豬視妹一早起身就扭糖食，當下意識到今日係4月4日，亦即係兒童節。我咁講，今年兒童節肯定係獨一無二——你有冇試過放住暑假過兒童節先？
呢個咁特殊嘅安排，亦打亂咗好多部署，原定係今年7月舉辦嘅《第六屆香港兒童國際電影節》（《The 6th Hong Kong Kids International Film Festival》），亦都因為學生哥提早放暑假嘅情況下，改喺4月以網上播放形式舉行。
同往年一樣，電影節主力為學生哥搜羅世界各地嘅兒童電影，其中包括《和你再見》、《電池爸爸》、《聲之海》、《超級蟲蟲》同《留聲》等等，喺4月10日至4月17日喺香港兒童國際電影節專頁免費播放。大會亦設有映後分享環節，家長同學生可以透過Zoom同嘉賓分享感受。
值得留意係閉幕電影《留聲》，由鮑姐鮑起靜、蔣祖曼、陳宇琛同黃梓樂主演，套戲贏過唔少國際電影獎項。
香港兒童國際電影節網頁
https://www.kiff.asia/kiff2022online
霸戲哥
** 博客文章文責自負,不代表本公司立場 **