有網民周二（15日）在「連登討論區」發文，稱疫情期間靠網上應徵矇混過關，豈料老闆以為他英文能力優秀，還吩咐他主持英文會議，令他不知所措求救，「兩日內將一個英文拎2嘅人變5**」，帖文引發網民恥笑。
網民求救2日內惡補英文的方法。《愛回家之開心速遞》示意截圖
發文者承認，自小英文都好差，近月因疫情可以網上面試，可以一邊視像面試一邊跟稿讀，最後都如願以償很快獲取錄。到簽約時老闆竟然問他英文為何如此流利，他還沾沾自喜「唔係掛？流利？由細到大英文都未合格過喎？開頭我仲好開心啦，俾人讚喎」
網民被老闆以為英文優秀，吩咐主持英文會議，令他不知所措。《愛回家之開心速遞》示意截圖
網上圖片。
豈料入職後經常都要同跟洋人開會，他次次都啞口無言只能支吾以對「yes yes yes」，完全聽不明白討論內容。直到今日老闆召他入房，原本以為會訓斥或者索性解僱，豈料老闆還叫他不用太緊張，知道他英文其實好優秀，還吩咐他2日後開會時展示英文能力主持大局。他不知所措求救，如何「兩日內將一個英文拎2嘅人變5**」。
網民求救2日內惡補英文的方法。《愛回家之開心速遞》示意截圖
不少網民恥笑發文者自作自受，有人就建議「好似之前咁寫定稿。諗埋會被人問乜同答案。問到唔識唔明就話下次開會再答佢」。但發文者稱，「之前interview 寫埋稿望住讀都唔係順。背嘅話應該會緊張到講一秒停兩秒」。
有人建議發文者放病假逃避，「我建議今日響老細面前扮咳。聽朝早send 張陽性圖畀佢話發燒要放大假」。
帖文轉載自連登討論區
婆媳關係向來是一門高深學問，近日有港女在網上發文，指近日才知道，老公開通了家中cctv app 的權限給奶奶，意味這位新抱在家中的一舉一動，一直盡在奶奶眼皮底下，嬲到事主在網上撰文長文，力數極品長老的數宗罪。
示意圖片。《BB來了》劇照
港女長文講述與老公以及奶奶之間恩怨
該港女網友在長文中講自己與老公以及奶奶之間的恩怨娓娓道來，她指嫁給老公的頭一年，她未能找到工作，還講笑指「我唔想做啦等老公養我」，而奶奶聞言，即刻「日日催我搵嘢做」。
然而時移勢易，輪到港女的老公冇嘢做，奶奶就日日鼓勵事主，「搵多啲錢」。大家表面都算相安無事，最終好不容易，港女同老公搬出來自己住。而事主指，最近才知道，原來老公開通了cctv app 權限給奶奶，也就是說，「奶奶見到我係屋企的一舉一動」。
示意圖片。《BB來了》劇照
示意圖片。《BB來了》劇照
奶奶「神通廣大」知道家中事
事緣事主有一日在家中教育小朋友，奶奶突然「神通廣大」般給意見指應該如何教育小朋友，事主指自己整個人「呆咗」。除非有神通，否則如何知道自己家中發生的事情。很快港女就發現，原來是家中的cctv，得知真相的她形容自己嬲到崩，「覺得夫妻之間最基本嘅信任都冇啦」。
她當面質問老公，為何不事先征求其意見？並指平時遇到類似的問題，老公一定指因為事主太忙根本見不到她，所以先行動再同報告，但此次情況不同，事主指自己大部份非工作時間都在家，「佢其實冇嘢好講」。
示意圖片。《BB來了》劇照
老公承認開放CCTV權限給奶奶
事主的老公進一步解釋，指剛剛才裝了CCTV給他媽媽看，意思是想同事主講但沒來得及，而事主則直接指出，「我唔係想知，我係想佢問我同意」，並指如果自己不同意，難道老公會同奶奶收回查看CCTV的權限？
示意圖片。《BB來了》劇照
網民一面倒留言力撐港女
事件曝光掀起網友熱議，大家一面倒留言支持港女：「嘩，咁好既老婆邊度搵」、「嘩，咁都得，你老公一定係媽寶」、「咁辛苦搬出黎都無哂自己生活空間，呢個老公點可能唔反對架」
