街坊行為過激，「其實影咗就算，咁追法，有啲恐怖」、「佢一路影一路講粗口，咁樣爆人哋住邊棟樓都唔啱囉」、「阿儀唔戴口罩呢個真係佢問題，但係影嗰個人爆人哋住邊棟樓都真係唔啱」。
「亞視一姐」薛影儀無戴口罩被窮追，出手兼3度起飛腳踢拍片者。影片截圖
不過亦有網民認為阿儀應戴好口罩，「戴返個罩咪得囉，仲打人」、「唔戴口罩正XX」、「咁又係衰格嘅，好好咁戴返個口罩算啦，但佢俾人追咗咁耐，死都唔肯戴好，只係用手拎住個口罩遮住」、「唔戴口罩害人害己！」
