情人節當日，譚小環和老公蔡強榮正好拍拖十周年，兩人甜蜜依舊，小環更收到老公送的心形花束與玫瑰蘋果酥。小環未食都甜入心，更放閃指「人生好完美」。
譚小環和蔡強榮結婚十年只經歷過去年一次「疑似偷食」衝擊，不過流言無損夫妻間感情，兩公婆反而愈來愈恩愛，小環爆出愛的宣言：「現在人生好完美，好滿足，希望可以keep住十年、二十年同三十年都一樣。」
資料圖片
問到十周年紀念感受時，小環甜蜜說：「最特別今年有愛犬LaLa陪我哋一齊過，當晚食完日本菜馬上返屋企同LaLa一齊慶祝，其實當日下午收到花時，LaLa聞到玫瑰蘋果酥嘅香味比我更興奮，老公知我鍾意食，所以特別柯打，我唔使要名貴禮物，心思就得啦。」
資料圖片
小環形容現在人生好完美同幸福，有愛鍚自己的老公、家人同埋心愛小狗。她說：「以前老公怕狗，為咗我會克服恐懼養狗，依家老公頭號最愛鍚LaLa，成日怪我唔俾零食LaLa，之前LaLa做絕育我哋都好肉赤，好彩個獸醫手勢好，好快康復，養狗後多少有助增進夫妻間感情。」
