吳海昕（Sofiee）在ViuTV劇集《940920》中重拾Yeesa一角，令不少有追睇前作《二月廿九》的劇迷大為懷念，更有不少粉絲希望她的角色能與劉俊謙飾演的余家聰再續前緣，留下一個圓滿結局。
吳海昕覺得重新演同一個角色的機會很難得。
自封「穿越KOL」的Sofiee，形容自己的角色似導航，帶領觀眾去看余家聰的故事，雖然兩集中的她外表相似，其實心態上很不一樣，作為演員她也是首度有這種演出機會：「重新演同一個角色的機會很難得，但人設上有少少改變，今次再演Yeesa，感覺上放鬆好多，記得第一集又去北海道又要學語言，其實繼《二月廿九》後和團隊再合作了3、4次，所以都有默契，當回到相同的場景，回憶起2年前拍劇的自己，感覺非常之特別。」
點擊看圖輯
獨家丨拍《940920》自封「穿越KOL」 吳海昕：是Yeesa發掘了我
今次再演Yeesa，吳海昕話感覺上放鬆好多。
Sofiee感謝編劇團隊和導演，打造了完整的故事背景，讓她再有機會飾演充滿回憶的Yeesa，她笑言仍未收到劇本已主動提出想再演一次這個角色。
Sofiee期待演不同角色，改變大家對她的印象。
提到Yeesa的形象十分「入血」已成其代表作，演員生涯再添代表作，Sofiee期待能有不同角色可以改變大家對她的印象，相信更多不同人物的存在，例如一些較硬朗的角色。
Sofiee與團隊合作得很開心。
提到早前完成拍攝的《i.SWIM》可有機會展現這一面？Sofiee笑說：「裏面演一個惡老師，語速好快，更會幫人做決定，不似Yeesa的世界所有事物都好慢。」Sofiee表示希望繼續在電視與電影上追夢，即使演過幾個角色，目前仍最愛Yeesa，她說：「因為她令我可以放鬆做所有事，大家都覺得是角色應有的舉動，一切好渾然天成，感覺反而是Yeesa發掘了我，其實這角色也有點搞笑底，希望往後有機會發掘到我另一面。」
獨家丨拍《940920》自封「穿越KOL」 吳海昕：是Yeesa發掘了我
不過193表示Sofiee要自求多福，因為劇組未能夠讓她索償醫藥費！
郭嘉駿193今年首支單曲《B出口》，其實是香港年青人的愛情寫照，今次除了早前公布了由何啟華Dee首次操刀執導MV外，更有之前與193合作舞台劇的吳海昕（Sofiee）加盟演出，鐵三角組合，想不到竟然發生家暴事件，Sofiee更弄得滿手瘀痕！
193推出今年首支單曲《B出口》，唱盡香港愛情面貌。
邀吳海昕（Sofiee）任MV女主角。
今次《B出口》由台灣音樂人宋星凱及葉懷佩作曲，林若寧填詞，是很多香港人的愛情寫照，193道：「《B出口》〉講好多人與人之間嘅邂逅，例如：搭地鐵遇到心儀對象，可能一齊咗，之後過一排又邂逅其他人。好多偶遇好多離離合合，呢個就係好多香港人嘅寫照。」既然是一首屬於香港人的情歌，193很想在歌曲中記錄當下的愛情以外，更想記錄香港，他續道：「林若寧寫詞嘅時候，我叫佢加多啲香港地方元素，記錄返香港呢個時間呢個地區，因為好多時有啲地區經過年月變化，又或者好多唔同因素會變咗好多，甚至係有可能冇埋條街，所以歌詞裡面嘅街名比較大路，彌敦道、太子道、擺花街，另外亦有提及花墟。」
相關影片可以按以下畫面觀看：
影片連結：https://youtu.be/vljXJxvPArc?si=RrqBEOHMlP8fiwDW>
在拍攝過程中，193不慎重整傷了Sofiee。
吳海昕慘遭193家暴！
早前已公布，今次《B出口》由ERROR隊友Dee執導。既然大導揸Fit，自然Budget也較多，193大爆：「MV 因為有Dee大導，係歷年來𢱑得最多Budget嘅MV！如果用《睡到三點》同《再次Puppy Love》去比較，Budget係多十幾倍，所以都幾誇張。Dee大導好多想法，話要爆破！話應該冇乜人MV會爆破，所以要爆破。然後又要流血！好多奇怪諗法！」諗法多自然拍得多，193都想不通Dee的想法，他說：「我哋分咗兩日拍，每日拍咗十幾個鐘，啲劇情係多到我覺得可以出一個劇場版，起碼30分鐘都仲有嘢剩，多到痴線，我都唔明Dee可以點樣整落去。」
何啟華Dee首次操刀執導MV。
《B出口》作為情歌，當然要有女主角，但原來過程中曾經換角，193解釋：「本身MV係諗住搵另一個女主角，係傾好咗嘅，但去到開會嘅時候，Dee度咗好多劇情嘢，但當時想搵嘅女主角，係大約20歲嘅女仔，同我年紀差好遠，我哋點樣回憶返我哋十幾廿年前嘅片段呢？十幾廿年前佢仲係粒卵子⋯⋯然後諗起Sofiee，佢同我啱啱做完舞台劇《Laugh Vacation》，係一個幾好嘅選擇，同埋佢係一位好演員，所以唔使諗就係佢。」
193十分感謝Sofiee不計酬勞，近乎貼錢演出，與此同時，他亦深感歉疚，因為在拍攝過程中，他整傷了Sofiee。193說：「有場情緒戲，拍咗好多次，可能有7、8 Take，Dee 老師有好多唔同要求，我哋都跟足做，其中我要同Sofiee鬥力，我要雙手捉住佢阻止佢發癲，但我估唔到自己天生力大無窮，打開籃球嘅右手捏佢左手，結果捏到瘀晒，估唔到瘀到好似家暴，唔係一般嘅瘀，幾個鐘頭後已經變到紫黑色好似中毒一樣，所以我都好過意唔去。」不過193表示Sofiee要自求多福，因為劇組未能夠讓她索償醫藥費。「我頭先有Offer，最多買支去瘀膏或者跌打酒俾佢，但Sofiee冇理我。」對於被捏到滿手瘀痕，Sofiee就說：「兩睇啦！望落去就疑似好暴力，但對於33嘅老婆嚟講，佢係好大隻呀！平時係有操開，都有啲功力。」
193表示Sofiee要自求多福，因為劇組未能夠讓她索償醫藥費。
拍攝Budget歷來最多。
