23歲魏浚笙姊弟戀愛得甜蜜 唔想女友匿匿埋埋 承諾3年內封盤結婚

憑著超高顏值極速上位的魏浚笙（Jeffery）， 日前在陳志雲的《Stephen‧傾》節目擔任嘉賓，大談愛情觀及與家人關係。

Jeffery接受陳志雲訪問。

他透露小時候經常被爸爸用籐條打，所以好怕爸爸，後來父母離婚，父子關係反而變得更和諧，他說：「佢搬出去時，我同哥哥都好開心，都喺度笑，但當佢真係要走時，我都有唔開心。喺我讀中三時，爸爸信基督教後，就鍾意用說話說服人，而家我哋係朋友，佢就好似我人生導師咁，幫我分析好嘢。」

Jeffery自爆細個成日畀爸爸打。

Jeffrey是阿正「迷戀」對象，被封新一代男神。

Jeffery與女友拍拖6年，表示係一見鍾情。

不過，曾經是接近200磅肥仔的Jeffrey，似乎沒有太大自信，不覺得自己靚仔，在節目中說：「由入娛樂圈開始冇話自己靚仔，我覺得一般，如果我叫靚仔，咁碧咸嗰啲叫咩？吳彥祖、陳冠希、金城武嗰啲先叫靚仔。」

Jeffrey同Evelyn喺ViuTV真人騷《調教你男友》已公開戀情。

他自言最滿意自己眉骨T字骨夠深邃，但就不喜歡自己「個鼻成個波」，每次打邊爐都會吸好多味精，而變大鼻仔。

姊弟戀愛得甜蜜。

志雲問他靚仔有甚麼著數？他即煨Sir上身，答得單純又可愛：「買菜會多條葱。我成日買餸，喺大埔街市。」他坦承與女友Evelyn已去到同居關係，平時女友煮飯，他就負責買餸和洗碗，唔使女友操勞，非常sweet。

節目尾聲，仲唱歌畀女友聽，真係冧到震！

現年23歲的Jeffrey與比他大四年的女友Evelyn拍拖6年，他表示被對方的內涵吸引，而且是一見鍾情，他說：「覺得佢好叻，出口成文，用成語溝通，嗰時諗佢係咪老師，教中文。」最初與女友溝通有困難，但慢慢協調出方法：「我又變返有啲文化，佢又正常返啲。佢識我時好文縐縐，我鍾意佢文縐縐，唔知呢，係感覺。」

肥仔幾時都係潛力股，Jeffrey細個時係肥仔，而家都變男神。

Jeffrey不擔心公開感情會影響事業，他Man爆表示：「我以前都冇諗過入行，因此冇諗過避忌，即使避忌都冇用，大家一定知。而且要對另一半有承諾，冇人想做另一半要做到要匿匿埋埋。身為一個男人，要公開同保護。」

Jeffrey覺得自己唔算靚仔。

他有信心二人感情不會變，大讚Evelyn是「萬能」女友，除了是他的經理人和化妝師外，更一齊開聯名戶口，問到幾時結婚？他秒回：「我想呀，一直都想！我想喺佢30歲前結婚，但佢覺得好早。（仲有2年？）3年，但佢唔想咁快，希望我做好工作先。」Jeffrey坦言已想過如何求婚，希望屆時可在外國向女友求婚，並製作成紀錄片。節目中，Evelyn一直在鏡頭外陪伴，Jeffrey不單公開愛的宣言，最後還唱出Dear Jane的《不許你注定一人》送給女友，大放閃光彈！

23歲魏浚笙姊弟戀愛得甜蜜 唔想女友匿匿埋埋 承諾3年內封盤結婚

香港史上首部以輻射災難為題材的鉅製《焚城》，將於11月1日震撼上畫！

《焚城》由兩屆金像獎最佳攝影潘耀明執導，雲集最強卡士包括劉德華、白宇、莫文蔚、謝君豪、王菀之、王丹妮（Louise）、廖子妤（Fish）、何啟華（Dee）、魏浚笙（Jeffrey）、梁仲恆（阿炳）聯手拯救危城！《焚城》為香港電影罕見的災難片，製作龐大，香港影壇精英盡出，幕前陣容集結不同年代的出色演員！港版主海報以及製作特輯「重裝訓練」亦都矚目登場！

《焚城》最新海報

觀看相關影片按連結：https://youtu.be/_ftyxHQFpQc

最新製作特輯「重裝訓練」，聚焦飾演消防員的演員們。去年在中國電視劇年度盛典獲得年度突破男演員的白宇，戲中夥拍金馬影帝謝君豪，率領一班新生代實力偶像派演員進入火場，包括金像獎最佳新演員王丹妮、金像獎最佳女配角廖子妤、Dee、Jeffrey、阿炳 、林家熙（Locker）、黃愷傑（Wesley）等，組成熱血最強的消防隊伍！

觀看相關影片按連結：https://youtu.be/PSUgYDNZfWA

製作特輯中展示各位拍攝前接受的各項嚴格訓練，力求呈現消防工作的真實面貌！雖然以上各位無法似消防員一樣，長時間入學堂訓練，但為了能夠呈現救火英雄們最真實一面，他們經歷了濃縮版的「消防精讀班」，學習如何穿著「黃金戰衣」消防制服、操作爆破工具，並掌握各種專業術語、手勢等。

謝君豪率領一班新生代實力偶像派演員進行各項嚴格訓練。

除了技術上的挑戰，他們還要通過體能訓練來培養團體精神，監製江志強在開鏡前特意為演員們安排了各種消防特訓活動，當中最具壓力莫過於半空繩索訓練，在極高的地方進行演練之下，Fish更被嚇得當場灑淚，場面驚險！

挑戰高空繩索。

訓練當天，監製、導演等親自到場打氣支持，一班演員被帶到一幢20多層高的大廈天台，準備挑戰在高空繩陣移動。這天主動自薦擔任攝影師的豪哥，免受訓練並打趣道：「我喺下面支持佢哋得，我係攝影師，應該匿埋喺鏡頭後面，哈哈。」而率先挑戰的Jeffrey在看教練示範時已經感到非常驚恐，直言「唔係一般難度」。

Jeffrey率先挑戰。

雖然有鋼索作安全措施，但從繩陣到地面距離有20多層樓高，令現場所有人都屏息靜氣。身先士卒的Jeffrey最後成功挑戰，大聲歡呼並謂：「有啲想嘔，上到一半真係有啲後悔，差啲想放棄。」阿Dee甚至開玩笑問：「唔玩得唔得？」其後他又不斷自我鼓勵：「真係唔驚呢，真係唔驚呢...」Dee雖然中途笑言想放棄，但還是堅持完成挑戰。至於阿炳表示自己從未玩過這種高空活動，內心雖然忐忑，但最後也順利完成，另外運動細胞極佳的Wesley，亦輕鬆自如地完成挑戰，身手矯健的姿態更引來掌聲。至於Locker則無論事前事後都表現得非常淡定有信心。

Jeffrey成功挑戰，但表示有啲想嘔。

何啟華阿Dee

黃愷傑Wesley

林家熙Locker

作為當日其中一位女性演員，Louise挑戰前都要克服心理障礙：「其實我怕高嘅，跳樓機都驚㗎！」但憑藉她的手長腳長優勢，順利完成挑戰，甚至在半空中擺出超人姿勢，好不威風。Louise的好姊妹Fish則沒那麼順利，平日連摩天輪都不敢玩的她，在繩陣上不斷手震腳震，無法前進，甚至嚇得在半空中落淚。

廖子妤、王丹妮

半空擺pose，挑戰成功！

Louise克服心理障礙。

廖子妤嚇到喊。

不斷手震腳震。

在半空中落淚。

Fish事後回憶當時情景說：「覺得自己會唔會死喺呢度，我成個人震晒，見到每個人都望住我，我覺得好瘀，但見大家為我打氣時，又覺得有種團體精神。」完成後Louise不斷安慰Fish，並主動陪她一起完成挑戰，最終兩人互相扶持順利過關，Fish表示：「做完呢個好似咩都做到咁，同Louise建立了互相信任嘅默契！」

雖然嚇到喊，但廖子妤都努力完挑戰。

Louise更一直陪伴在旁。

高空訓練後，監製還安排戶外BBQ及團體遊戲，進一步加深演員們之間的默契和信任，務求令大家無論戲裡戲外，都打造出出生入死，肝膽相照的情誼！密切留意《焚城》電影最新資訊，一同目擊這場席捲而來的末世浩劫，見證香港終極命運！

高空訓練後，監製安排戶外BBQ及團體遊戲。