大家話睇唔明《金宵大廈2》， 好啦，TVB徇眾要求，畀番啲易入口嘅劇集大家送飯。緊接《金宵》嘅係由馬德鐘、湯洛雯同賴慰玲主演嘅《雙生陌生人》，走搞笑路線，輕輕鬆鬆唔使用腦笑完又一day，正。
啱啱播出第一集，例牌交代吓啲角色咁，套劇以「撞樣」為主題，律師高收成（馬德鐘）同地獄黑仔王巫祺男（又係馬德鐘）就係生得一模一樣，連iphone嘅人物識別鎖都分唔到。黑仔版馬德鍾可塑性幾高，霸戲哥終於唔使睇佢扮專業人士。去到最尾一節，湯洛雯女神look出場，連登仔又有話題啦。
馬德鐘以前就一直畀人話係「萬能key」，任何相片都可以key到佢個樣上去。唔知監製係咪睇中呢點而搵佢演呢個角色呢？
霸戲哥
** 博客文章文責自負,不代表本公司立場 **