昨天中學文憑試放榜，憑《綠袖子》旋律唱出「屯馬開通真的很興奮」一曲而喺網絡爆紅嘅鐵路迷羅哲琛「羅先生」，係應屆考生之一。佢透露考試成績未如個人理想，即時前往香港恒生大學報名，獲恒大新聞及傳播學系取錄，其實一場考試並不代表永恆，只要有毅力、有目標，Kelly相信同學仔以後一定有發揮空間嘅，加油！
小妹好多年前都係一個DSE生，好明白放榜嘅壓力。考得好固然開心，不慎失手嘅同學亦毋須徬徨，因為除咗八大，想繼續升學嘅仲有唔少選擇。
獲即場取錄好興奮
經常喺電視、媒體出現嘅鐵路迷羅哲琛，被採訪考生嘅記者喺恒生大學見到其蹤影。羅哲琛透露，考試成績未如個人理想，所以放榜後前來報讀新聞及傳播學系，仲即場被取錄咗。
羅同學對於獲即場取錄感到好興奮，仲話之前多次被傳媒採訪，對傳媒嘅工作加深認識，希望將來能夠加入電視台做記者。小妹相信羅同學只要向住理想目標前進，堅持不懈，一定做到一個出色嘅新聞從業員，畀心機呀！
Kelly Chu