黃婉君一家四口返新加坡放暑假 囝囝同Race囡囡開心食雪糕

Rosanne好耐冇返家鄉所以好興奮。

陳年2人女子組合2R已經做晒媽媽，又已退出娛樂圈多年，但因為世上有社交平台，所以想知佢哋近況撳個制就睇到。因為兩個囝囝提早放暑假，所以在港生活的黃婉君（Rosanne）已同牙醫老公及兩個仔返老家新加坡，一返家鄉更已經去睇夜景放鬆吓。

Rosanne與老公及分別10歲及8歲的兒子Dylan與Daniel。

Rosanne好耐冇返家鄉所以好興奮。

新加坡嘅夜景同香港好似。

雖然未見Rosanne同Race的2R合體照，但就有兩人的仔女及胞妹的混血囝囝合照，四位小朋友食住雪糕不知幾開心。做咗阿媽平時煮早餐煮得多，返老家就有媽媽服侍，Rosanne瞓醒就有溫暖牌Mee soto食，隔住相都好似聞到香味。

Rosanne兩個囝囝，Race囡囡Cara 及RACE妹妹的囝囝Ashton。

Rosanne一瞓醒就聞到香味。

睇嚟好好味嘅雞絲湯麵。

三姊妹同媽媽。

RACE一家四口。

Race妹妹Rhonda一家三口。

Rosanne復出幕前推單曲，接受訪問大爆解散之謎與戀愛史。

前女子組合2R（Rosanne & Race）於千禧年代曾風靡一時，闊別樂壇18年的家姐Rosanne近日推出個人單曲《帥起來》，並接受雷霆881商業一台《星光背後》專訪，大爆當年2R解散之謎，又開腔回應當年與陳冠希及安志杰關係、以及分享Race近况。

Rosanne 接受雷霆881商業一台《星光背後》專訪

仲大爆戀愛史

20多年前，Rosanne與妹妹Race來港旅遊，誤打誤撞參加歌唱比賽而入行，近日因為一個洗頭水廣告再激發到Rosanne推出一首solo單曲，她接受專訪時親解當年解散原因﹕「當時已經換咗第3、4個經理人，咁我又差唔多30歲，因為爹哋話女人30歲要結婚，35歲前要生BB，我哋計下時間，如果再搵新經理人再出碟，就好難喺35歲前生BB，當我仲諗緊嘅時候，碰巧我老公求婚，咁唔使我決定！」

Rosanne 自薦為洗頭水廣告唱主題曲

Rosanne （中）與Rose（右）組合成2R，當年誤打誤撞入行

Rosanne自爆與丈夫Derek於2R未出道時已認識，拍拖8年，二人一直玩地下情：「當時唔准拍拖，連公司都唔知，嗰陣我仲未開始我嘅事業，我先生仲喺香港大學讀緊牙醫。 」而且二人仲她早訂了婚，待Derek在英國完成牙醫碩士課程後就會結婚，換言之，2R解散的成因，是Rosanne的決定。Rosanne表示從沒問過Race的感受：「喺我結婚之後，阿妹就去讀金融，之後先返新加坡。」Rosanne亦坦言當年解散沒向歌迷交代原因，實愧對粉絲。出完單曲後，Rosanne有計劃繼續自資出歌，甚至與妹妹復出合唱，答謝2R的歌迷。

至於當年Rosanne與陳冠希和安志杰爆緋聞熟真熟假﹖Rosanne指「大家係朋友，當時我都同緊我先生拍拖。」不過就直認雙方有彼此鍾意，而且陳冠希和安志杰都有向Rosanne展開追求。

Rosanne婚後三年抱兩，一切都是計劃之中：「爹哋想我哋喺35歲前生完B，咁我真係30歲結婚，33歲就生完，可能係不知不覺畀我爹哋媽咪洗咗腦，佢哋話唔可以一世做娛樂圈！」

Rosanne婚後三年抱兩，一切都是計劃之中

至於妹妹Race近况呢﹖Rosanne指：「呢幾年妹妹進修咗好多，佢進修Master同地產嘅嘢，努力得非常辛苦，因為佢自己做老闆係唔簡單，我覺得好驕傲，尤其佢嫁得好，佢先生年紀比佢大啲，好惜佢，當佢好似公主咁，佢係好幸福 ！」