內地競賽真人騷《乘風破浪》(前名:乘風破浪的姐姐)近日公佈第三季參賽女星的名單,同時分享了幾輯海報,其中官方早前跟內地一本時裝雜誌合作,為參賽女星影的海報,網民都讚影得靚,個個都好有仙氣。不過日前官方再上載由節目組影的海報,有網民質疑部份女星的照片P得太勁、有啲Pose奇怪,有啲直情唔睇名都唔知邊個。
其中鍾欣潼(阿嬌)近日為節目減肥成功,被網民大讚V面回歸靚返晒,點知官方海報就影到她鼻大又露孔,面型亦似乎P得唔好,有少少怪,Fans都紛紛留言投訴:「還我美女嬌!」但好彩另一張官方宣傳相影得靚好多。至於她的好姊妹蔡卓妍(阿Sa)個樣就冇乜問題,不過個Pose就被批有啲老土,笑容亦都好僵硬,有網民問阿Sa係咪畀攝影師玩,叫佢擺個咁嘅Pose。
點擊看圖輯
阿Sa張海報(右圖)笑容似乎有啲僵硬,網民覺得個Pose有啲娘。
對比返薛凱琪以前個清純樣(左圖),張海報(右圖)似乎真係P得幾勁。
阿嬌Fans嫌官方海報(右圖)影得唔靚。
阿嬌呢張靚好多。
阿Sa張海報(右圖)笑容似乎有啲僵硬,網民覺得個Pose有啲娘。
另外台灣歌手郭采潔就疑似因為被官方過份P圖,雖未至於變網紅樣,但都唔太認到係邊個。網紅樣擔當就落喺薛凱琪(Fiona)身上,原來她除了自己拍片拍照P圖搞到被嘲變網紅樣,連影官方海報都被P到網紅樣咁,Fans都話鍾意Fiona清純樣多啲。除此之外,那英張海報都引起網民討論,有人話唔睇名仲以為係劉嘉玲去參賽呀!
大家認唔認得出右圖係郭采潔?
其實近年郭采潔啲濃妝照都令Fans難以適應。
啲造型不時都被批炒車。
簡簡單單Fans反而大讚。
對比返薛凱琪以前個清純樣(左圖),張海報(右圖)似乎真係P得幾勁。
薛凱琪近來最出名P圖應該係呢張。
P得輕手啲咪幾好……
有網民認錯那英係劉嘉玲,大家覺得似唔似?
台灣女星阿雅都影到唔似真人。
杏兒呢張應該係少數正常嘅海報。
阿Sa病住跳足全場勁敬業!
《Twins Spirit 世界巡迴演唱會》前晚(9月28日)於廣州順利完成兩場演出,廣州是Twins內巡第10站,由今年香港年頭演唱會揭幕之後,Twins已經唱了25場,之後緊接還有汕頭及佛山,內巡完畢後,11月開始便會飛去美加、英國、新加坡等地開唱。
「Twins Spirit 世界巡迴演唱會」廣州站尾場前晚(28日)舉行。
廣州是Twins內巡第10站。
蔡卓妍(阿Sa)和 鍾欣潼(阿嬌)換了粉紅粉綠公主Look新戰衣,歌迷大叫好靚!
阿嬌笑說:「我睇網上留言,有人話我似西蘭花,哈哈!」
來到廣州站Twins決定攪攪新意思,來一個「Twins點歌 fans唱」環節,阿sa謂:「嗱,就咁嘅,晚晚都係你哋點歌,不如今晚我同阿嬌點歌,你哋全場唱俾我哋聽?」歌迷立即大叫: 「冇問題!」最後全場萬人合唱《死性不改》送給twins,萬人歌聲大到震天,令Twins感動不而,阿Sa謂:「我哋雞皮又出嚟啦!」Twins換上新歌衫,粉紅粉綠公主Look出場,歌迷嘩嘩聲大叫好靚,阿嬌就笑言:「我睇網上留言,有人話我似西蘭花,哈哈。」阿Sa就話:「我覺得我哋係西瓜囉。我係西瓜肉,你係出面塊皮,哈哈哈。」
阿Sa就話:「我覺得我哋係西瓜囉,我係西瓜肉,你係出面塊皮。」
完成大陸巡唱後,Twins將於11月到溫哥華開騷。
阿Sa生日要在演唱會中度過。
昨晚第二場,Encore環節,突然於休息飲水時對阿嬌說:「我好似有啲作病,出晒虛汗咁,頭有啲痛、喉嚨又有啲痛,全身都痛喎.....我要唔要戴口罩呀?你驚唔驚?」阿嬌笑道:「我唔驚呀,我諗你可能係咪太熱,焗親呀?」阿唱完串燒經典金曲後,阿Sa坦言:「簡直係用緊生命嚟唱歌!」之後坐係舞台上面,「等等先,阿姐我要坐下....頭暈。」休息一會後,她才表示:「ok!得啦!」再用盡全部氣力,唱出《零4好玩》及《人人彈起》兩首快歌,全場觀眾即瘋狂衝落最前,又起身跟唱跟跳,氣氛熱烈。
演唱會完結後,阿Sa即時回港,到家後量體溫,於IG Story貼「37.5」體溫探熱針。今早阿Sa表示:「其實問過醫生,話37.5溫度係好輕微,今早休息過後已經好番好多,冇再燒啦!噚晚就真係唱到最後,喺台上面係用生命嚟唱歌,用意志力叫自己頂住。但係觀眾,歌迷太好啦反應太勁,好似不停幫我打緊強心針咁,唱最尾兩隻快歌《零4好玩》、《人人彈起》嗰陣,我直頭投入到都唔記得自己頭痛頭暈啦!」
阿Sa原來發住燒完成廣州站巡唱。
完成內地巡唱後,Twins將於11月到溫哥華開騷,阿Sa生日要在演唱會中度過:「11月就開始外巡啦,會去英國,美國,加拿大,新加坡等等地方,會喺多倫多過生日,正日喺嗰邊同親友,小學同學見下面,好多年冇見佢哋呀,終於有一年可以一齊過生日囉,都幾期待㗎。」
阿嬌笑道:「上次係我喺演唱會慶祝生日,今次就到阿Sa生日要喺工作中度過,不過有我哋大家陪住佢嘛,都應該會好開心嘅。我唔識搞驚喜呀,但我聽歌迷講,會幫我哋搞神秘應緩,慶祝阿Sa生日,所以我就交畀佢哋負責,希望佢哋會畀驚喜我哋啦。」
演唱會氣氛熱烈。