娛圈事
陶大宇憑翻唱《倒轉地球》再度爆紅，而ERROR成員吳保錡因模仿其唱腔，加上「水撥手」動作令網民笑爆嘴，保錡更貼出合照，讓觀眾大為期待二人合作。大宇日前被問到此事時大賣關子，保錡今日終在社交網貼出與大宇的合照，透露二人為谷德昭主持的新一集《爆谷一周》做嘉賓。
保錡多謝谷德昭（中）邀請上節目，可以陶大宇面前表現。
保錡同陶大宇終於同場，現身節目《爆谷一周》做嘉賓。
在節目上，齊齊做出大宇的經典掩眼笑動作，保錡寫道：「有冇show我唔知，靜係知爆谷一周真心正，有得喺大宇哥面前表演一次。多謝谷德昭邀請我，希望大家睇得開心啦，因為真心覺得做乜都唔緊要，最重要活在當下，日日開開心心。」而預告片中見到保錡在大宇面前跳唱《倒》，獲稱讚好似對方後生時，做甚麼都不怕錯，氣氛十分歡樂。
保錡跳唱《倒轉地球》，陶大宇睇得好投入。
二人擺出招牌動作，谷德昭在身後睇到笑。
《紮職3》將於8月29日暑期壓軸正式上映。
英皇電影《紮職3》由吳家偉執導，黃宗澤、張繼聰、陳家樂、周勵淇、林千渟、朱天、黎竣等主演，鄭浩南、陶大宇特別演出。 電影將於8月29日暑期壓軸正式上映，日前先行於荃灣荃新天地二期舉行盛大首映禮，《紮職3》團隊大受歡迎，黃宗澤、張繼聰、周勵淇、林千渟、朱天、黎竣、鄒文正等一眾演員吸引到一眾熱情粉絲逼爆荃新天地二期中庭，場面墟冚。而英皇集團主席楊受成博士伉儷、英皇娛樂集團董事總經理張雅麗女士等更親身到現場支持。
英皇電影《紮職3》舉行盛大首映禮。
除了《紮職3》一眾演員，英皇集團主席楊受成博士伉儷、英皇娛樂集團董事總經理張雅麗及多位藝人友好都有出席。
首映禮現場星光熠熠，多位藝人友好包括李靖筠、何珮瑜、楊天宇、阮雅、洪助昇、劉若寶、艾妮、黎展峯、黃明德、Hedy 海兒、曾傲棐、Ada @VIVA、Carina @VIVA、Macy @VIVA、Locksmiths、Sulis等現身捧場。
Ada @VIVA、Carina @VIVA、Macy @VIVA
首映禮上，導演吳家偉分享近年罕見江湖片種，故希望與時並進，拍攝一部屬於這個世代的江湖電影。黃宗澤對於再度參與《紮職》系列感到榮幸：「多謝導演吳家偉再次搵嚟我哋三兄弟合作，今次默契更深厚，好享受喺現場一齊交流劇本，將更豐富嘅內容呈現俾觀眾。」；至於張繼聰則大呼難忘：「今次拍攝有好多難忘嘅回憶，好似喺旺角西洋菜南街瞓街，仲有浸桑拿浸咗六至七個鐘，感覺大家好似打邊爐嘅配菜咁，令大家嘅默契都升溫！
導演吳家偉（中）
黃宗澤
張繼聰
黃宗澤、張繼聰
女主角周勵淇笑指自己為電影注入女性荷爾蒙：「調和一下電影入面好Man嘅氣氛，今次同Bosco有一段微妙嘅愛情關係，仲意外牽涉咗三兄弟嘅打鬥場面。」而今集隆重加盟的大宇哥則笑言未有趣事分享：「其實我戲內見親咁多位拍檔，唔係講數就係開片，因為戲種問題，所以其實係冇趣事。希望再有機會合作，可以有更多機會交流。
周勵淇
陶大宇
三位新晉演員林千渟、朱天、黎竣對於今次有機會與前輩演員交手獲益良多，千渟表示感到幸福：「一直都好渴望有一個哥哥，估唔到今次參與《紮職3》一次過擁有三個阿哥黃宗澤、張繼聰同陳家樂，感覺非常幸福。」而分飾大宇哥手下朱天及黎竣異口同聲大表興奮，朱天笑指：「可以現場欣賞到大宇哥演戲，興奮多過緊張！」，而黎竣則指：「好開心親身感受到大宇哥同浩南哥充滿氣勢嘅一面！
黎竣、林千渟、朱天
而首映開始之前，一眾演員更走訪影院內同觀眾見面互動，令全場氣氛更高漲。散場後觀眾掌聲不絕，激讚動作連場，全片緊張刺激，為《紮職3》首映禮寫上完美句號。
與觀眾大合照
