今晚霸戲哥可以乜都唔睇，除咗凌晨舉行嘅世界盃決賽週分組賽抽籤儀式。至於邊度有得睇，大家咁醒唔使我教喇。

今屆世界盃於年底喺卡塔爾舉行，決賽周32支球隊，依家已經定出29支（又冇意大利），餘下嘅1個歐洲區同2個跨區席位，要等6月先揭曉。（希望烏克蘭快啲停火）

霸戲哥同豬視妹都係英格蘭死忠，梗係希望佢抽到好籤，唔好被編入死亡之組，好似四年前咁輕輕鬆鬆殺入淘汰賽，你都咪話唔爽。英格蘭今年繼續由領隊修夫基領軍，鋒線有隊長哈里簡尼攻堅，中場線就多咗Kevin Phillips同Declan Rice呢對防中孖寶，陣容可以話比四年前更完整。今次仲唔拎到世界盃？

不過講乜都假，陣間抽到好籤最實際。




霸戲哥

** 博客文章文責自負,不代表本公司立場 **